యూట్యూబ్ స్టార్ షణ్ముఖ్ జశ్వంత్ తన జీవితంలోని కష్టాలపై ఎమోషనల్ కామెంట్స్ చేశాడు. బిగ్ బాస్ ప్రయాణం, ఎదుర్కొన్న కేసు, తండ్రి యాక్సిడెంట్ గురించి మాట్లాడుతూ కన్నీళ్లు పెట్టుకున్నాడు. “మంచి కొడుకును కాలేకపోయాను, బాధను పంటికింద బిగపట్టాను” అంటూ తన మనసులోని మాటలను పంచుకున్నాడు.
Key Points
షణ్ముఖ్ బిగ్బాస్కు వెళ్లినందుకు, తదనంతరం కేసులో తన పేరు వచ్చినందుకు బాధపడ్డాడు.
తన తండ్రికి యాక్సిడెంట్ అయినప్పుడు తాను ఏడవలేకపోయానని, చాలా బాధను పంటికింద బిగపట్టానని తెలిపాడు.
ఒక చిన్న పిల్లాడు తనను నచ్చడం లేదని చెప్పడంతో కమ్బ్యాక్ ఇవ్వాలని నిర్ణయించుకున్నాడు.
"ప్రేమకు నమస్కారం" సినిమాతో హీరోగా వెండితెరపై తన అదృష్టాన్ని పరీక్షించుకుంటున్నాడు.
యూట్యూబ్ స్టార్ నుండి బిగ్ బాస్ వరకు షణ్ముఖ్ ప్రయాణం
Shanmukh Jaswanth: షణ్ముఖ్ జశ్వంత్.. నెటిజన్స్ కి ఈ పేరు గురించి కొత్తగా పరిచయం అవసరం లేదు. షార్ట్ ఫిలిమ్స్, కవర్ సాంగ్స్, వెబ్ సిరీస్ లు చేస్తూ ఆడియన్స్ లో తనకంటూ ప్రత్యేకమైన గుర్తింపును తెచ్చుకున్నాడు. సోషల్ మీడియాలో మనోడికి క్రేజ్ మాములుగా లేదు. తన యాక్టింగ్ కి చాలా మంది ఫ్యాన్స్ ఉన్నారు. అసలు యూట్యూబ్ అంటే తెలియని రోజుల్లో దాన్ని ఒక కెరీర్ ఆప్షన్ గా ఎంచుకొని వరుసగా వీడియోస్ చేస్తూ ఆడియన్స్ ను అలరించాడు ఈ వైజాగ్(Shanmukh Jaswanth) కుర్రోడు. ఆ ఫేమ్ తోనే బిగ్ బాస్ లోకి పెట్టాడు కానీ, కప్పు మాత్రం కొట్టలేకపోయాడు. దానికి చాలా కారణాలే ఉన్నాయి.
అయితే, మనోడి బ్యాడ్ లక్ అనుకోవాలో ఏమో తెలియదు కానీ, అతని తరువాత యూట్యూబ్ సార్ట్ చేసిన వాళ్ళు కూడా ఇప్పుడు మంచి పొజిషల్ లో ఉన్నారు. కానీ, షణ్ముఖ్ కి మాత్రం తాను ఆశించిన బ్రేక్ దొరకడం లేదు. ఆ మధ్య వచ్చిన సాఫ్ట్ వేర్ డెవలపర్స్, సూర్య లాంటి వెన్ సిరీస్ ను మంచి విజయాన్ని సాధించాయి. అందులో షణ్ముఖ్ నటనకి కూడా మంచి మార్కులే పడ్డాయి. కానీ, బిగ్ స్క్రీన్ ఆపర్చునిటీ మాత్రం రాలేదు.
కష్టాల నుండి “ప్రేమకు నమస్కారం” తో కమ్ బ్యాక్
Niharika Konidela: నాకు అలవాటు లేదు కానీ, తప్పడం లేదు.. సీక్రెట్ చెప్పిన నిహారిక.. మీరు కూడా ఫాలో అవండి
కానీ, చాలా గ్యాప్ తరువాత తాను అనుకున్న కళను నెరవేర్చుకోబోతున్నాడు షణ్ముఖ్. త్వరలోనే హీరోగా వెండితెరపై కనిపించబోతున్నాడు. షణ్ముఖ్ చేస్తున్న ఫస్ట్ మూవీ “ప్రేమకు నమస్కారం”. యూత్ ఫుల్ కంటెంట్ తో వస్తున్న ఈ సినిమా నుంచి ఇటీవలే టీజర్ విడుదల చేశారు మేకర్స్. ఈ టీజర్ కి కూడా మంచి రెస్పాన్స్ వచ్చింది. ఇందులో భాగంగానే ఇటీవల ఓ ఇంటర్వ్యూలో పాల్గొన్న షణ్ముఖ్ చాలా ఎమోషనల్ కామెంట్స్ చేశారు. తన లైఫ్ గురించి చెప్పుకుంటూ ఒకింత కన్నీళ్లు పెట్టుకున్నాడు.
తండ్రి యాక్సిడెంట్, బాధను పంటికింద బిగబట్టిన షణ్ముఖ్
“అసలు నేను బిగ్బాస్కు వెళ్లకుండా ఉండాల్సింది. తర్వాత ఓ కేసులో నా పేరు వచ్చింది. ఆ సమయంలో చాలా బాధపడ్డాను. దాన్నుంచి బయటపడటానికి చాలా టైం పట్టింది. ఇక నా జీవితం అయిపోయిందని అనుకున్నాను. కానీ, ఒకరోజు నేను రోడ్డుపై వెళ్తుంటే ఒక పిల్లాడు నన్ను పిలిచి, నువ్వంటే చాలా ఇష్టం అన్నా.. కానీ, ఇప్పుడు నచ్చట్లేదు అని చెప్పాడు. అప్పుడే నాలో ఆలోచన మొదలైంది. మళ్ళీ నేను ఏంటో ప్రూవ్ చేసుకోవాలి అని అనుకున్నాను. కమ్బ్యాక్ ఇవ్వాలని నిర్ణయించుకున్నాను. అలా తీసుకున్న నిర్ణయమే ప్రేమకు నమస్కారం సినిమా. ఈ మధ్య నాన్నకు యాక్సిడెంట్ అయ్యింది. ఆరోజు నేను ఏడవకుండా ఆ బాధను పంటికింద బిగపట్టాను. ఎందుకంటే రీసెంట్ గా అమ్మకు క్యాన్సర్ సర్జరీ జరిగింది. ఏడిస్తే కుట్లు ఊడిపోతాయి. అందుకే, ఆరోజసలు ఏడవనేలేదు. ఏదేమైనా నేను ఒక మంచి కొడుకును కాలేకపోయాను” అంటూ చాలా ఎమోషనలయ్యాడు షణ్ముఖ్. ప్రస్తుతం దీనికి సంబందించిన ప్రోమో సోషల్ మీడియాలో వైరల్ గా మారింది.
షణ్ముఖ్ జశ్వంత్ తన గతాన్ని గుర్తు చేసుకుంటూ పడిన బాధ, ఎదుర్కొన్న సవాళ్లను ధైర్యంగా పంచుకున్నాడు. “ప్రేమకు నమస్కారం” సినిమాతో తిరిగి కమ్ బ్యాక్ ఇవ్వాలని నిర్ణయించుకున్న షణ్ముఖ్, తన కొత్త ప్రయాణానికి ఆశగా ఎదురుచూస్తున్నాడు.
