నేషనల్ క్రష్ రష్మిక మందన్న ఇటీవల ఇన్స్టాగ్రామ్లో పెట్టిన పోస్ట్ కన్నడ ప్రజలను ఉద్వేగపరచింది. ఈ పోస్ట్ వల్ల ఆమె తాజా చిత్రం ‘కుబేర’ విడుదలపై ప్రభావం పడే అవకాశం ఉందని చర్చ జరుగుతోంది.
Key Points
రష్మిక మందన్న చెన్నైపై చేసిన వ్యాఖ్యలు వివాదాస్పదమయ్యాయి.
కన్నడ నేటిజన్లు ఆమె పోస్ట్కు వ్యతిరేకంగా స్పందించారు.
కమల్ హాసన్కు సంభవించినట్లుగా 'కుబేర' సినిమా బ్యాన్ అయ్యే అవకాశం ఉందని అభిప్రాయాలు.
సోషల్ మీడియాలో రష్మిక పోస్ట్ చర్చనీయాంశంగా మారింది.
రష్మిక చెన్నైపై వ్యాఖ్యలు
నేషనల్ క్రష్ రష్మిక మందన్న(Rashmika Mandanna) గురించి ఎంత చెప్పినా తక్కువే. ‘ఛలో’ సినిమాతో ఇండస్ట్రీకి వచ్చిన ఆమె అనతి కాలంలోనే స్టార్ హీరోయిన్గా ఫేమ్ తెచ్చుకుని వరుస మూవీస్తో ఫాలోయింగ్ను పెంచుకుంది. తెలుగు, తమిళ, హిందీ స్టార్ హీరోల సరసన నటించిన ఆమె నేషనల్ క్రష్గా మారిపోయింది. ఇక ‘పుష్ప’ మూవీతో రష్మిక రేంజ్ ఒక్కసారిగా మారిపోయిందనడంలో అతిశయోక్తి లేదు. ఈ సినిమా ప్రపంచవ్యాప్తంగా ఉన్న సినీ ప్రియులను ఫిదా చేయడంతో పాటు రష్మిక నటనకు ఎంతోమంది మంత్రముగ్దులయ్యారు. అయితే యానిమల్, పుష్ప-2, ఛావా వంటి మూవీస్తో వరుస హిట్స్ సాధించిన రష్మిక ‘కుబేర’ (kubera) తో ప్రేక్షకుల ముందుకు రానుంది.
ఇక షూటింగ్ పూర్తి చేసుకున్న ఈ మూవీ జూన్ 20న థియేటర్స్లోకి రాబోతుంది. ఈ నేపథ్యంలో ప్రమోషన్స్లో ఫుల్ బిజీ అయిపోయిన రష్మిక ఇన్స్టాలో ఓ పోస్ట్ పెట్టింది. తాను చెన్నైకి ప్రత్యేక స్థానం ఇస్తానని అనడంతో అది కాస్త వివాదానికి దారితీసింది. తన బాల్యం కూడా చెన్నైలోనే గడిచిందంటూ చెప్పడంతో కొందరు కన్నడిగులు ఆగ్రహం తెప్పించింది. పుట్టి పెరిగింది.. చదువుకున్నదంతా కర్ణాటకలో అయితే చెన్నై అంటుందని విమర్శలు చేస్తున్నారు. ఆమెది చెన్నై అన్నట్లుగా పెట్టిన పోస్ట్ కన్నడిగులకు కోపం తెప్పిస్తోంది.
కన్నడిగుల ఆగ్రహం
అయితే రష్మిక ఈ పోస్ట్ ఏ ఉద్దేశంతో పెట్టినప్పటికీ సోషల్ మీడియాలో మాత్రం చర్చనీయాంశంగా మారింది. ఇక ఇటీవల ఇలాగే కమల్ హాసన్ కన్నడ భాషపై చేసిన కామెంట్లు సంచలనం సృష్టించిన సంగతి తెలిసిందే. ఈ విషయంపై ఆయన క్షమాపణలు చెప్పకపోవడంతో ‘థగ్లైఫ్’ సినిమా విడుదలను కన్నడ భాషలో విడుదల కాకుండా చేశారు. ఇక ఇప్పుడు రష్మికకు కూడా అదే పరిస్థితి ఎదురు అయ్యే అవకాశం ఉన్నట్లు పలువురు నెటిజన్లు అభిప్రాయపడుతున్నారు. మొత్తానికి ఒక్క పోస్ట్తో రష్మిక చిక్కుల్లో పడింది.
‘కుబేర’ సినిమా భవిష్యత్తు
A post shared by Rashmika Mandanna (@rashmika_mandanna)
రష్మిక మందన్న సోషల్ మీడియా పోస్ట్ వల్ల వివాదంలో చిక్కుకుంది. ‘కుబేర’ సినిమా విడుదలపై ప్రభావం పడే అవకాశం ఉందని అభిమానులు ఆందోళన చెందుతున్నారు.
