బాలీవుడ్ స్టార్ సల్మాన్ ఖాన్ తన గత సంబంధాల గురించి, మరియు తండ్రి కావాలనే కోరిక గురించి ‘టూ మచ్’ షోలో చర్చించారు. ఆయన వ్యాఖ్యలు ప్రస్తుతం వైరల్ అవుతున్నాయి. షోలో ఆమిర్ ఖాన్ కూడా పాల్గొన్నారు.
Key Points
సల్మాన్ ఖాన్ తన గత సంబంధాలపై 'టూ మచ్' షోలో మాట్లాడారు.
అతని సంబంధాలు విఫలం కావడానికి తానే కారణమని సల్మాన్ అంగీకరించారు.
భవిష్యత్తులో తాను తల్లిదండ్రులు కావాలని సల్మాన్ కోరుకుంటున్నారు.
ఆమిర్ ఖాన్ తో సల్మాన్ ఖాన్ బంధం గురించి కూడా షోలో చర్చ జరిగింది.
సల్మాన్ ఖాన్ గత సంబంధాలపై
సల్మాన్ ఖాన్ ఇంట్రెస్టింగ్ కామెంట్స్ చేశాడు. పిల్లలను కనడంపై అతడు చేసిన కామెంట్స్ వైరల్ అవుతున్నాయి. అమెజాన్ ప్రైమ్ వీడియోలో గురువారం (సెప్టెంబర్ 25) నుంచి ప్రారంభం కానున్న కాజోల్, ట్వింకిల్ ఖన్నా షో టూ మచ్ (Two Much)లో ఆమిర్ ఖాన్ తో కలిసి పార్టిసిపేట్ చేసిన అతడు.. గతంలోని తన సంబంధాలపై స్పందించాడు. అటు ఆమిర్ ఖాన్ కూడా రీనాతో విడాకుల విషయంపై మాట్లాడాడు.
సల్మాన్ ఖాన్ , ఆమిర్ ఖాన్.. బాలీవుడ్ లో ఇద్దరు సూపర్ స్టార్లు. ఎన్నో హిట్ సినిమాలు అందించారు. అలాంటి ఇద్దరే ఒకే షోకి వచ్చి తమ అనుభవాలను పంచుకున్నారు. ఈ తాజా ఎపిసోడ్లో తాను సల్మాన్ విషయంలో మొదట్లో చాలా జడ్జ్మెంటల్గా ఉండేవాడినని, కానీ రీనా దత్తాతో విడాకులు తీసుకున్నప్పుడు అతనితో దగ్గరైనట్లు ఆమిర్ చెప్పాడు. ఈ ఇద్దరూ ‘అందాజ్ అప్నా అప్నా’ (1994) సినిమాలో కలిసి పని చేశారు. అప్పటి విషయాలు గుర్తు చేసుకుంటూ సల్మాన్ తన ఇంటికి డిన్నర్కు వచ్చినప్పుడు తమ మధ్య బంధం పెరిగిందని ఆమిర్ అన్నాడు.
‘టూ మచ్’ షోలో ఆయన వ్యాఖ్యలు
“నిజానికి నేను రీనాతో విడాకులు తీసుకున్నప్పుడు ఇది జరిగిందని నేను అనుకుంటున్నాను. మీకు గుర్తుందా? మీరు డిన్నర్కు వచ్చారు. అప్పుడే నేను, సల్మాన్ నిజంగా మొదటిసారి కనెక్ట్ అయ్యాం” అని ఆమిర్ చెప్పాడు. “అంతకుముందు నాకు అనిపించేది ‘అతను టైమ్కి రాడు.. ‘అందాజ్ అప్నా అప్నా’ షూటింగ్లో మాకు చాలా ప్రాబ్లమ్స్ అయ్యేవి’. నేను ఒకటి చెప్పాలనుకుంటున్నాను. మొదట్లో నేను సల్మాన్ విషయంలో చాలా జడ్జ్మెంటల్గా ఉండేవాడిని. నేను ఒక వ్యక్తిగా చాలా కఠినంగా ఉండేవాడిని” అని అన్నాడు.
సల్మాన్ ఖాన్ కూడా ఈ షోలో తన గత సంబంధాల గురించి మాట్లాడాడు. “ఒక పార్టనర్ మరొకరి కంటే ఎక్కువ ఎదిగినప్పుడు సహజంగానే విభేదాలు రావడం మొదలవుతాయి. అప్పుడే ఇన్సెక్యూరిటీ ప్రారంభమవుతుంది. కాబట్టి వాళ్ళిద్దరూ కలిసి ఎదగాలి. ఇద్దరూ ఒకరికొకరు సపోర్ట్ చేసుకోవాలి. నేను అది నమ్ముతాను” అని అన్నాడు.
భవిష్యత్తులో తండ్రి కావాలనే కోరిక
ఇక తన గత సంబంధాల గురించి సల్మాన్ ను ఆమిర్ ప్రశ్నించాడు. అప్పుడు సల్మాన్ స్పందిస్తూ.. “కుదరలేదు.. అంటే కుదరలేదు అంతే. దీనికి ఎవరినైనా నిందించాలంటే అది నన్ను మాత్రమే” అని బదులిచ్చాడు. అయితే తాను ఏదో ఒకరోజు ఒక బిడ్డను కనాలని కోరుకుంటున్నారని చెప్పాడు. “నేను త్వరలోనే ఏదో ఒక రోజు పిల్లలను కంటాను. చివరికి నాకు పిల్లలు ఉంటారు. చూద్దాం ఏమవుతుందో” అని అన్నాడు.
‘టూ మచ్’ని షో మొదటి ఎపిసోడ్ సెప్టెంబర్ 25న ప్రైమ్ వీడియోలో ప్రీమియర్ కానుంది. ప్రతి గురువారం ఒక కొత్త ఎపిసోడ్ విడుదల అవుతుంది.
సల్మాన్ ఖాన్ యొక్క ఈ నిజాయితీపూర్వక వ్యాఖ్యలు అభిమానులను ఆకట్టుకున్నాయి. తన భవిష్యత్తు గురించి ఆయన వెల్లడించిన విషయాలు చర్చనీయాంశంగా మారాయి.
