📌 Key Points
- లిక్కర్ స్కామ్ కేసులో కవిత నివాసానికి సీబీఐ అధికారులు.
- హైకోర్టు నోటీసులను కవిత భర్తకు అందజేసిన అధికారులు.
- కవిత అందుబాటులో లేకపోవడంతో వివరాలు అడిగి తెలుసుకున్న సీబీఐ.
- రౌస్ అవెన్యూ కోర్టు కవితకు క్లీన్చిట్ ఇవ్వడం, హైకోర్టుకు సీబీఐ అప్పీల్.
మాజీ ఎమ్మెల్సీ కల్వకుంట్ల కవితకు సీబీఐ అధికారులు లిక్కర్ స్కామ్ కేసులో నోటీసులు అందజేశారు. బంజారాహిల్స్లోని ఆమె నివాసానికి వెళ్లిన అధికారులు, కవిత అందుబాటులో లేకపోవడంతో ఆమె భర్తకు నోటీసులు అందజేశారు.
కవిత నివాసానికి సీబీఐ అధికారులు
లిక్కర్ స్కామ్ కేసులో మాజీ ఎమ్మెల్సీ కల్వకుంట్ల కవిత నివాసం వద్ద మరోసారి అలజడి మొదలైంది. ఇవాళ మధ్యాహ్నం సీబీఐ (CBI) అధికారులు హైదరాబాద్లోని బంజారాహిల్స్ ఉన్న ఆమె నివాసానికి చేరుకున్నారు. ఈ కేసులో తాజా కౌంటర్ అఫిడవిట్కు సంబంధించి హైకోర్టు ఇచ్చిన నోటీసులను ఆమెకు అందజేసేందుకు వెళ్లారు. అయితే, అధికారులు కవిత నివాసానికి వెళ్లిన సమయంలో ఆమె అక్కడ అందుబాటులో లేరు. దీంతో సీబీఐ అధికారులు ఆ నోటీసులను ఆమె భర్త అనిల్ కుమార్కు అందజేశారు. కవిత ఎక్కడికి వెళ్లారు, ఎప్పుడు అందుబాటులోకి వస్తారు అనే వివరాలను అధికారులు అనిల్ను అడిగి తెలుసుకున్నట్లుగా సమాచారం.
కాగా, ఢిల్లీ లిక్కర్ పాలసీ కేసు దేశవ్యాప్తంగా సంచలనం సృష్టించిన విషయం తెలిసిందే. ఇటీవలే రౌస్ అవెన్యూ కోర్టు మాజీ ఎమ్మెల్సీ కవితకు కేసులో క్లిన్చిట్ ఇచ్చింది. అయితే, కోర్టు తీర్పుపై సీబీఐ తాజాగా హైకోర్టును ఆశ్రయించింది. ఈ క్రమంలోనే దర్యాప్తును వేగవంతం చేసిన అధికారులు, తాజా పరిణామాల్లో భాగంగా కవితకు నోటీసులు అందజేశారు.
నోటీసులు అందజేత, వివరాలు సేకరించిన సీబీఐ
హైకోర్టును ఆశ్రయించిన సీబీఐ
ఢిల్లీ లిక్కర్ పాలసీ కేసులో కవితకు రౌస్ అవెన్యూ కోర్టు క్లీన్చిట్ ఇవ్వగా, సీబీఐ హైకోర్టుకు వెళ్లడం రాజకీయంగా చర్చనీయాంశంగా మారింది. ఈ కేసు ఎలాంటి మలుపు తిరుగుతుందో వేచి చూడాలి.
