📌 Key Points
- పవన్ కళ్యాణ్, సురేందర్ రెడ్డి కాంబినేషన్లో భారీ ప్రాజెక్ట్ వేగంగా రూపుదిద్దుకుంటోంది.
- హీరోయిన్గా సోషల్ మీడియా స్టార్ ఇమాన్వీ పేరు పరిశీలనలోకి వచ్చింది.
- సురేందర్ రెడ్డి గత చిత్రం ‘ఏజెంట్’లో నటించిన సాక్షి వైద్యను ఎంపిక చేసే అవకాశం ఉంది.
- ఉగాదికి హీరోయిన్ పేరుతో పాటు సినిమా టైటిల్ ప్రకటించే అవకాశం ఉంది.
పవర్ స్టార్ పవన్ కళ్యాణ్, డైరెక్టర్ సురేందర్ రెడ్డి కాంబినేషన్లో తెరకెక్కుతున్న సినిమా ప్రస్తుతం శరవేగంగా జరుగుతోంది. ఈ సినిమాలో హీరోయిన్ గా సాక్షి వైద్యను ఎంపిక చేసే అవకాశం ఉంది. దీనికి సంబంధించిన పూర్తి వివరాలు త్వరలో తెలుస్తాయి.
పవన్ కళ్యాణ్, సురేందర్ రెడ్డి మూవీ అప్డేట్స్
Pawan Kalyan: పవర్ స్టార్ పవన్ కళ్యాణ్ మరియు స్టైలిష్ డైరెక్టర్ సురేందర్ రెడ్డి కాంబినేషన్లో రాబోతున్న భారీ ప్రాజెక్ట్ ప్రస్తుతం శరవేగంగా అడుగులు వేస్తోంది. గత కొంతకాలంగా ఈ సినిమా స్క్రిప్ట్ పనులపై కసరత్తు చేసిన సురేందర్ రెడ్డి, ఇటీవలే పవన్తో జరిపిన చర్చల అనంతరం కథను ఫైనల్ చేసినట్లు సమాచారం. ఈ క్రేజీ యాక్షన్ ఎంటర్టైనర్ను వీలైనంత త్వరగా పట్టాలెక్కించి, పవన్ కళ్యాణ్ డేట్స్కు అనుగుణంగా చిత్రీకరణను ప్లాన్ చేయాలని చిత్ర బృందం భావిస్తోంది.
Read also- Rashmika Mandanna: బాలీవుడ్ సినిమాకు నో చెప్పిన రష్మిక.. ఇండస్ట్రీకి గుడ్ బై చెప్పనుందా?
హీరోయిన్ రేసులో సాక్షి వైద్య
ఈ సినిమాలో హీరోయిన్ ఎంపిక ఇప్పుడు ఫిలిం నగర్ వర్గాల్లో హాట్ టాపిక్గా మారింది. తొలుత సోషల్ మీడియా స్టార్ ఇమాన్వీ పేరు బలంగా వినిపించినప్పటికీ, తాజా సమాచారం ప్రకారం సాక్షి వైద్యను హీరోయిన్గా ఖరారు చేసే దిశగా అడుగులు పడుతున్నాయి. సురేందర్ రెడ్డి గత చిత్రం ‘ఏజెంట్’లో నటించిన సాక్షి, తన నటనతో, లుక్స్తో మెప్పించడంతో, పవన్ పక్కన ఆమె అయితేనే బాగుంటుందని మేకర్స్ భావిస్తున్నట్లు తెలుస్తోంది. ప్రస్తుతం ఆమెతో సంప్రదింపులు తుది దశకు చేరుకున్నాయి. ఇప్పటికే నారీ నారీ నడుమ మురారీ సినిమాతో మంచి హిట్ అందుకున్న సాక్షి పవన్ కళ్యాణ్ సరసన నటించేందుకు రెడీ అవుతుంది. ఇది కన్వాఫ్ అయితే మాత్రం సాక్షికి మరో హిట్ అయ్యే అవకాశం ఉంటుంది.
Read also- Bugonia OTT release date : ఎమ్మా స్టోన్ సైన్స్ ఫిక్షన్ బ్లాక్ కామెడీ ఓటీటీలోకి… ఎప్పుడు, ఎక్కడ చూడచ్చు అంటే ?
ఉగాదికి టైటిల్ ప్రకటన?
రామ్ తాళ్లూరి నిర్మాణంలో రూపొందుతున్న ఈ చిత్రం గురించి మరిన్ని ఆసక్తికరమైన అప్డేట్స్ త్వరలోనే వెలువడనున్నాయి. ఉగాది పర్వదినం సందర్భంగా లేదా అంతకంటే ముందే హీరోయిన్ పేరుతో పాటు సినిమా టైటిల్ మరియు ఇతర సాంకేతిక నిపుణుల వివరాలను అధికారికంగా ప్రకటించే అవకాశం ఉంది. పవన్ కళ్యాణ్ మార్క్ మాస్ ఎలిమెంట్స్తో పాటు సురేందర్ రెడ్డి మార్క్ స్టైలిష్ టేకింగ్తో రాబోతున్న ఈ సినిమాపై అభిమానుల్లో భారీ అంచనాలు నెలకొన్నాయి.
పవన్ కళ్యాణ్, సురేందర్ రెడ్డి కాంబినేషన్లో వస్తున్న ఈ సినిమాపై భారీ అంచనాలు ఉన్నాయి. హీరోయిన్గా సాక్షి వైద్య ఎంపిక దాదాపు ఖాయమైనట్లు తెలుస్తోంది. మరిన్ని వివరాలు త్వరలో వెల్లడి కానున్నాయి.
