మెగాస్టార్ చిరంజీవికి వివాదాస్పద దర్శకుడు రామ్ గోపాల్ వర్మ క్షమాపణలు చెప్పారు. తన దర్శకత్వంలో వచ్చిన ‘శివ’ సినిమాను చిరు ప్రశంసించిన నేపథ్యంలో, గతంలో చేసిన వ్యాఖ్యలకు చిరుకు వర్మ క్షమాపణలు కోరారు. ఈ ఆసక్తికర పరిణామం తెలుగు సినీ వర్గాల్లో చర్చనీయాంశంగా మారింది.
Key Points
రామ్ గోపాల్ వర్మ మెగాస్టార్ చిరంజీవికి క్షమాపణలు చెప్పారు.
చిరంజీవి వర్మ సినిమా 'శివ'ను ట్రెండ్ సెట్టర్ అంటూ ప్రశంసించారు.
వర్మ గతంలో చిరంజీవిపై పలుమార్లు సెటైర్లు వేసిన సంగతి తెలిసిందే.
నాగార్జున హీరోగా నటించిన 'శివ' సినిమా ఈ నెల 14న రీరిలీజ్కు సిద్ధమైంది.
చిరు ప్రశంసలపై వర్మ స్పందన
దిశ, వెబ్ డెస్క్: మెగాస్టార్ చిరంజీవికి వివాదాస్పద దర్శకుడు రామ్ గోపాల్ వర్మ క్షమాపణలు చెప్పారు. వర్మ దర్శకత్వంలో నాగార్జున హీరోగా నటించిన ఒకప్పటి చార్ట్ బస్టర్ సినిమా శివ రీరిలీజ్ కు సిద్ధమైంది. ఈ నెల 14వ తేదీ నుండి ఈ సినిమా థియేటర్లలో విడుదల కానుంది. ఈ నేపథ్యంలో చిరంజీవి సినిమా చూడాలని చెబుతూ ఓ వీడియోను విడుదల చేశారు. అందులో.. తెలుగు సినిమాల్లో ట్రెండ్ సెట్టర్ సినిమా శివ అన్నారు. కొత్త ఒరవడికి ఈ సినిమా నాందిపలికిందన్నారు. ఇప్పటికీ మర్చిపోలేని కల్ట్ సీన్స్ సినిమాలో ఉన్నాయన్నారు. నాగార్జున ఈ సినిమాలో అద్బుతంగా నటించారని అన్నారు. అమల కూడా సినిమాలో అద్భుత నటనతో ఆకట్టుకోవాలన్నారు.
జెన్ జీ కచ్చితంగా చూడాల్సిన సినిమా అని ప్రశంసలు కురిపించారు. అంతే కాకుండా రామ్ గోపాల్ వర్మ సినిమాలో హీరోను చూపించడమైనా, కెమెరా యాంగిల్స్ అయినా అద్భుతం అని చెప్పారు. ఆ వర్మ తెలుగు సినిమాకు భవిష్యత్ అనిపించిందని అన్నారు. చిత్రయూనిట్ మొత్తానికి ఆల్ ది బెస్ట్ చెప్పారు. ఇక చిరంజీవి ప్రశంసలు కురిపించడంపై వర్మ ఎక్స్ లో స్పందించారు. చిరుకు కృతజ్ఞతలు చెబుతూ.. అనుకోకుండా మిమ్మల్ని బాధపెట్టి ఉంటే క్షమించాలని కోరారు. మీ విశాల హృదయానికి మరోసారి కృతజ్ఞతలు తెలుపుతున్నానని పేర్కొన్నారు. ఇదిలా ఉంటే గతంలో చాలాసార్లు చిరంజీవిపై ఆర్జీవీ సెట్లైర్లు వేసిన సంగతి తెలిసిందే.
‘శివ’ రీరిలీజ్ గురించి చిరంజీవి మాటలు
వర్మ భావోద్వేగ క్షమాపణ
చిరంజీవి ప్రశంసలకు వర్మ ఇచ్చిన భావోద్వేగ ప్రతిస్పందన తెలుగు సినీ అభిమానుల దృష్టిని ఆకర్షించింది. గత విభేదాలను పక్కనపెట్టి, ఈ సయోధ్యతో ఇద్దరి మధ్య మంచి వాతావరణం ఏర్పడుతుందని ఆశిస్తున్నారు.
