📌 Key Points
- రామ్ చరణ్ ‘పెద్ది’ ట్రైలర్ మే 18, 2026న ముంబైలో విడుదల.
- ఏఆర్ రెహమాన్ సంగీతంలో స్పెషల్ సాంగ్ మే 23న భోపాల్లో లాంచ్.
- భోపాల్ ఈవెంట్లో ఏఆర్ రెహమాన్ లైవ్ పర్ఫార్మెన్స్ ఇవ్వనున్నారు.
- ‘పెద్ది’ సినిమా జూన్ 4, 2026న ప్రపంచవ్యాప్తంగా విడుదల.
మెగా పవర్ స్టార్ రామ్ చరణ్ నటిస్తున్న ‘పెద్ది’ చిత్రం నుంచి వరుస అప్డేట్స్ అభిమానులను ఉర్రూతలూగిస్తున్నాయి. తాజాగా ట్రైలర్ విడుదల తేదీ, స్పెషల్ సాంగ్ లాంచ్ వెన్యూను మేకర్స్ ప్రకటించారు. ఈ డబుల్ ధమాకాతో సినిమాపై అంచనాలు మరింత పెరిగాయి.
ముంబైలో ‘పెద్ది’ ట్రైలర్ విడుదల తేదీ
Peddi Updates: మెగా పవర్ స్టార్, గ్లోబల్ స్టార్ రామ్ చరణ్ హీరోగా, ‘ఉప్పెన’ ఫేమ్ బుచ్చిబాబు సనా దర్శకత్వంలో తెరకెక్కుతున్న మోస్ట్ అవేటెడ్ టాలీవుడ్ మూవీ ‘పెద్ది’. అనౌన్స్మెంట్ రోజు నుంచే భారీ అంచనాలను మూటగట్టుకున్న ఈ సినిమా, తాజాగా బ్యాక్ టు బ్యాక్ క్రేజీ అప్డేట్స్తో సోషల్ మీడియాను షేక్ చేస్తోంది. రామ్ చరణ్ సరికొత్త మాస్ అవతారంలో కనిపించనున్న ఈ సినిమా ప్రమోషన్స్ స్పీడ్ పెంచడంతో మెగా అభిమానులు సంబరాల్లో మునిగిపోయారు.
Read also- టాలీవుడ్ సంక్షోభంపై బన్నీ వాస్ సంచలన ట్వీట్.. వందల కోట్ల కలెక్షన్లు నిజం కాదా?
ఇప్పటికే ఈ సినిమా ట్రైలర్ రిలీజ్ డేట్పై క్లారిటీ ఇచ్చిన మేకర్స్, తాజాగా అందరూ ఆసక్తిగా ఎదురుచూస్తున్న లొకేషన్ (వెన్యూ)ను కూడా అధికారికంగా ప్రకటించారు. మే 18, 2026న దేశ ఆర్థిక రాజధాని ముంబై వేదికగా ‘పెద్ది’ అఫీషియల్ ట్రైలర్ను గ్రాండ్గా విడుదల చేయబోతున్నారు. ఈ మేరకు చిత్ర యూనిట్ సోషల్ మీడియా ద్వారా ప్రత్యేక ప్రకటన చేసింది. ‘ఆర్ఆర్ఆర్’ చిత్రంతో నార్త్ బెల్ట్లో రామ్ చరణ్కు వచ్చిన విపరీతమైన క్రేజ్ను దృష్టిలో ఉంచుకునే ఈ పాన్-ఇండియా ప్రమోషన్స్ను ముంబై నుండి భారీ ఎత్తున ప్లాన్ చేసినట్లు తెలుస్తోంది.
ట్రైలర్ అప్డేట్ ఇచ్చిన కాసేపటికే చిత్ర యూనిట్ అభిమానులకు మరో ఊహించని సర్ప్రైజ్ ఇచ్చింది. ఈ సినిమాకు ఆస్కార్ విజేత ఏఆర్ రెహమాన్ సంగీతం అందిస్తున్న సంగతి తెలిసిందే. సినిమాలోని ఒక స్పెషల్ సాంగ్ను మే 23న మధ్యప్రదేశ్లోని భోపాల్లో లాంచ్ చేయబోతున్నారు. ఈ ఈవెంట్లో స్వయంగా ఏఆర్ రెహమాన్ లైవ్ పర్ఫార్మెన్స్ ఇవ్వబోతుండటం విశేషం. “SoundOfPeddi will echo in BHOPAL from May 23rd.. Get ready for vibe of the special song and Watch A R Rahman sir perform live” అంటూ మూవీ టీమ్ అఫీషియల్గా అనౌన్స్ చేసింది. ఈ మ్యూజికల్ ఫీస్ట్ కోసం కేవలం మెగా ఫ్యాన్స్ మాత్రమే కాదు, మ్యూజిక్ లవర్స్ అంతా ఆత్రుతగా ఎదురుచూస్తున్నారు.
ఏఆర్ రెహమాన్ లైవ్ షోతో స్పెషల్ సాంగ్
Read also- కోరిక తీరింది.. కానీ ప్రాణం పోయింది! హారర్ థ్రిల్లర్ లవర్స్ అవ్వొద్దు..
ఈ డబుల్ ధమాకా అప్డేట్స్తో పాటు సినిమా విడుదల తేదీని కూడా మేకర్స్ మరోసారి స్పష్టం చేశారు. జూన్ 4, 2026న ‘పెద్ది’ ప్రపంచవ్యాప్తంగా థియేటర్లలో గ్రాండ్గా విడుదల కానుంది. బుచ్చిబాబు సనా మార్క్ ఎమోషన్స్, రామ్ చరణ్ పవర్ఫుల్ పర్ఫార్మెన్స్, ఏఆర్ రెహమాన్ అద్భుతమైన మ్యూజిక్.. ఇవన్నీ కలిసి ఈ సినిమాను ఇండియన్ బాక్సాఫీస్ వద్ద సరికొత్త రికార్డులు సృష్టించేలా చేస్తాయని ఇండస్ట్రీ వర్గాలు భావిస్తున్నాయి. మే 18 నుంచి ప్రారంభం కానున్న ఈ ప్రమోషనల్ జాతర థియేటర్లలో ఏ స్థాయి విధ్వంసం సృష్టిస్తుందో చూడాలి.
#SoundOfPeddi will echo in BHOPAL from May 23rd💥💥
Get ready for vibe of the special song and Watch A R Rahman sir perform live❤️🔥❤️🔥
‘పెద్ది’ ప్రపంచవ్యాప్త విడుదల తేదీ
Peddi in cinemas worldwide on 4th June. #GetReadyForPeddi 💥💥
Mega Power Star @AlwaysRamCharan @NimmaShivanna #JanhviKapoor @BuchiBabuSana … pic.twitter.com/8St2jJu2vH
— Mythri Movie Makers (@MythriOfficial) May 13, 2026
‘పెద్ది’ సినిమా ప్రమోషన్స్ దూకుడు పెంచడంతో, రామ్ చరణ్ అభిమానులు, సంగీత ప్రియులు సినిమా విడుదల కోసం ఆతృతగా ఎదురుచూస్తున్నారు. బుచ్చిబాబు సనా దర్శకత్వంలో వస్తున్న ఈ చిత్రం బాక్సాఫీస్ వద్ద ఎలాంటి సంచలనం సృష్టిస్తుందో చూడాలి.
