📌 Key Points
- TG TET 2026 హాల్ టికెట్లు ఈనెల 9వ తేదీన విడుదల కానున్నాయి.
- జూన్ 16 నుంచి 22 వరకు ఆన్లైన్ (కంప్యూటర్ ఆధారిత) విధానంలో పరీక్షలు.
- మొత్తం 1,36,418 మంది అభ్యర్థులు దరఖాస్తు చేసుకున్నారు, వీరిలో 28,149 మంది ఇన్-సర్వీస్ ఉపాధ్యాయులు.
- ప్రతిరోజూ రెండు షిఫ్టుల్లో పరీక్షలు జరుగుతాయి: ఉదయం 9-11:30, మధ్యాహ్నం 2-4:30.
తెలంగాణ టెట్ 2026 అభ్యర్థులకు ముఖ్యమైన వార్త! హాల్ టికెట్లు ఈనెల 9న విడుదల కానున్నాయి. జూన్ 16 నుంచి 22 వరకు ఆన్లైన్ విధానంలో పరీక్షలు జరగనున్నాయి. ఈ కీలక పరీక్షకు సంబంధించిన పూర్తి వివరాలు, షెడ్యూల్, దరఖాస్తుదారుల సంఖ్యపై తాజా అప్డేట్స్ ఇక్కడ తెలుసుకోండి.
హాల్ టికెట్ల విడుదల తేదీ, డౌన్లోడ్ విధానం
TG TET Hall Tickets 2026 : తెలంగాణ ఉపాధ్యాయ అర్హత పరీక్ష (టెట్) రాసేందుకు సిద్ధమవుతున్న అభ్యర్థులకు కీలక అప్డేట్ వచ్చింది. ఈ పరీక్షకు సంబంధించిన హాల్ టికెట్లు ఈనెల 9వ తేదీన విడుదల కానున్నాయి. దరఖాస్తు చేసుకున్న అభ్యర్థులు అధికారిక వెబ్సైట్ నుంచి వీటిని డౌన్లోడ్ చేసుకోవాల్సి ఉంటుంది.
మరోవైపు టీజీ టెట్ 2026(జూన్ సెషన్) పరీక్షల షెడ్యూల్ ఇప్పటికే విడుదలైంది. జూన్ 16వ తేదీ నుంచి జూన్ 22వ తేదీ వరకు ఆన్లైన్ (కంప్యూటర్ ఆధారిత) విధానంలో ఈ పరీక్షలను అధికారులు నిర్వహించనున్నారు.
టెట్ పరీక్షల షెడ్యూల్, విధానం
ఈ ఏడాది టెట్ పరీక్షలను మొత్తం 10 సెషన్లలో, 5 రోజుల పాటు నిర్వహించేందుకు విద్యాశాఖ ఏర్పాట్లు చేస్తోంది. ప్రతిరోజూ రెండు షిఫ్టుల్లో పరీక్షలు జరుగుతాయి. మొదటి షిఫ్ట్ (షిఫ్ట్ I) ఉదయం 9:00 గంటల నుంచి 11:30 గంటల వరకు ఉంటుంది. ఇక రెండో షిఫ్ట్ (షిఫ్ట్ II) మధ్యాహ్నం 2:00 గంటల నుంచి సాయంత్రం 4:30 గంటల వరకు జరుగుతుంది. అభ్యర్థులు తమకు కేటాయించిన సెషన్, సమయం వివరాలను హాల్ టికెట్ లో పరిశీలించుకోవాలి.
ఈ విడత టెట్ పరీక్ష కోసం రాష్ట్రవ్యాప్తంగా మొత్తం 1,36,418 మంది అభ్యర్థులు దరఖాస్తు చేసుకున్నారు. వీరిలో పేపర్ I కోసం 32,779 మంది అభ్యర్థులు, పేపర్ II కోసం 86,305 మంది అభ్యర్థులు దరఖాస్తు చేసుకోగా.. రెండు పేపర్లకు (పేపర్ I మరియు పేపర్ II) కలిపి 17,334 మంది అభ్యర్థులు దరఖాస్తు చేసుకున్నారు.
దరఖాస్తుదారుల వివరాలు, ఇన్-సర్వీస్ టీచర్లు
ఈసారి టెట్ రాస్తున్న వారిలో ప్రభుత్వ సేవలో కొనసాగుతున్న ఉపాధ్యాయులు కూడా పెద్ద సంఖ్యలోనే ఉన్నారు. మొత్తం దరఖాస్తుదారులలో 28,149 మంది ఇన్-సర్వీస్ ఉపాధ్యాయులు ఉన్నారు. వీరిలో 13,714 మంది పురుషులు, 14,430 మంది మహిళా ఉపాధ్యాయులు కాగా.. ఐదుగురు ట్రాన్స్జెండర్లు ఈ పరీక్షకు దరఖాస్తు చేసుకున్నారు. జూన్ 16 నుంచి ప్రారంభం కానున్న ఈ ఆన్లైన్ పరీక్షల కోసం విద్యాశాఖ అన్ని కేంద్రాల్లో పకడ్బందీ ఏర్పాట్లు చేస్తోంది.
మహేంద్ర చారి మహేశ్వరం ప్రస్తుతం హిందుస్తాన్ టైమ్స్ తెలుగులో డిప్యూటీ చీఫ్ కంటెంట్ ప్రొడ్యూసర్ గా బాధ్యతలు నిర్వర్తిస్తున్నారు. డిజిటల్ జర్నలిజంలో 9 ఏళ్లకు పైగా అనుభవం ఉంది. ఇక్కడ ఏపీ, తెలంగాణకు సంబంధించిన ప్రాంతీయ వార్తలను రాస్తారు. ముఖ్యంగా రాజకీయ పరిణామాలు, విశ్లేషణలు, విద్య, ఉద్యోగ సమాచారంతో పాటు ఆసక్తికరమైన కథనాలను అందిస్తారు. ఏపీ, తెలంగాణ ప్రభుత్వ పథకాలకు సంబంధించి ప్రజలకు సులభంగా అర్థమయ్యే రీతిలో కథనాలను ఇవ్వటంలో ప్రత్యేక శైలి కలిగి ఉన్నారు. యూజర్లకు ఉపయోగపడే వార్తలను అందించడంలో ముందుంటారు.జర్నలిజంలో పీజీ చేసే సమయంలో క్యాంపస్ రిక్రూట్ మెంట్ లో భాగంగా 2017లో ఈటీవీ భారత్ లో చేరారు. 2018 అసెంబ్లీ ఎన్నికల సమయంలో ఈటీవీ డెస్క్ లోనూ కొన్ని నెలలపాటు పని చేశారు. 2019 ఆంధ్రప్రదేశ్ అసెంబ్లీ ఎన్నికలకు సంబంధించిన ఈటీవీ భారత్ ఏర్పాటు ఏర్పాటు చేసిన స్పెషల్ డెస్క్ లో కూడా పని చేశారు. ఈనాడు జర్నలిజం స్కూల్ లో కొద్దిరోజుల పాటు ట్రైనీ జర్నలిస్టులకు పాఠాలు కూడా బోధించిన అనుభవం ఉంది.2022లో హిందుస్తాన్ టైమ్స్ తెలుగులో చేరారు. అద్భుతమైన పనితీరుతో ప్రస్తుతం పని చేస్తున్న సంస్థలో 2023 – 2024 ఏడాదికానూ ప్రతిష్టాత్మకమైన ‘లాంగ్వేజేస్ జర్నో’ అవార్డును అందుకున్నారు. పలుమార్లు హెచ్టీ ఇన్స్టా అవార్డులు దక్కించుకున్నారు. ఇది డిజిటల్ జర్నలిజంలో ఆయన చూపిస్తున్న నిబద్ధతకు, వార్తా సేకరణలో ఆయన పాటించే ఖచ్చితత్వానికి నిదర్శనం.హైదరాబాద్ లోని నిజాం కాలేజీ నుంచి బీఎస్సీలో డిగ్రీ పట్టా పొందారు. తెలుగు విశ్వవిద్యాలయం నుంచి జర్నలిజం అండ్ మాస్ కమ్యూనికేషన్ లో పీజీ పూర్తి చేశారు. అకడమిక్స్ లో మంచి ప్రతిభకు గానూ యూనివర్శిటీ నుంచి గోల్డ్ మెడల్ ను పొందారు. ఆ తర్వాత ఉస్మానియా యూనివర్శిటీ క్యాంపస్ నుంచి లా డిగ్రీ పట్టా పొందారు. Read More
టెట్ పరీక్షలకు సిద్ధమవుతున్న అభ్యర్థులు హాల్ టికెట్లను డౌన్లోడ్ చేసుకొని, పరీక్షా కేంద్రం, సమయాన్ని ముందుగానే చూసుకోవాలి. ఈ పరీక్ష ఉపాధ్యాయ వృత్తిలోకి ప్రవేశించడానికి కీలకమైనందున, అభ్యర్థులు సన్నద్ధతతో పరీక్షకు హాజరుకావాలని కోరుకుంటున్నాం.
