తాజాగా, ప్రముఖ నటి సమంత తన ఇన్స్టాగ్రామ్ ఖాతా ద్వారా భారత సైన్యానికి తన కృతజ్ఞతలను తెలిపారు. దేశ రక్షణలో సైనికుల త్యాగాన్ని కొనియాడుతూ ఆమె ఎమోషనల్ పోస్ట్ పంచుకుంది.
Key Points
సమంత ఇండియన్ ఆర్మీ సైనికుల త్యాగాన్ని కొనియాడింది.
సైనికులకు కృతజ్ఞతలు తెలిపే ఎమోషనల్ పోస్ట్ పంచుకుంది.
దేశ రక్షణలో వారి పాత్రను ప్రశంసించింది.
సైనికుల త్యాగాన్ని ఎప్పటికీ గుర్తుంచుకుంటానని వాగ్దానం చేసింది.
సమంత యొక్క ఎమోషనల్ పోస్ట్
గత రెండు రోజుల పాటు భారత్-పాక్ మధ్య భీకర యుద్ధం జరిగిన విషయం తెలిసిందే. గత నెలలో జమ్ముకాశ్మీర్లో జరిగిన దాడికి ప్రతీకారంగా పాక్పై భారత్ ఆపరేషన్ సిందూర్ పేరుతో ప్రతీకారం తీర్చుకుంది. ఇందులో భారత్ సైనికులు పాక్ను చిత్తు చిత్తు చేశారు. ఇక ఈ యుద్ధంలో ఇరు దేశాల ప్రజలు మరణించడంతో పాటు పలువురికి తీవ్ర గాయాలయ్యాయి. దీంతో దేశ సరిహద్దుల్లో భారత్-పాకిస్తాన్ మధ్య ఉద్రిక్తతలు తారా స్థాయికి చేరుకోవడంతో కాల్పుల విరమణ ప్రకటించారు. ఇక ఈ యుద్ధంలో ఇద్దరు సైనికులు కూడా మరణించిన విషయం తెలిసిందే. ఇదిలా ఉంటే.. తాజాగా, సమంత (Samantha)ఇండియన్ ఆర్మీ సేవలను కొనియాడుతూ ఇన్స్టా్గ్రామ్ ద్వారా ఎమోషనల్ నోట్ షేర్ చేసింది.
‘‘ఎక్కడో అందరికీ దూరంలో సైనికులు ఉంటారు. కుటుంబానికి దూరంగా ఉంటూ ఎన్నో బాధలను ఎదుర్కొంటారు. వారు ఒక దేశం బరువును తమ భూజాలపై మోస్తున్నారు. అదంతా చేసేది గుర్తింపు కోసం కాదు.. దేశంపై ఉన్న ప్రేమ వారిని అలా చేయిస్తుంది. వారి వల్ల మన దేశం ప్రశాంతంగా ఉంటుంది. మన జెండాలు స్వేచ్ఛగా ఎగురుతున్నాయి. యూనిఫామ్లో ఉన్న ధైర్య హృదయాలకు మీ త్యాగం ఈ భూమి ప్రతి మూలలో ప్రతిధ్వనిస్తుంది. మీ ధైర్యాన్ని మా గుండెల్లో పెట్టుకుంటాము. మీరు మీ జీవితాన్ని పణంగా పెట్టడం వల్ల మేము ప్రశాంతంగా జీవితాన్ని గడుపుతున్నాము. ఇది మా వాగ్దానం.. మేము మీ సేవలు గుర్తుంచుకుంటాము. ఎల్లప్పుడూ కృతజ్ఞతతో ఉంటాము. మన మాతృభూమి సురక్షితంగా ఉండనివ్వండి. ఆమె సంరక్షకులుగా ఎల్లప్పుడూ గౌరవంగా, గర్వంగా నడుచుకోండి’’ అని రాసుకొచ్చింది.
సైనికుల త్యాగానికి సమంత నివాళి
దేశభక్తిని ప్రదర్శించిన సమంత
చివరగా, సమంత సైనికుల త్యాగాన్ని గుర్తుంచుకోవడం, వారి సేవలకు కృతజ్ఞతలు తెలిపే పోస్ట్ ద్వారా ఆమె దేశభక్తిని చాటుకుంది. ఈ పోస్ట్ సోషల్ మీడియాలో వైరల్గా మారింది.
