వేసవి సెలవుల్లో సొంతూళ్లకు వెళ్లే ప్రయాణికులకు దక్షిణ కోస్తా రైల్వే శుభవార్త అందించింది. ఎంజీఆర్ చెన్నై సెంట్రల్ – సంత్రాగచ్చి జంక్షన్ మధ్య నడుస్తున్న సమ్మర్ స్పెషల్ రైళ్లను పొడిగిస్తున్నట్లు ప్రకటించింది. ఈ రైళ్లు ఏపీలోని పలు స్టేషన్లలో ఆగుతాయి.
Key Points
దక్షిణ కోస్తా రైల్వే వేసవి ప్రత్యేక రైళ్లను పొడిగించింది.
ఎంజీఆర్ చెన్నై సెంట్రల్ – సంత్రాగచ్చి జంక్షన్ మధ్య సేవలు కొనసాగుతాయి.
ఏపీలోని గూడూరు, నెల్లూరు, విజయవాడ, రాజమండ్రి వంటి 12 స్టేషన్లలో హాల్ట్.
ప్రయాణికుల రద్దీని తగ్గించేందుకు ఏసీ, స్లీపర్ కోచ్లతో అదనపు సేవలు.
సమ్మర్ స్పెషల్ రైళ్ల పొడిగింపు వివరాలు
Summer Special Trains : వేసవి కాలంలో ప్రయాణికుల రద్దీని తగ్గించేందుకు దక్షిణ కోస్తా రైల్వే కీలక నిర్ణయం తీసుకుంది. ఎంజీఆర్ చెన్నై సెంట్రల్ – సంత్రాగచ్చి జంక్షన్ మధ్య నడుస్తున్న వేసవి ప్రత్యేక రైళ్ల (సమ్మర్ స్పెషల్) సర్వీసులను పొడిగిస్తున్నట్లు ప్రకటించింది. ప్రయాణికులు ఎలాంటి ఇబ్బందులు లేకుండా ఉండేందుకు వీలుగా ఈ రైళ్లలో ఏసీ. స్లీపర్ క్లాస్ కోచ్లను అందుబాటులో ఉంచారు.
రైల్వే శాఖ విడుదల చేసిన తాజా షెడ్యూల్ ప్రకారం పొడిగించిన ప్రత్యేక రైళ్ల వివరాలు ఇలా ఉన్నాయి…
ఏపీలో హాల్ట్ స్టేషన్లు ఇవే
ప్రయాణికుల సౌకర్యాన్ని పెంచేందుకు ఈ ప్రత్యేక రైళ్లలో అధునాతన కోచ్లను ఏర్పాటు చేశారు. ఈ రైళ్లలో ఒక ఏసీ 2-టైర్ (AC 2-Tier) బోగీ, మూడు ఏసీ 3-టైర్ (AC 3-Tier) బోగీలతో పాటు అత్యధికంగా పదిహేడు స్లీపర్ క్లాస్ (Sleeper Class) కోచ్లను కేటాయించారు.
ఈ రైళ్లు… ఏపీలోని పలు స్టేషన్లలో ఆగుతాయి. ఇందులో గూడురు, నెల్లూరు, ఒంగోలు, చీరాల, తెనాలి, విజయవాడ, రాజమండ్రి, సామల్ కోట, దువ్వాడ, విజయనగరం, శ్రీకాకుళం రోడ్, పలాస రైల్వే స్టేషన్లు ఉన్నాయి. ఒడిశా పరిధిలోని బ్రహ్మపూర్, ఖుర్దా రోడ్, భువనేశ్వర్, కటక్, భద్రక్, బాలాసోర్ స్టేషన్లలో ఆగిన తర్వాత…. పశ్చిమ బెంగాల్లోని ఖరగ్పూర్ మీదుగా సంత్రాగచ్చి జంక్షన్కు చేరుకుంటాయి
ప్రయాణికులకు రైల్వే సూచనలు
వేసవి సెలవుల్లో సొంతూళ్లకు మరియు పర్యాటక ప్రాంతాలకు వెళ్లే ప్రయాణికులు ఈ పొడిగించిన రైల్వే సేవలను ఉపయోగించుకుని తమ ప్రయాణాన్ని సురక్షితంగా, సులభంగా ప్లాన్ చేసుకోవాలని రైల్వే అధికారులు కోరారు.
వేసవిలో ప్రయాణికుల రద్దీని దృష్టిలో ఉంచుకొని రైల్వే శాఖ తీసుకున్న ఈ నిర్ణయం ఎంతో మందికి ఊరటనిస్తుంది. ఈ ప్రత్యేక రైళ్లను సద్వినియోగం చేసుకొని సురక్షితమైన ప్రయాణం చేయాలని రైల్వే అధికారులు కోరుతున్నారు.
