📌 Key Points
- సమంత మళ్లీ నంబర్ వన్, ‘మా ఇంటి బంగారం’ విజయం తర్వాత సత్తా చాటింది.
- శ్రీలీల టాప్ 10 జాబితా నుండి ఊహించని నిష్క్రమణ, అభిమానులకు పెద్ద షాక్.
- సాయిపల్లవి ఒక స్థానం కిందకు పడిపోయి ఏడో స్థానానికి పరిమితం కావడం చర్చనీయాంశం.
- నయనతార ఆరో స్థానానికి దూసుకొచ్చి లేడీ సూపర్ స్టార్ సత్తా చాటింది.
టాలీవుడ్లో ఇప్పుడు ఇదే హాట్ టాపిక్! ఓర్మాక్స్ విడుదల చేసిన టాప్ 10 హీరోయిన్ల జాబితాలో సంచలన మార్పులు చోటు చేసుకున్నాయి. సమంత అదిరిపోయే రీఎంట్రీ ఇవ్వగా, కొందరు స్టార్ హీరోయిన్లకు ఊహించని షాక్ తగిలింది. పూర్తి వివరాలు ఇక్కడ చూడండి!
సమంత నంబర్ 1 స్థానం వెనుక అసలు కథ!
ఇండియాలోనే టాప్ హీరోయిన్ల జాబితాని ఓర్మాక్స్ మీడియా ప్రతి నెల ప్రకటిస్తున్న విషయం తెలిసిందే. ఎప్పటిలాగే మే నెలకు సంబంధించిన లిస్ట్ ని విడుదల చేసింది. ఇందులో అనూహ్యమైన మార్పులు చోటు చేసుకున్నాయి. సమంత తిరిగి తన స్థానాన్ని సొంతం చేసుకుంది. అలాగే అలియాభట్ బ్యాక్ అయ్యింది. వీరితోపాటు నయనతార సత్తా చాటింది. మరి కాజల్, శ్రీలీల, దీపికా పదుకొనె, రష్మిక మందన్నా వంటి హీరోయిన్లు ఏ స్థానంలో నిలిచారనేది చూద్దాం.
సమంత చాలా నెలలుగా మొదటి స్థానంలో నిలుస్తూ వస్తోంది. అయితే గత నెల(ఏప్రిల్) లో ఆమె ఒక్క స్థానం పడిపోయింది. మొదటి స్థానం నుంచి రెండో స్థానానికి పడిపోగా, ఇప్పుడు మే నెలలో మరోసారి సత్తా చాటింది. తిరిగి తన స్థానాన్ని సొంతం చేసుకుంది. సమంత తాజాగా `మా ఇంటి బంగారం` మూవీతో విజయాన్ని అందుకున్న విషయం తెలిసిందే. గత నెల మొదటి స్థానంలో ఉన్న అలియా భట్ ఇప్పుడు రెండో స్థానానికి పరిమితమయ్యింది.
శ్రీలీల, సాయిపల్లవికి ఊహించని ఝలక్!
ఇక మూడో స్థానంలో దీపికా పదుకొనె ఉంది. ఆమె గత నెలలోనూ ఇదే స్థానంలో ఉండగా, ఇప్పుడు మరోసారి తన స్థానాన్ని పదిలపర్చుకుంది. అలాగే నేషనల్ క్రష్ రష్మిక మందన్నా కూడా తన స్థానంలో మార్పు లేదు. నాల్గో స్థానంలో ఉంది. ఆమె ప్రస్తుతం `మైసా`, `రణబాలి` వంటి చిత్రాల్లో నటిస్తోన్న విషయం తెలిసిందే. బాలీవుడ్లో నటించిన `కాక్ టెయిల్ 2` థియేటర్లో సందడి చేస్తోంది.
ఇక ఐదో స్థానంలో కాజల్ ఉంది. ఆమె సోషల్ మీడియాలో బాగా యాక్టివ్గా ఉంటున్న విషయం తెలిసిందే. సినిమాలు లేకపోయినా కాజల్ తన స్థానాన్ని పదిలంగా ఉంచుకుంటోంది. చాలా నెలలుగా పెద్దగా మార్పు లేదు. ఇదే అందరిని ఆశ్చర్యపరుస్తోంది. గత నెలలో ఆరో స్థానంలో ఉన్న సాయిపల్లవి డౌన్ అయ్యింది. ఆమె ఒక్క స్థానం పడిపోయి ఏడో స్థానానికి పరిమితమయ్యింది.
రష్మిక, నయనతార, కాజల్ ర్యాంకులు మారాయా?
ఏప్రిల్లో ఏడో స్థానంలో ఉన్న నయనతార మేలో ఆరో స్థానంలోకి దూసుకొచ్చింది. నిత్యం ఏదో రకంగా నయనతారకి సంబంధించిన చర్చ నడుస్తూనే ఉంటుంది. లేడీ సూపర్ స్టార్గా రాణిస్తున్న ఆమె ఆరో స్థానంలో సెటిల్ అయ్యింది. ఎవరూ ఊహించని విధంగా బాలీవుడ్ నటి కృతి సనన్ ఒక్క స్థానం మెరుగుపడింది. ఏప్రిల్లో ఆమె తొమ్మిదో స్థానంలో ఉండగా, ఇప్పుడు ఎనిమిదో స్థానంలోకి వచ్చింది.
అందరికి షాకిస్తూ శ్రీలీల ఈ సారి లిస్ట్ లోనే లేదు. గత నెలలో ఆమె 8 స్థానంలో ఉండగా, ఇప్పుడు అసలు లిస్ట్ లోనే లేకుండా పోవడం ఆశ్చర్యపరుస్తోంది. తొమ్మిదో స్థానంలోకి త్రిష వచ్చింది. గతంలో ఆమె పదో స్థానంలో ఉండగా, ఇప్పుడు 9వ స్థానాన్ని సొంతం చేసుకుంది. ఇక ఫైనల్గా అసలు ఎప్పుడూ లిస్ట్ లో లేని బాలీవుడ్ హీరోయిన్ కత్రినా కైఫ్ పదో స్థానంలోకి వచ్చింది. అందరిని ఆశ్చర్యపరిచింది. మొత్తంగా మే నెలలో హీరోయిన్లకి సంబంధించి చాలా మంది స్థానాలు తారుమారు అయ్యాయని చెప్పొచ్చు.
ఈ సంచలన మార్పులు టాలీవుడ్ లో కొత్త చర్చకు దారితీశాయి. రాబోయే నెలల్లో ఈ ర్యాంకింగ్స్ ఎలా మారతాయో చూడాలి. మరిన్ని సినీ అప్డేట్స్ కోసం వేచి ఉండండి!
