📌 Key Points
- పిఠాపురంలో పవన్ కళ్యాణ్ మార్షల్ ఆర్ట్స్ అకాడమీ ఏర్పాటుకు సన్నాహాలు, యుద్ధ కళల్లో శిక్షణ!
- తొందర్లోనే ఫైన్ ఆర్ట్స్ అకాడమీ కూడా ప్రారంభం కానుంది, పవన్ కళ్యాణ్ ట్రస్ట్ ద్వారా నిర్వహణ!
- మార్షల్ ఆర్ట్స్ వీడియోలతో పవన్ కళ్యాణ్ క్రియేటివ్ వర్క్స్ సంస్థ ప్రకటన, అభిమానుల్లో ఆనందం
- పిఠాపురం అభివృద్ధికి పవన్ కళ్యాణ్ కృషి, ఇండియాలోనే బెస్ట్ ఇన్స్టిట్యూట్ రాకతో రూపురేఖలు మారనున్నాయి!
పవన్ కళ్యాణ్ మరో సంచలనానికి తెరలేపారు! పిఠాపురం నియోజకవర్గాన్ని అభివృద్ధి పథంలో నడిపించేందుకు ఆయన వేస్తున్న ఎత్తుగడలు మామూలుగా లేవు. తాజాగా ఆయన ఒక అదిరిపోయే ప్రకటన చేశారు.
పిఠాపురంలో మార్షల్ ఆర్ట్స్ అకాడమీ!
Pawan Kalyan : ఏపీ డిప్యూటీ సీఎంగా పవన్ కళ్యాణ్ దూసుకుపోతున్న సంగతి తెలిసిందే. ఏపీలోని గ్రామాలను అభివృద్ధి బాట పట్టిస్తున్నారు. మంత్రిగా తన శాఖలను పరుగులు పెట్టిస్తున్నారు. మారుమూల గ్రామాలకు కూడా కనీస అవసరాలను తీరుస్తున్నారు. తాజాగా పవన్ తన నియోజకవర్గం పిఠాపురంలో సంక్రాంతి సంబరాల్లో పాల్గొన్నారు.(Pawan Kalyan)
పిఠాపురంలో సంక్రాంతి సంబరాల్లో పాల్గొన్న పవన్ అక్కడ ప్రజలతో కూడా మాట్లాడారు. రాజకీయాలు, అభివృద్ధి, పండగ గురించి మాట్లాడిన అనంతరం చివర్లో ఆసక్తికర విషయాన్ని ప్రకటించారు.
పవన్ కళ్యాణ్ ట్రస్ట్ ద్వారా శిక్షణ!
పవన్ కళ్యాణ్ మాట్లాడుతూ.. పిఠాపురంలో ఇండియాలోనే అత్యున్నత మార్షల్ ఆర్ట్స్, యుద్ధ కళల అకాడమీని పెట్టాలని నిర్ణయించుకున్నా. దాంతో పాటు ఫైన్ ఆర్ట్స్ కూడా పెడుతున్నాను. దాని కోసం ప్లానింగ్ వర్క్ జరుగుతుంది. మార్షల్ ఆర్ట్స్, ఫైన్ ఆర్ట్స్ కలిసి పెట్టబోతున్నాను. ఇది నా ట్రస్ట్ ద్వారా జరగనుంది. నేను స్వయంగా పెట్టబోతున్నాను. ఇది మీతో చెప్పి ఈ కొత్త సంవత్సరంలో మొదలుపెడదాము అనుకున్నాను అని తెలిపారు.
దీంతో పవన్ కామెంట్స్ పై పిఠాపురం ప్రజలతో పాటు ఫ్యాన్స్, మార్షల్ ఆర్ట్స్ నిపుణులు, ఆసక్తి ఉన్నవాళ్లు సంతోషం వ్యక్తం చేస్తున్నారు. ఇటీవల పవన్ కళ్యాణ్ క్రియేటివ్ వర్క్స్ అని తన సొంత నిర్మాణ సంస్థ ని ప్రకటించి మార్షల్ ఆర్ట్స్ కి సంబంధించిన వీడియోలు పోస్ట్ చేస్తూ ఏదో పెద్దగానే రాబోతుందని హింట్ ఇచ్చారు. నేడు అధికారికంగా మార్షల్ ఆర్ట్స్ ఇన్స్టిట్యూట్ ప్రకటించడంతో ఫ్యాన్స్ కూడా సంతోషం వ్యక్తం చేస్తున్నారు.
ఫైన్ ఆర్ట్స్ అకాడమీ కూడా!
ఇప్పటికే పవన్ తన నియోజకవర్గం పిఠాపురాన్ని దగ్గరుండి మరీ అభివృద్ధి చేసుకుంటున్నాడు. ఇక ఇండియాలోనే బెస్ట్ మార్షల్ ఆర్ట్స్ ఇన్స్టిట్యూట్ వస్తే పిఠాపురం రూపురేఖలు మరింత మారనున్నాయి అని అభిప్రాయపడుతున్నారు.
పవన్ కళ్యాణ్ పిఠాపురం అభివృద్ధికి చేస్తున్న ఈ ప్రయత్నంపై మీ అభిప్రాయం ఏమిటో తెలుసుకోండి. మరిన్ని అప్డేట్స్ కోసం చూస్తూ ఉండండి.
