ప్రపంచ వ్యాప్తంగా గుర్తింపు పొందిన దర్శకుడు రాజమౌళి గారి మొదటి హీరో ఎవరో తెలుసా? అందరూ ఎన్టీఆర్ అనుకుంటున్నారు కానీ, ఆ విషయంలో ఆశ్చర్యకరమైన వార్త బయటకు వచ్చింది. తాజాగా ఓ నటుడు రాజమౌళి గారి మొదటి సినిమా హీరో తానేనని చెప్పాడు.
Key Points
రాజమౌళి మొదటి హీరో ఎన్టీఆర్ కాదు.
కౌశల్ మండా రాజమౌళి మొదటి యాడ్లో నటించారు.
కౌశల్ మండా 'స్టూడెంట్ నెంబర్ 1' కి క్యాస్టింగ్ డైరెక్టర్ గా పనిచేశారు.
రాజమౌళి మొదటి యాక్షన్ కట్ కౌశల్ మండాకు చెప్పారు.
కౌశల్ మండా వెల్లడి
Rajamouli : రాజమౌళి బాహుబలి తో పాన్ ఇండియా స్థాయికి, RRR సినిమాతో పాన్ వరల్డ్ స్థాయికి ఎదిగిన సంగతి తెలిసిందే. ప్రస్తుతం మహేష్ బాబు తో భారీ సినిమా తీస్తున్నారు. ఈ సినిమా కోసం మహేష్ ఫ్యాన్స్ తో పాటు వరల్డ్ వైడ్ చాలామంది రాజమౌళి సినిమా అని ఎదురుచూస్తున్నారు. రాజమౌళి మొదటి సినిమా స్టూడెంట్ నెంబర్ 1 అని, ఆ సినిమా హీరో ఎన్టీఆర్ అని అందరికి తెలిసిందే.
తాజాగా ఓ నటుడు రాజమౌళి మొదటి హీరో నేనే అని చెప్పుకొచ్చాడు. అయితే రాజమౌళి సినిమాల కంటే ముందు సీరియల్, యాడ్స్ డైరెక్ట్ చేసిన సంగతి తెలిసిందే. అలా ఆ నటుడు రాజమౌళి మొదటి హీరో నేనే అని చెప్పాడు.
రాజమౌళి మొదటి యాడ్
ఇంతకీ ఆ హీరో ఎవరో తెలుసా కౌశల్ మండా. మోడల్ గా కెరీర్ మొదలు పెట్టి, నటుడిగా మారి బిగ్ బాస్ సీజన్ 2 విన్నర్ గా నిలిచి ఫేమ్ తెచ్చుకున్నాడు కౌశల్. తాజాగా ఇచ్చిన ఓ ఇంటర్వ్యూలో కౌశల్ మాట్లాడుతూ.. రాజమౌళి ఫస్ట్ హీరో నేనే. రాజమౌళి గారు డైరెక్ట్ చేసిన మొదటి యాడ్ గవర్నమెంట్ కి సంబంధించి వాటర్ యాడ్. రాఘవేంద్రరావు గారు రాజమౌళికి ఆ యాడ్ ఇచ్చారు. నన్ను కూడా రాఘవేంద్రరావు గారే సజెస్ట్ చేసారు. అందులో నేనే మెయిన్ లీడ్ నటించాను. రాజమౌళి గారు ఫస్ట్ యాక్షన్, కట్ చెప్పింది నాకే. అలా రాజమౌళి మొదటి హీరోని నేనే. రాజమౌళి స్టూడెంట్ నెంబర్ 1 సినిమాకు నేనే క్యాస్టింగ్ డైరెక్టర్ గా పనిచేసాను అని తెలిపారు.
‘స్టూడెంట్ నెంబర్ 1’ లో కౌశల్ పాత్ర
చివరగా, రాజమౌళి గారి సినీ ప్రస్థానం ఎంతో విజయవంతమైనది అయినప్పటికీ, ఆయన ప్రయాణం ప్రారంభం గురించి ఈ విషయం ఆసక్తికరంగా ఉంది. కౌశల్ మండా రాజమౌళి గారికి మొదటి హీరో అని తెలుసుకోవడం ఆశ్చర్యకరం.
