📌 Key Points
- కేరళంలో కాంగ్రెస్ నేతృత్వంలోని యూడీఎఫ్ విజయం సాధిస్తుందని మంత్రి పొంగులేటి ధీమా వ్యక్తం చేశారు.
- పదేళ్లుగా ప్రతిపక్షంలో ఉన్న కాంగ్రెస్ కూటమికి ప్రజల్లో మద్దతు పెరుగుతోందని ఆయన అన్నారు.
- సీపీఎం వైఫల్యాలు, బీజేపీ విభజన రాజకీయాల నడుమ కాంగ్రెస్ ప్రత్యామ్నాయంగా నిలుస్తుందని మంత్రి తెలిపారు.
- కేరళం ప్రజల సెక్యులర్ భావజాలాన్ని కాంగ్రెస్ పార్టీ కాపాడుతుందని పొంగులేటి పేర్కొన్నారు.
కేరళలో రానున్న అసెంబ్లీ ఎన్నికల్లో కాంగ్రెస్ పార్టీ విజయం సాధిస్తుందని మంత్రి పొంగులేటి శ్రీనివాసరెడ్డి ధీమా వ్యక్తం చేశారు. యూడీఎఫ్ కూటమి స్పష్టమైన మెజార్టీతో అధికారంలోకి వస్తుందని ఆయన జోస్యం చెప్పారు. ఈ మేరకు ఆయన కేరళలో ఎన్నికల ప్రచారం నిర్వహించారు.
కేరళలో కాంగ్రెస్ గెలుపు తథ్యం: మంత్రి పొంగులేటి
కేరళం రాష్ట్రంలో వచ్చే నెల 9వ తేదీన జరగనున్న అసెంబ్లీ ఎన్నికల్లో కాంగ్రెస్ నేతృత్వంలోని యూనైటెడ్ డెమోక్రటిక్ ఫ్రంట్ (యూడీఎఫ్) స్పష్టమైన మెజార్టీతో అధికారంలోకి వస్తుందని రాష్ట్ర రెవెన్యూ, హౌసింగ్, సమాచార అండ్ పౌర సంబంధాల శాఖ మంత్రి పొంగులేటి శ్రీనివాసరెడ్డి ధీమా వ్యక్తం చేశారు. కేరళంలో ఎన్నికల ప్రచారంలో భాగంగా ఆదివారం పతనంతిట్ట జిల్లాలోని అడూర్ అసెంబ్లీ నియోజకవర్గం యూడీఎఫ్ ఎమ్మెల్యే అభ్యర్థి శాంతకుమార్ (కాంగ్రెస్ పార్టీ) మద్దతుగా వివిధ ప్రాంతాలలో ప్రచారం నిర్వహించారు. ఈ సందర్భంగా మంత్రి మాట్లాడుతూ పదేళ్లుగా ప్రతిపక్షంలో ఉన్న కాంగ్రెస్ కూటమిపై ప్రజల్లో స్పష్టమైన మార్పు కనిపిస్తున్నదన్నారు. ఇటీవల జరిగిన స్థానిక సంస్థల ఎన్నికల్లో కాంగ్రెస్ కూటమి సాధించిన విజయాలు దీనికి నిదర్శనమని చెప్పారు. దశాబ్ద కాలంగా అధికారంలో ఉన్న ఎల్డీఎఫ్ ప్రజా సంక్షేమాన్ని పూర్తిగా నిర్లక్ష్యం చేసిందని ఆరోపించారు. అభివృద్ధి పేరుతో ప్రచారం మాత్రమే జరిగిందని.. ప్రజలకు అందిన ఫలితాలు తక్కువగానే ఉన్నాయని విమర్శించారు.
పదేళ్ల పాలన తర్వాత కూడా నిరుద్యోగం పెరుగుతుంటే, ప్రజలపై ఆర్థిక భారాలు అధికమవుతుంటే అది ప్రభుత్వ వైఫల్యానికి నిదర్శనం కాదా అని ప్రశ్నించారు. అటు బీజేపీ ఆధ్వర్యంలో దేశవ్యాప్తంగా మతపరమైన రాజకీయాలతో ప్రజలను విభజించే ప్రయత్నం జరుగుతున్నదని ఆరోపించారు. కేరళం ప్రజల సెక్యులర్ భావజాలాన్ని దెబ్బతీయాలనే ప్రయత్నాలను ప్రజలు తిరస్కరిస్తారని అన్నారు. సీపీఎం వైఫల్యాలు, బీజేపీ విభజన రాజకీయాల మధ్య నిజమైన ప్రత్యామ్నాయం కాంగ్రెస్ పార్టీ మాత్రమేనని స్పష్టం చేశారు. సెక్యులర్ విలువలను కాపాడగల శక్తి కాంగ్రెస్కే ఉన్నదని.. ఈ ఎన్నికల్లో ప్రజలు స్పష్టమైన తీర్పుతో కాంగ్రెస్ కూటమికి విజయం అందిస్తారని ఆశాభావం వ్యక్తం చేశారు. ఈ సందర్భంగా కేరళం కాంగ్రెస్ పార్టీ ఏఐసీసీ ఇన్చార్జి దీపాదాస్ మున్షితో మంత్రి భేటీ అయ్యారు.
ప్రతిపక్షానికి పెరుగుతున్న ప్రజా మద్దతు
సీపీఎం, బీజేపీలపై మంత్రి విమర్శలు
మొత్తానికి, కేరళ రాజకీయాల్లో కాంగ్రెస్ పార్టీ ఒక బలమైన శక్తిగా ఎదుగుతోందని, రాబోయే ఎన్నికల్లో విజయం సాధిస్తుందని మంత్రి పొంగులేటి ఆశాభావం వ్యక్తం చేశారు. ప్రజలు కాంగ్రెస్ వైపు మొగ్గు చూపుతున్నారని ఆయన తెలిపారు.
