బ్లాక్బస్టర్ హారర్ ఫ్రాంఛైజీ ‘ఫైనల్ డెస్టినేషన్’ నుండి వచ్చిన తాజా చిత్రం ‘ఫైనల్ డెస్టినేషన్ బ్లడ్లైన్స్’ ఓటీటీ రిలీజ్కు సిద్ధమైంది. ప్రపంచవ్యాప్తంగా రూ.2700 కోట్లు వసూలు చేసిన ఈ థ్రిల్లర్ అక్టోబర్ 16 నుండి జియోహాట్స్టార్లో తెలుగుతో పాటు నాలుగు భాషల్లో స్ట్రీమింగ్ కానుంది.
Key Points
ఫైనల్ డెస్టినేషన్ బ్లడ్లైన్స్ ఓటీటీలోకి అక్టోబర్ 16న వస్తుంది.
ఈ చిత్రం బాక్సాఫీస్ వద్ద ఏకంగా రూ.2700 కోట్లు వసూలు చేసింది.
జియోహాట్స్టార్లో తెలుగు, హిందీ, తమిళం, ఇంగ్లిష్లలో స్ట్రీమింగ్.
జాక్ లిపోవ్స్కీ, ఆడమ్ స్టీన్ దర్శకత్వం వహించిన ఈ మూవీ బడ్జెట్ రూ.440 కోట్లు.
ఫైనల్ డెస్టినేషన్ బ్లడ్లైన్స్ ఓటీటీ రిలీజ్ వివరాలు
బ్లాక్బస్టర్ హారర్ థ్రిల్లర్ ఫ్రాంఛైజీ ఫైనల్ డెస్టినేషన్ నుంచి వచ్చిన లేటెస్ట్ మూవీ ఓటీటీలోకి వచ్చేస్తోంది. థియేటర్లలో రిలీజైన సరిగ్గా ఐదు నెలల తర్వాత డిజిటల్ ప్రీమియర్ కానుంది. బాక్సాఫీస్ దగ్గర ఏకంగా రూ.2700 కోట్లు వసూలు చేసిన సినిమా ఇది. ఈ ఫ్రాంఛైజీ నుంచి 14 ఏళ్ల తర్వాత వచ్చిన ఆరో మూవీ కావడం విశేషం.
ఫైనల్ డెస్టినేషన్ బ్లడ్లైన్స్ ఓటీటీ రిలీజ్ డేట్
అమెరికన్ సూపర్ నేచురల్ హారర్ థ్రిల్లర్ మూవీ ఫైనల్ డెస్టినేషన్ బ్లడ్లైన్స్ (ఫైనల్ డెస్టినేషన్ 6) ఓటీటీలోకి వచ్చేస్తోంది. ఈ సినిమాను జియోహాట్స్టార్ ఓటీటీ అక్టోబర్ 16 నుంచి స్ట్రీమింగ్ చేయనుంది. ఇంగ్లిష్ తోపాటు తెలుగు, హిందీ, తమిళంలలో స్ట్రీమింగ్ కానుంది.
రూ.2700 కోట్ల వసూళ్లు, బడ్జెట్ వివరాలు
ఈ విషయాన్ని ఆ ఓటీటీ బుధవారం (అక్టోబర్ 1) సోషల్ మీడియా ద్వారా వెల్లడించింది. “కుటుంబంలో చావు నాట్యమాడుతుంది. ఫైనల్ డెస్టినేషన్: బ్లడ్లైన్స్ అక్టోబర్ 16 నుంచి ఇంగ్లిష్, తెలుగు, హిందీ, తమిళంలలో జియోహాట్స్టార్ లో స్ట్రీమింగ్ అవుతుంది. (టోనీ టాడ్, ఫైనల్ డెస్టినేషన్, బ్లడ్లైన్స్, హారర్, థ్రిల్లర్, మిస్టరీ, సూపర్ నేచురల్, జియోహాట్స్టార్)” అనే క్యాప్షన్ తో ట్వీట్ చేసింది.
ఫైనల్ డెస్టినేషన్ బ్లడ్లైన్స్ మూవీ గురించి..
ఫైనల్ డెస్టినేషన్ 6 కథ, నటీనటులు
ఫైనల్ డెస్టినేషన్ మూవీని జాక్ లిపోవ్స్కీ, ఆడమ్ స్టీన్ డైరెక్ట్ చేశారు. కైట్లిన్ శాంటా జువానా, రిచర్డ్ హార్మన్, టోనీ టాడ్ లాంటి వాళ్లు ఈ సినిమాలో నటించారు. సుమారు రూ.440 కోట్ల బడ్జెట్ తో తెరకెక్కిన ఈ సినిమా బాక్సాఫీస్ దగ్గర ఏకంగా రూ.2700 కోట్లు వసూలు చేసింది. మే 16న థియేటర్లలో రిలీజ్ కాగా.. మిక్స్డ్ నుంచి పాజిటివ్ రివ్యూలు వచ్చాయి.
2011లో వచ్చిన ఫైనల్ డెస్టినేషన్ 5 తర్వాత 14 ఏళ్లకు ఈ ఫ్రాంఛైజీ నుంచి ఫైనల్ డెస్టినేషన్ బ్లడ్లైన్స్ వచ్చింది. తన కుటుంబాన్ని కాపాడే వ్యక్తి కోసం వెతుకుతూ ఓ కాలేజీ స్టూడెంట్ తిరిగి తన ఇంటికి వస్తుంది. ఆ తర్వాత ఏం జరిగిందన్నది ఈ ఫైనల్ డెస్టినేషన్ 6 మూవీ స్టోరీ. ఈ సినిమాకు ఐఎండీబీలో 6.2 రేటింగ్ నమోదైంది. ఈ సినిమా జియోహాట్స్టార్ లో అక్టోబర్ 16 నుంచి స్ట్రీమింగ్ కానుంది.
ఫైనల్ డెస్టినేషన్ అభిమానులు సుదీర్ఘ నిరీక్షణ తర్వాత వచ్చిన ‘బ్లడ్లైన్స్’ చిత్రాన్ని ఇక ఇంటి వద్దే చూడవచ్చు. రూ.2700 కోట్లు వసూలు చేసిన ఈ హారర్ థ్రిల్లర్ అక్టోబర్ 16 నుండి జియోహాట్స్టార్లో స్ట్రీమింగ్ కానుంది.
