ప్రేక్షకులను అలరించిన ‘ది ట్రయల్’ వెబ్ సిరీస్ రెండో సీజన్ త్వరలోనే రాబోతోంది. కాజోల్ నటించిన ఈ సిరీస్ ట్రైలర్ ఇప్పటికే విడుదలైంది. సెప్టెంబర్ 19వ తేదీన జియోహాట్స్టార్ లో స్ట్రీమింగ్ ప్రారంభం.
Key Points
ది ట్రయల్ సీజన్ 2 ట్రైలర్ విడుదలైంది.
సెప్టెంబర్ 19న జియో హాట్స్టార్లో స్ట్రీమింగ్.
నయానిక వ్యక్తిగత, వృత్తిపరమైన జీవితంలోని పోరాటాలు.
ది ట్రయల్ సీజన్ 2 ట్రైలర్ విడుదల
ఓటీటీలో ఇప్పటి వరకూ వచ్చిన మంచి లీగల్ థ్రిల్లర్ వెబ్ సిరీస్ లలో ఒకటి ది ట్రయల్ (The Trail). ఇప్పుడీ సిరీస్ రెండో సీజన్ రానుంది. ఈ నెల 6వ తేదీన ‘ది ట్రయల్: ప్యార్ కానూన్ ధోఖా’ సీజన్ 2ను అధికారికంగా ప్రకటించారు. ఇందులో సీనియర్ నటి కాజోల్ లాయర్ నయానికా సేన్గుప్తా పాత్రలో తిరిగి వచ్చింది. ఇక తాజాగా శుక్రవారం (ఆగస్టు 22) ఈ రెండో సీజన్ ట్రైలర్ కూడా రిలీజ్ చేశారు. ఇక సెప్టెంబర్ 19 నుంచి ఈ కొత్త సీజన్ జియోహాట్స్టార్ లో స్ట్రీమింగ్ కానుంది.
లీగల్ థ్రిల్లర్ వెబ్ సిరీస్ ‘ది ట్రయల్: ప్యార్ కానూన్ ధోఖా’ సీజన్ 2 ట్రైలర్ లాయర్ నయానిక తన కేసులను పరిష్కరిస్తున్నప్పుడు వ్యక్తిగత జీవితంలోని ఒడిదొడుకులను కూడా చూపిస్తుంది. ఆమె భర్త రాజీవ్ (జిషు సేన్గుప్తా)తో ఆమెకు తీవ్ర వాగ్వాదం జరుగుతుంది. ట్రైలర్ చివరిలో నయానిక “నాకు విడాకులు కావాలి” అని అంటుంది.
స్ట్రీమింగ్ తేదీ ప్రకటన
అయితే రాజీవ్ ఎన్నికల్లో గెలవాలంటే నయానిక ఇమేజ్ ముఖ్యం కాబట్టి అతను ఆమెను కోల్పోవడానికి ఇష్టపడడు. నయానిక పాత్రలో కాజోల్ ఈ కొత్త సీజన్లో మరింత ఇంటెన్స్ లుక్ లో కనిపించబోతున్నట్లు ట్రైలర్ చూస్తే స్పష్టమవుతోంది. తన పిల్లల కోసం ఎంత వరకైనా వెళ్లే తల్లి పాత్రలోనూ ఆమె ఈ కొత్త సీజన్ లో కనిపించబోతోంది.
జియోహాట్స్టార్ ఓటీటీ ఈ ట్రైలర్ ను షేర్ చేసింది. “ప్రేమ, మోసాలతో నిండిన ఈ ట్రయల్లో నయానిక తనను తాను ఎంచుకుంటుందా లేదా తన కర్తవ్యాన్ని ఎంచుకుంటుందా? హాట్స్టార్ స్పెషల్స్ ‘ది ట్రయల్: ప్యార్ కానూన్ ధోఖా’ సీజన్ 2 సెప్టెంబర్ 19న స్ట్రీమింగ్ అవుతుంది” అని ట్వీట్ చేసింది.
కాజోల్ పాత్ర ప్రాముఖ్యత
ఈ ట్రైలర్ ఈ మధ్యే కాజోల్ నటించిన హారర్ మూవీ ‘మా’ను గుర్తు చేస్తుంది. అందులో కాజోల్ తన కుమార్తెను రక్షించడానికి ఎంతకైనా తెగించే ఒక తల్లి పాత్రను పోషించింది. ఈ సినిమా శుక్రవారం (ఆగస్టు 22) నుంచే నెట్ఫ్లిక్స్ ఓటీటీలో స్ట్రీమింగ్ అవుతోంది.
ఇక ఇప్పుడు ఆమె నటించిన ది ట్రయల్ సీజన్ 2 వచ్చే నెలలో ఓటీటీలోకి రాబోతోంది. సెప్టెంబర్ 19 నుంచి ఈ థ్రిల్లర్ సిరీస్ ను జియోహాట్స్టార, ఓటీటీప్లే ప్రీమియంలలో చూడొచ్చు.
కాజోల్ నటనతో ‘ది ట్రయల్’ సీజన్ 2 అభిమానులను మెప్పించడానికి సిద్ధంగా ఉంది. సెప్టెంబర్ 19 నుండి జియో హాట్స్టార్ లో ఈ సిరీస్ చూడవచ్చు.
