కుబేర సినిమా బ్లాక్ బస్టర్ హిట్ అయింది. ఈ సినిమా సక్సెస్ మీట్ లో రష్మిక మందన్నా డైరెక్టర్ శేఖర్ కమ్ముల గురించి, తన పాత్ర గురించి ఆసక్తికరమైన విషయాలు పంచుకుంది.
Key Points
రష్మిక మందన్నా కుబేర సినిమా సక్సెస్ మీట్ లో ఆసక్తికర విషయాలు పంచుకుంది.
శేఖర్ కమ్ముల దర్శకత్వంలో ఆమె పాత్రకు ఆయనకే క్రెడిట్ దక్కుతుందని చెప్పింది.
ధనుష్, నాగార్జున, శేఖర్ కమ్ముల సినిమాకు స్తంభాలు అని రష్మిక అభిప్రాయం.
కుబేర సినిమా బ్లాక్ బస్టర్ విజయం సాధించింది.
రష్మిక మందన్నా కామెంట్స్
తెలుగు, తమిళం, హిందీ, కన్నడ, మలయాళ భాషలలో జూన్ 20న ప్రపంచవ్యాప్తంగా గ్రాండ్గా విడుదలై యునానిమస్ బ్లాక్ బస్టర్ విజయాన్ని అందుకుంటోంది కుబేర మూవీ. హౌస్ ఫుల్ బుకింగ్స్తో సూపర్ సక్సెస్ ఫుల్గా రన్ అవుతోన్న కుబేర సినిమాలో ధనుష్ , నాగార్జున, రష్మిక మందన్నా ప్రధాన పాత్రలు పోషించారు.
డైరెక్టర్ శేఖర్ కమ్ముల దర్శకత్వం వహించిన కుబేర సినిమా బ్లాక్ బస్టర్ కుబేర సక్సెస్ మీట్ను ఇటీవల గ్రాండ్గా నిర్వహించారు. మెగాస్టార్ చిరంజీవి చీఫ్ గెస్ట్గా హాజరైన ఈ వేడుకలో నేషనల్ క్రష్, హీరోయిన్ రష్మిక మందన్నా ఇంట్రెస్టింగ్ విషయాలు పంచుకుంది.
హీరోయిన్ రష్మిక మందన్నా మాట్లాడుతూ.. “అందరికీ నమస్కారం. చిరు గారు నా జర్నీలో ఒక పార్ట్ అయిపోయారు. థాంక్ యు సర్. ఈ సినిమా కథ విన్న తర్వాత సెట్స్కు వెళ్లి డైరెక్టర్ గారికి సరెండర్ అయిపోవాలని ఫిక్స్ అయ్యాను. ఆయన ఎలా చెబితే అలా పర్ఫార్మ్ చేయాలని నిర్ణయించుకున్నాను” అని చెప్పింది.
కుబేర సినిమా సక్సెస్
“ఈ రోజు సమీర పాత్రకు వచ్చిన క్రెడిట్ డైరెక్టర్ గారికే దక్కుతుంది. ఇలాంటి క్యారెక్టర్ రావడం నా అదృష్టం. ధనుష్ గారు, నాగార్జున గారు, శేఖర్ గారు ఈ సినిమాకి పిల్లర్స్. దేవీ శ్రీ గారు మ్యూజిక్తో మరో లెవల్కి తీసుకెళ్లారు. ఈ సినిమాకి పని చేసిన అందరికీ పేరు పేరునా ధన్యవాదాలు” అని హీరోయిన్ రష్మిక మందన్నా తెలిపింది.
ఇదే ఈవెంట్లో నిర్మాత పుష్కర్ రామ్ మోహన్ మాట్లాడుతూ.. “అందరికీ నమస్కారం. ఈ వేడుకకు విచ్చేసిన చిరంజీవి గారికి థాంక్ యూ. మంచి సినిమాకి ఆయన సపోర్ట్ ఎప్పుడూ ఉంటుంది. లవ్ స్టోరీ సినిమా అప్పుడు కూడా వచ్చారు. ఇప్పుడు కుబేర వేడుకకు రావడం చాలా ఆనందంగా ఉంది. ఆయనకి మరోసారి హృదయపూర్వక కృతజ్ఞతలు” అని చెప్పారు
శేఖర్ కమ్ముల దర్శకత్వం
సినిమాటోగ్రాఫర్ నికేత్ బొమ్మి మాట్లాడుతూ.. “అందరికి నమస్కారం. కుబేర సినిమా కోసం అన్ని డిపార్ట్మెంట్స్ అద్భుతంగా పని చేశాయి. ఈ సెలబ్రేషన్స్లో చిరంజీవి గారు భాగం కావడం ఎంతో ఆనందంగా ఉంది” అని అన్నారు.
“ధనుష్ గారు, నాగార్జున గారితో కలిసి వర్క్ చేయడం అద్భుతమైన ఎక్స్పీరియెన్స్. ఇంత పెద్ద కాన్వాస్ ఇచ్చిన శేఖర్ గారికి ధన్యవాదాలు. నిర్మాతలు చాలా గొప్పగా సపోర్ట్ చేశారు. ఈ సినిమాకు పని చేసిన అందరికీ పేరుపేరునా ధన్యవాదాలు” అని డీవోపీ నికేత్ బొమ్మి చెప్పుకొచ్చారు.
కుబేర సినిమా విజయవంతమైంది. రష్మిక మందన్నా, ధనుష్, నాగార్జున, శేఖర్ కమ్ముల అందరి కృషికి ప్రశంసలు. సినిమాకు అందరూ సపోర్ట్ చేశారని రష్మిక తెలిపింది.
