IMDb విడుదల చేసిన జాబితా ప్రకారం, జులై నెలలో ఇండియాలో అత్యంత ప్రజాదరణ పొందిన నటుల్లో ప్రభాస్ అగ్రస్థానంలో ఉన్నాడు. ఆరుగురు తెలుగు హీరోలు టాప్ 10లో చోటు దక్కించుకోవడం విశేషం.
Key Points
IMDb జాబితాలో ప్రభాస్ అగ్రస్థానంలో కొనసాగింపు.
టాప్ 10లో ఆరుగురు తెలుగు హీరోల ప్రాతినిధ్యం.
పవన్ కళ్యాణ్ టాప్ 10లోకి ఎంట్రీ, హరి హర వీరమల్లు సినిమా ప్రభావం.
అల్లు అర్జున్, మహేష్ బాబు, ఎన్టీఆర్, రామ్ చరణ్ టాప్ 10లో స్థానం సాధించారు.
IMDb జాబితాలో ప్రభాస్ ఆధిపత్యం
ఐఎండీబీ ప్రకారం గత నెల అంటే జులైలో ఇండియాలో మోస్ట్ పాపులర్ మేల్ స్టార్లు ఎవరో తెలుసా? టాప్ 10లో మరోసారి రెబల్ స్టార్ ప్రభాస్ తన అగ్రస్థానాన్ని నిలబెట్టుకున్నాడు. మరోవైపు ఈ జాబితాను మన తెలుగు హీరోలు పూర్తిగా డామినేట్ చేశారు. ఆరుగురు తెలుగు హీరోలు, తమిళం, హిందీ నుంచి ఇద్దరేసి హీరోలు ఈ జాబితాలో ఉన్నారు.
జులై నెలకుగాను ఇంటర్నెట్ మూవీ డేటాబేస్ (ఐఎండీబీ) ఇండియాలో మోస్ట్ పాపులర్ మేల్ ఫిల్మ్ స్టార్స్ జాబితాను మంగళవారం (ఆగస్టు 19) రిలీజ్ చేసింది. అంతకుముందు నెలలాగే జులైలోనూ ప్రభాస్ కు తిరుగు లేకుండాపోయింది. టాప్ 10లో తొలి స్థానం అతనిదే కావడం విశేషం.
ఇక అతని తర్వాత రెండో స్థానంలో తమిళ సూపర్ స్టార్ దళపతి విజయ్ ఉన్నాడు. మూడో స్థానంలో బాలీవుడ్ కింగ్ షారుక్ ఖాన్ చోటు దక్కించుకున్నాడు.
టాలీవుడ్ హీరోల ప్రాబల్యం
టాప్ 10లో ప్రభాస్ అగ్రస్థానంలో ఉండగా.. మొత్తంగా ఆరుగురు టాలీవుడ్ హీరోలు చోటు దక్కించుకోవడం విశేషం. ప్రభాస్ కాకుండా అల్లు అర్జున్ , మహేష్ బాబు, జూనియర్ ఎన్టీఆర్, రామ్ చరణ్, పవన్ కల్యాణ్ కూడా ఈ లిస్టులో ఉన్నారు. ప్రభాస్, విజయ్, షారుక్ తర్వాత నాలుగో స్థానంలో ఐకాన్ స్టార్ అల్లు అర్జున్ ఉన్నాడు.
ఇక ఐదో స్థానంలో మరో తమిళ స్టార్ అజిత్ కుమార్ ఉండగా.. ఆరో స్థానంలో మహేష్ బాబు నిలిచాడు. ఏడో స్థానంలో జూనియర్ ఎన్టీఆర్ , ఎనిమిదో స్థానంలో రామ్ చరణ్, 9వ స్థానంలో సల్మాన్ ఖాన్, పదో స్థానంలో పవన్ కల్యాణ్ ఉన్నారు. నిజానికి అంతకుముందు నెలలో పదో స్థానంలో నాని ఉండగా.. ఆ స్థానాన్ని జులైలో పవన్ ఆక్రమించాడు.
పవన్ కళ్యాణ్ యొక్క టాప్ 10 ఎంట్రీ
గత నెలలో పవన్ మూవీ హరి హర వీరమల్లు పాన్ ఇండియా సినిమాగా రావడంతో అతని క్రేజ్ ఒక్కసారిగా పెరిగినట్లు కనిపిస్తోంది. దీంతో మోస్ట్ పాపులర్ మేల్ యాక్టర్స్ లో టాప్ 10లోకి దూసుకొచ్చాడు.
అంతకుముందు నెలలోనూ టాప్ 10లో మొత్తం ఆరుగురు తెలుగు హీరోలు ఉండగా.. జులైలోనూ అదే కొనసాగింది. కాకపోతే ఆరుగురిలో ప్రభాస్, అల్లు అర్జున్, మహేష్, ఎన్టీఆర్, రామ్ చరణ్ కొనసాగగా.. నాని స్థానంలో పవన్ వచ్చాడు.
జులై నెల IMDb జాబితా టాలీవుడ్ హీరోల ప్రాబల్యాన్ని చాటుతోంది. ప్రభాస్ అగ్రస్థానం, పవన్ కళ్యాణ్ టాప్ 10లోకి రావడం ఆశ్చర్యం కలిగించింది.
