ఆస్కార్ షాక్: తెలుగు నటులకు అరుదైన గౌరవం! కోటా శ్రీనివాసరావుకు ఆస్కార్ నివాళి!!

Published: 16-03-2026, 5:05 AM

📌 Key Points

తెలుగు నటుడు కోటా శ్రీనివాసరావుకు ఆస్కార్ నివాళి, తెలుగు సినిమాకు గర్వకారణం!
బాలీవుడ్ దిగ్గజాలు ధర్మేంద్ర, మనోజ్ కుమార్ లకు ఆస్కార్ వేదికపై సత్కారం!
దక్షిణాది దేవత సరోజా దేవికి అరుదైన గౌరవం, తెలుగు సినిమా ఖ్యాతిని చాటింది!
భారతీయ సినిమాకు దక్కిన అంతర్జాతీయ గుర్తింపు, సినీ అభిమానులకు పండుగలాంటి వార్త!

తెలుగు సినిమా అభిమానులకు ఇది నిజంగా పండగ వార్త! ఆస్కార్ వేదికపై మన నటులకు అరుదైన గౌరవం దక్కింది. టాలీవుడ్ దిగ్గజాలకు ఆస్కార్ నివాళి అర్పించడం ఇప్పుడు హాట్ టాపిక్ గా మారింది.

ఆస్కార్ వేదికపై తెలుగు నటులకు సత్కారం!

Oscar 2026: ప్రపంచ సినిమా వేదికపై భారతీయ వెండితెర దిగ్గజాలకు అరుదైన గౌరవం దక్కింది. 98వ ఆస్కార్ వేడుకల సందర్భంగా అకాడమీ ఆఫ్ మోషన్ పిక్చర్ ఆర్ట్స్ అండ్ సైన్సెస్ తమ వెబ్‌సైట్‌లో ఒక ప్రత్యేక నివాళిని ఏర్పాటు చేసింది. 2025 -2026 ఆస్కార్(Oscar 2026) వేడుకల మధ్య కాలంలో కన్నుమూసిన అంతర్జాతీయ సినీ ప్రముఖులను స్మరించుకుంటూ “2025 మరియు 2026 ఆస్కార్ల మధ్య మనం కోల్పోయిన కళాకారులు, చలనచిత్ర నిర్మాతలను స్మరించుకోవడానికి ఒక్క క్షణం కేటాయించండి” అనే సందేశంతో వారి ఫోటోలను పొందుపరిచింది. ఈ జాబితాలో భారతదేశం నుండి నలుగురు దిగ్గజ కళాకారుల ఫోటోలు ఉండటం విశేషం.

తెలుగు సినిమా గర్వించదగ్గ నటుడు కోటా శ్రీనివాసరావు, బాలీవుడ్ ‘హీ-మ్యాన్’ ధర్మేంద్ర, దేశభక్తి చిత్రాల స్పెషలిస్ట్ మనోజ్ కుమార్, దక్షిణాది వెండితెర దేవత సరోజా దేవిలకు అకాడమీ ఈ నివాళి అర్పించింది. దశాబ్దాల కాలం పాటు భారతీయ సినిమా అభివృద్ధికి వీరు చేసిన కృషిని ఆస్కార్ గుర్తించడం గమనార్హం. కోటా శ్రీనివాసరావు తన విలక్షణ నటనతో దక్షిణ భారత చిత్రసీమలో చెరగని ముద్ర వేయగా, ధర్మేంద్ర మరియు మనోజ్ కుమార్ లు భారతీయ చలనచిత్ర రంగానికి అంతర్జాతీయ స్థాయిలో గుర్తింపు తెచ్చారు. ఇక సరోజా దేవి తన అందం, అభినయంతో అప్పట్లో సంచలనం సృష్టించారు. ప్రపంచంలోనే అత్యున్నతమైన సినీ వేదికపై మన దేశానికి చెందిన నటుల ఫోటోలు కనిపించడం భారతీయ సినీ ప్రేమికులకు గర్వకారణంగా మారింది. ఈ గుర్తింపు వారి ప్రతిభకు మరియు భారతీయ సినిమాకు లభించిన అంతర్జాతీయ గౌరవంగా ఇండస్ట్రీ వర్గాలు భావిస్తున్నాయి.