గ్లోబల్ స్టార్ రామ్ చరణ్ అభిమానులకు శుభవార్త. సుకుమార్ దర్శకత్వంలో రామ్ చరణ్ చేయబోయే సినిమాపై నిర్మాత నవీన్ యెర్నేని క్లారిటీ ఇచ్చారు. వచ్చే ఏడాది ఏప్రిల్/మేలో ‘పెద్ది’ తర్వాత ఈ ప్రాజెక్ట్ ప్రారంభమవుతుందని తెలిపారు. ‘పుష్ప 3’ కాదని స్పష్టం చేయడంతో మెగా ఫ్యాన్స్ ఆనందం వ్యక్తం చేస్తున్నారు.
Key Points
'గేమ్ ఛేంజర్' తర్వాత స్ట్రాంగ్ కంబ్యాక్ కోసం రామ్ చరణ్ ప్లాన్.
ఉప్పెన బుచ్చిబాబుతో 'పెద్ది' సినిమా షూటింగ్ లో రామ్ చరణ్.
సుకుమార్ నెక్స్ట్ ప్రాజెక్ట్ రామ్ చరణ్ తోనేనని నిర్మాత నవీన్ స్పష్టం.
ఈ సినిమా వచ్చే ఏడాది ఏప్రిల్/మే నెలలో మొదలవుతుందని వెల్లడి.
రామ్ చరణ్ లైనప్: పెద్ది తర్వాత నెక్స్ట్ ఏంటి?
Ram Charan-Sukumar: గ్లోబల్ స్టార్ రామ్ చరణ్ ప్రస్తుతం యమ స్పీడ్ లో ఉన్నాడు. వరుసగా సినిమాలు చేస్తూ తన ఫ్యాన్స్ ని ఖుషీ చేయాలని ప్లాన్ చేస్తున్నాడు. దానికి కారణం గేమ్ ఛేంజర్ ప్లాప్. ఈ సినిమా తరువాత మెగా ఫ్యాన్స్ చాలా డిజప్పాయింట్ అయ్యారు. మినిమమ్ కలెక్షన్స్ కూడా రాబట్టలేకపోయింది ఈ సినిమా. దీంతో, స్ట్రాంగ్ కంబ్యాక్ ఇవ్వాలని ప్లాన్ చేస్తున్నాడు రామ్ చరణ్. వరుసగా భారీ సినిమాలను లైన్లో పెడుతున్నాడు. ఇందులో భాగంగా(Ram Charan-Sukumar) ఇప్పటికే పెద్ది సినిమాను స్టార్ట్ చేశాడు. ఉప్పెన ఫేమ్ బుచ్చిబాబు సనా తెరకెక్కిస్తున్న ఈ సినిమాపై భారీ అంచనాలు నెలకొన్నాయి.
Peddi: పెద్ది సినిమా సాంగ్ షూటింగ్.. ఈ ఒక్క వీడియో చాలు.. రామ్ చరణ్ ఎంతలా కష్టపడుతున్నాడో చెప్పడానికి..
సుకుమార్ సినిమాపై నిర్మాత నవీన్ క్లారిటీ
ఇక రామ్ చరణ్ కూడా ఈ సినిమాపై చాలా నమ్మకంగా ఉన్నాడు. ఎన్నడూ లేని విదంగా సినిమా గురించి మాట్లాడుతూ అంచనాలను పెంచేస్తున్నాడు. ఎలాగైనా సినిమాను హిట్ అయ్యేలా చేసి తన ఫ్యాన్స్ కాలర్ ఎగరేసేలా చేయాలని ఫిక్స్ అయ్యాడు. ఇక ఈ సినిమా తరువాత కూడా రామ్ చరణ్ అదే రేంజ్ లో ఉండేలా సినిమా ప్లాన్ చేస్తున్నాడు. ఆ సినిమా మరేదో కాదు సుకుమార్ తో చేయబోయే సినిమా. పాన్ ఇండియా లెవల్లో రానున్న ఈ సినిమా గురించి ఇప్పటికే అధికారిక ప్రకటన కూడా వచ్చింది. దీంతో, ఎప్పుడెప్పుడు ఈ సినిమా మొదలవుతుందా అని రామ్ చరణ్ ఫ్యాన్ వెయిట్ చేస్తున్నారు.
రంగస్థలం తర్వాత మరో బ్లాక్ బస్టర్?
తాజాగా ఈ సినిమా గురించి ఒక కీలక అప్డేట్ ఇచ్చారు నిర్మాత నవీన్. రామ్ చరణ్-సుకుమార్ కాంబోలో రాబోతున్న ఈ భారీ సినిమాను టాలీవుడ్ ప్రముఖ నిర్మాణ సంస్థ మైత్రి మూవీ మేకర్స్ నిర్మిస్తున్నారు. ఈ సంస్థ నుంచి వచ్చిన లేటెస్ట్ మూవీ డ్యూడ్. తమిళ హీరో ప్రదీప్ రంగనాథన్ హీరోగా వచ్చిన ఈ సినిమా ఇటీవల ప్రేక్షకుల ముందుకు వచ్చి మంచి విజయం సాధించింది. ఈ సినిమా సక్సెస్ మీట్ లో నిర్మాత నవీన్ మాట్లాడుతూ.. “సుకుమార్ గారి నెక్స్ట్ సినిమా పుష్ప 3 కాదు. రామ్ చరణ్ గారితో ఉంటుంది. పెద్ది సినిమా కంఫ్లీట్ అయిన వెంటనే చరణ్ గారి సినిమా షాట్ స్టార్ట్ అవుతుంది. అది కూడా వచ్చే ఏడాది ఎప్రిల్, మే లో స్టార్ట్ అవుతుంది” అంటూ చెప్పుకొచ్చాడు. ఈ న్యూస్ తెలిసి మెగా ఫ్యాన్స్ ఫుల్ ఖుషీ అవుతున్నారు. మరి గతంలో ఈ కాంబోలో వచ్చిన రంగస్థలం సినిమా ఎంత పెద్ద విజయం సాధించిందో ప్రత్యేకంగా చెప్పాల్సిన పనిలేదు.
‘రంగస్థలం’ తర్వాత రామ్ చరణ్-సుకుమార్ కాంబోలో రాబోతున్న ఈ సినిమాపై భారీ అంచనాలున్నాయి. నిర్మాత నవీన్ ఇచ్చిన క్లారిటీతో అభిమానుల ఉత్సాహం రెట్టింపైంది. ఈ సినిమా కూడా గత చిత్రం వలె విజయం సాధిస్తుందని సినీ వర్గాల ఆశాభావం.
