📌 Key Points
- సమంత డిసెంబర్ 1న రాజ్ నిడిమోరును కోయంబత్తూర్లోని ఈషా ఆశ్రమంలో వివాహం చేసుకున్నారు.
- సమంతకు, రాజ్ నిడిమోరుకు ఇది రెండో వివాహం అని వెల్లడైంది.
- రాజ్ మొదటి భార్య శ్యామలీ, తన గురువుగారికి క్యాన్సర్ వచ్చిందని తెలిసి రాత్రుళ్ళు నిద్ర పట్టడం లేదని పేర్కొంది.
- తనపై సానుభూతి చూపించాల్సిన అవసరం లేదని, బ్రేకింగ్ న్యూస్లు ఆశించవద్దని మీడియాకు శ్యామలీ విజ్ఞప్తి చేసింది.
టాలీవుడ్ స్టార్ హీరోయిన్ సమంత, రాజ్ నిడిమోరుల వివాహం తరువాత రాజ్ మొదటి భార్య శ్యామలీ వార్తల్లో నిలిచింది. తన ఇన్స్టాగ్రామ్లో ఆమె చేసిన సంచలన ప్రకటనతో సినీ వర్గాలలో చర్చ మొదలైంది. ఆమె తన గురువుగారి అనారోగ్యం గురించి ఆవేదన వ్యక్తం చేస్తూ మీడియాను అభ్యర్థించింది.
సమంత, రాజ్ రెండో వివాహం
టాలీవుడ్ స్టార్ హీరోయిన్ సమంత డిసెంబర్ 1న రాజ్ నిడిమోరును వివాహం చేసుకున్న సంగతి తెలిసిందే. కోయంబత్తూర్ లోని ఈషా ఆశ్రమంలో సమంత రాజ్ వివాహం చేసుకుని వైవాహిక జీవితంలో అడుగుపెట్టారు. ఇది సమంతకు రెండో పెళ్లి అన్న సంగతి తెలిసిందే. సమంత మొదట నాగచైతన్యను ప్రేమ వివాహం చేసుకోగా వీరిద్దరూ తరవాత విడాకులు తీసుకున్నారు. ఏం జరిగిందో కానీ ఈ జంట 2021లో విడాకులను ప్రకటించింది.
శ్యామలీ సంచలన ప్రకటన
అయితే సమంతకు మాత్రమే కాకుండా రాజ్ కు కూడా ఇది రెండో వివాహమే. రాజ్ నిడిమోరు మొదట శ్యామాలీ అనే మహిళను వివాహం చేసుకున్నాడు. వీరికి ఒకరు సంతానం కాగా వీరిద్దరూ కూడా విడిపోయారు. ఇక రాజ్ సమంత డేటింగ్ వార్తలు వచ్చిన నాటి నుండి శ్యామిలీ ఎక్కువగా వార్తల్లో నిలుస్తున్నారు. తాజాగా ఆమె ఇన్ స్టాలో సంచలన ప్రకటన చేశారు. “నా పై చూపిస్తున్న ప్రేమాభిమానాలకు అందరికీ కృతజ్ఞతలు.
గురువు అనారోగ్యంపై శ్యామలీ ఆవేదన
మీ ఆశీర్వాదాలు నాకు అందుతున్నాయి. కానీ నేను ఉన్న పరిస్థితుల్లో ఎలాంటి విషయాలను పట్టించుకోలేను. మా గురువుగారికి క్యాన్సర్ వచ్చినట్టు తెలిసింది. ఆ వార్తతో నాకు రాత్రుళ్లు నిద్ర పట్టడంలేదు. ఆయన ఆరోగ్యం గురించే ప్రార్థిస్తున్నాను. కాబట్టి అందరి మెసేజ్ లకు స్పందించలేను. నా నుండి ఎలాంటి బ్రేకింగ్ న్యూస్ లు ఆశించకండి. మీడియా నాపై సానుభూతి చూపించాల్సిన అవసరం లేదు. అందరూ సంతోషంగా ఉండాలనే నేనెప్పుడూ కోరుకుంటాను”. అని శ్యామిలీ తన పోస్టులో పేర్కొన్నారు.
శ్యామలీ ప్రకటన ఆమె వ్యక్తిగత బాధను, గురువు పట్ల గౌరవాన్ని తెలియజేస్తుంది. ఈ కష్ట సమయంలో ఆమెకు మద్దతు నిలిచి, ఆమె గోప్యతను గౌరవించడం అందరికీ అవసరం. ఈ సంఘటన సినీ రంగంలో మరో చర్చకు దారితీసింది.
