పవన్ కల్యాణ్ నటించిన ‘ఓజీ’ చిత్రం నెలరోజుల్లోనే ఓటీటీలోకి రాబోతోంది. థియేటర్లలో ఆశించిన స్థాయిలో కలెక్షన్లు రాబట్టలేకపోవడంతో, మేకర్స్ త్వరగా ఓటీటీ స్ట్రీమింగ్కు సిద్ధమయ్యారు. నెట్ఫ్లిక్స్ వేదికగా ఈ సినిమా ప్రేక్షకుల ముందుకు రానుంది.
Key Points
'ఓజీ' సినిమా నెట్ఫ్లిక్స్లో అక్టోబర్ 23 నుంచి స్ట్రీమింగ్ కానుంది.
థియేటర్లలో 'కాంతార' ప్రభావంతో 'ఓజీ' కలెక్షన్లు గణనీయంగా తగ్గాయి.
విడుదలైన నెలరోజుల్లోనే ఓటీటీ స్ట్రీమింగ్ కోసం ఒప్పందం కుదిరింది.
ఓటీటీ వెర్షన్లో కొన్ని అదనపు సీన్లు యాడ్ చేస్తారని ఇండస్ట్రీలో టాక్ ఉంది.
ఓజీ థియేటర్లలో వసూళ్లు తగ్గడానికి కారణం ఏంటి?
కాంతార సినిమాకు క్రేజ్ దక్కడంతో పవన్ కల్యాణ్ నటించిన ఓజీ చిత్రంపై భారీ దెబ్బ పడింది. ఓజీ కేవలం మొదటిరోజు మాత్రమే భారీ కలెక్షన్స్ సాధించినప్పటికీ ఆ తర్వాత థియేటర్ల పరిస్థితి ధారుణంగా మారింది. ప్రస్తుతం ఎక్కడ చూసిన కూడా కాంతార జోరు ఉండటంతో ఓజీ థియేటర్స్ ఖాళీగానే కనిపిస్తున్నాయి. దీంతో ఓటీటీ బాటలోకి ఓజీ వచ్చేందుకు రెడీ అవుతున్నాడు. కేవలం నెలరోజుల్లోనే స్ట్రీమింగ్కు రానున్నట్లు తెలుస్తోంది.
నెట్ఫ్లిక్స్లో ‘ఓజీ’ స్ట్రీమింగ్ ఎప్పుడు?
ఓజీ సినిమా నెట్ఫ్లిక్స్ (NetflixI) ఓటీటీ (OTT)లో ఆక్టోబర్ 23 నుంచి తెలుగుతో పాటు ఇతర భాషల్లోనూ స్ట్రీమింగ్ కానున్నట్లు సమాచారం. నెల రోజుల్లోనే ఓటీటీలో విడుదల అయ్యేలా ఆ సంస్థతో ఒప్పందం కుదుర్చుకున్నట్లు తెలుస్తోంది. అయితే, ఓటీటీ వర్షన్లో కొన్ని అదనపు సీన్లు యాడ్ చేస్తారని ఇండస్ట్రీలో టాక్ ఉంది.
ఓటీటీలో అదనపు సీన్లు ఉంటాయా?
భారీ అంచనాలతో సెప్టెంబర్ 25న ఓజీ విడుదలైంది. అయితే, కలెక్షన్స్ పరంగా టాలీవుడ్ రికార్డ్స్ తిరగరాయాలని అత్యధిక ప్రీమియర్ షోలు (336) వేసి ఒక్కో టికెట్ ధర రూ. 1000 నిర్ణయించడంతో మొదటిరోజు భారీ కలెక్షన్స్ రాబట్టింది. కానీ, ప్రభాస్, అల్లు అర్జున్, ఎన్టీఆర్ వంటి అగ్రహీరోల మొదటిరోజు కలెక్షన్ల రికార్డ్స్ను ఎంత మాత్రం టచ్ చేయలేకపోయింది. ఓజీ రెండోరోజు నుంచే ఒక్కసారిగా 80 శాతం పైగా కలెక్షన్స్ తగ్గిపోయాయి. కాంతార విడుదల తర్వాత కలెక్షన్స్ పరిస్థితి మరింతగా తగ్గిపోయాయి. ఇప్పటి వరకు ఓజీ రూ. 183 కోట్ల నెట్ సాధించినట్లు ప్రముఖ వెబ్సైట్ సాక్నిల్క్ పేర్కొంది. ఈ మూవీలో పవన్ కల్యాణ్తో పాటు ఇమ్రాన్ హష్మీ, ప్రియాంక మోహన్, ప్రకాశ్ రాజ్, శ్రియా రెడ్డి వంటి వారు నటించారు.
మొత్తం మీద ‘ఓజీ’ త్వరగా ఓటీటీలోకి రావడం అభిమానులకు శుభవార్త. థియేటర్లలో చూడలేనివారు, అదనపు సీన్ల కోసం ఎదురుచూసేవారు నెట్ఫ్లిక్స్లో సినిమాను ఆస్వాదించవచ్చు. ఇది చిత్ర భవిష్యత్తుపై ఆసక్తిని రేకెత్తిస్తోంది.
