📌 Key Points
- నిఖిల్ ‘స్వయంభు’ విడుదల తేదీ ఖరారుకు VFX అవుట్పుట్పైనే ఆధారం!
- ఏప్రిల్ 17న విడుదల చేయాలని చూస్తున్న మేకర్స్!
- ఓటీటీ హక్కులు జీ5 దక్కించుకునే అవకాశం ఉందంటున్న సినీ వర్గాలు!
- నిఖిల్ కెరీర్లోనే భారీ బడ్జెట్తో తెరకెక్కుతున్న ‘స్వయంభు’!
యంగ్ హీరో నిఖిల్ నటిస్తున్న తాజా చిత్రం ‘స్వయంభు’. ఈ సినిమా నిఖిల్ కెరీర్ లోనే బిగ్గెస్ట్ మూవీగా తెరకెక్కుతోంది. పాన్ ఇండియా స్థాయిలో విడుదల కానున్న ఈ సినిమాకు సంబంధించిన ఆసక్తికరమైన అప్డేట్ ఇదిగో!
VFX పైనే ‘స్వయంభు’ భవితవ్యం!
నిఖిల్ ప్రస్తుతం స్వయంభు అనే చిత్రంలో హీరోగా నటిస్తున్నాడు. సంయుక్తా మీనన్, నబా నటేష్ ఇందులో హీరోయిన్లుగా కనిపించబోతున్నారు. భరత్ కృష్ణమాచారి దర్శకత్వంలో రూపొందుతున్న ఈ చిత్రాన్ని ఠాగూర్ మధు సమర్పణలో పిక్సెల్ స్టూడియోస్ వారు నిర్మిస్తున్నారు. ఇప్పటికే ఈ సినిమాకు సంబంధించిన ప్రచారాలను మేకర్స్ పెద్ద ఎత్తున నిర్వహిస్తున్నా విడుదల తేదీపై స్పష్టమైన క్లారిటీ లేదు.
ఏప్రిల్ 17 విడుదల లక్ష్యంగా ప్లానింగ్!
ప్రస్తుతం అందుతున్న సమాచారం ప్రకారం ఏప్రిల్ 17వ తేదీన ఈ సినిమాని విడుదల చేయాలనే ఆలోచనలో మేకర్స్ ఉన్నట్లు తెలుస్తోంది. కాకపోతే విఎఫ్ఎక్స్ వర్క్స్ మొత్తం పూర్తయిన తర్వాత దానిని ఓటీటీ వారు చూడనున్నట్లు, చూసి వారికి అవుట్పుట్ నచ్చినట్లయితే వారు ఒక తేదీని నిర్ణయించనున్నట్లు, ఆ తేదీనే సినిమా విడుదలయ్యే అవకాశాలు ఉన్నట్లు తెలుస్తోంది. దాదాపుగా ఈ సినిమా యొక్క ఓటీటీ హక్కులను జీ5 సంస్థ దక్కించుకునే అవకాశాలు ఉన్నట్లు విశ్వసనీయవర్గాల నుండి సమాచారం అందుతుంది.
జీ5 చేతికి ఓటీటీ హక్కులు?
ఈ సినిమా నిఖిల్ కెరీర్లోనే హైయెస్ట్ బడ్జెట్తో రూపొందుతుంది. ఈ సినిమాను ఫ్యాన్ ఇండియా చిత్రంగా తెలుగు, తమిళ, కన్నడ, మలయాళ, హిందీ భాషలలో విడుదల చేయనున్నారు. ఇప్పటివరకు ఈ మూవీ నుండి విడుదలైన ప్రచార చిత్రాలు ప్రేక్షకులను బాగా ఆకట్టుకున్నాయి. దానితో ఈ చిత్రంపై మంచి అంచనాలు నెలకొన్నాయి. మరి ఈ మూవీ ఏ స్థాయి విజయాన్ని సొంతం చేసుకుంటుందో చూడాలి.
నిఖిల్ ‘స్వయంభు’ చిత్రంపై అంచనాలు భారీగా ఉన్నాయి. విడుదల తేదీ కోసం అభిమానులు ఎంతగానో ఎదురుచూస్తున్నారు. మరిన్ని అప్డేట్స్ కోసం చూస్తూనే ఉండండి.
