📌 Key Points
- పవన్ కళ్యాణ్, హరీష్ శంకర్ కాంబోలో వస్తున్న ‘ఉస్తాద్ భగత్ సింగ్’ సినిమాకు తెలంగాణలో టికెట్ ధరల పెంపుకు అనుమతి లేదు.
- ఆంధ్రప్రదేశ్లో టికెట్ ధరల పెంపుకు అనుమతి లభించినప్పటికీ, తెలంగాణలో మాత్రం నిరాశ ఎదురైంది.
- మైత్రి మూవీ మేకర్స్ తెలంగాణలో సాధారణ టికెట్ ధరలకే సినిమాను ప్రదర్శించాలని నిర్ణయించింది.
- ‘గబ్బర్ సింగ్’ తర్వాత పవన్ కళ్యాణ్, హరీష్ శంకర్ కలయికలో వస్తున్న సినిమా కావడంతో అంచనాలు భారీగా ఉన్నాయి.
పవర్ స్టార్ పవన్ కళ్యాణ్, హరీష్ శంకర్ కాంబినేషన్లో వస్తున్న ‘ఉస్తాద్ భగత్ సింగ్’ సినిమాకు తెలంగాణలో ఊహించని ఎదురుదెబ్బ తగిలింది. ఇక్కడ టికెట్ ధరలు పెంచేందుకు ప్రభుత్వం అనుమతి నిరాకరించింది. దీనికి సంబంధించిన మరిన్ని వివరాలు ఇప్పుడు తెలుసుకుందాం.
తెలంగాణలో టికెట్ ధరల పెంపుకు నో చెప్పిన ప్రభుత్వం
Ustaad Bhagat Singh: పవర్ స్టార్ పవన్ కళ్యాణ్ హరీష్ శంకర్ కాంబినేషన్ లో రాబోతున్న ఉస్తాద్ భగత్ సింగ్ సినిమాకు షాక్ తగిలింది. ఇప్పటికే ఆధ్రప్రదేశ్ లో టికెట్ ధరలు పెంచుకోవడానికి ప్రభుత్వం అనుమతి ఇచ్చింది. దీంతో తెలంగాణలో కూడా అనుమతి వస్తుందని ఆశించిన నిర్మాతలకు నిరాశే ఎదురైంది. తెలంగాణలో టికెట్ ధరలు దాదాపు పెరగవు అన్నట్లుగా తెలుస్తోంది. దీంతో అభిమానులకు సగటు సినిమా ప్రేక్షకులకు ఒక తీపి కబురు అందింది. హరీష్ శంకర్ దర్శకత్వంలో, మైత్రి మూవీ మేకర్స్ నిర్మిస్తున్న అత్యంత ప్రతిష్టాత్మక చిత్రం ‘ఉస్తాద్ భగత్ సింగ్’ (UBS). ఈ సినిమా టికెట్ ధరలకు సంబంధించి చిత్ర నిర్మాణ సంస్థ తాజాగా ఒక కీలక నిర్ణయాన్ని వెలువరించింది.
Read also- Comedy Movie OTT: మాయదారి మొగుడు… మాయాజాలం చేసే బావమరిది.. ఓటీటీలోకి వచ్చేస్తున్న కొత్త కామెడీ
సామాన్యులకు అందుబాటులో ‘ఉస్తాద్ భగత్ సింగ్’ టికెట్లు
సాధారణంగా టాలీవుడ్లో పెద్ద హీరోల సినిమాలు విడుదలవుతున్నాయంటే, బడ్జెట్ రికవరీ కోసం లేదా భారీ హైప్ దృష్ట్యా తెలంగాణ మరియు ఆంధ్రప్రదేశ్ ప్రభుత్వాల నుండి ప్రత్యేక అనుమతులు పొంది టికెట్ ధరలను పెంచడం (Ticket Hike) ఒక ఆనవాయితీగా మారింది. అయితే, ‘ఉస్తాద్ భగత్ సింగ్’ విషయంలో మైత్రి మూవీ మేకర్స్ భిన్నమైన బాట పట్టారు. తెలంగాణ రాష్ట్రంలో ఈ సినిమాను సాధారణ టికెట్ ధరలకే (Regular Ticket Prices) ప్రదర్శించాలని వారు నిర్ణయించారు. ప్రస్తుత కాలంలో సినిమా టికెట్ ధరలు సామాన్యుడికి భారంగా మారుతున్నాయనే విమర్శలు వినిపిస్తున్నాయి. ముఖ్యంగా మల్టీప్లెక్స్ ధరలు సామాన్య ప్రేక్షకుడిని థియేటర్లకు దూరం చేస్తున్నాయి. ఈ నేపథ్యంలో, అందరికీ సినిమాను అందుబాటులో ఉంచాలనే ఉద్దేశంతో మేకర్స్ ఈ సాహసోపేతమైన నిర్ణయం తీసుకున్నట్లు తెలుస్తోంది. ఎటువంటి ‘హైక్స్’ లేకుండా పాత ధరలకే టికెట్లు విక్రయించడం వల్ల ఫ్యామిలీ ఆడియన్స్ భారీ సంఖ్యలో థియేటర్లకు వచ్చే అవకాశం ఉంది.
Read also- Illu illaalu pillalu Narmada : ‘ఇల్లు ఇల్లాలు పిల్లలు ‘ నర్మద షాకింగ్ నిర్ణయం.. జీవితంలో ఆ తప్పు చెయ్యను..
పవన్ కళ్యాణ్ సినిమాపై భారీ అంచనాలు
‘గబ్బర్ సింగ్’ వంటి బ్లాక్ బస్టర్ తర్వాత పవన్ కళ్యాణ్ – హరీష్ శంకర్ కాంబినేషన్లో వస్తున్న సినిమా కావడంతో దీనిపై అంచనాలు ఆకాశాన్ని తాకుతున్నాయి. “ఈసారి పర్ఫార్మెన్స్ బద్దలైపోద్ది” అంటూ ఇప్పటికే విడుదలైన టీజర్లు దుమ్ములేపుతున్నాయి. పవన్ కళ్యాణ్ తనదైన స్టైల్లో పోలీస్ ఆఫీసర్గా కనిపిస్తుండటంతో మాస్ ప్రేక్షకుల్లో పూనకాలు మొదలయ్యాయి. ఒకవైపు భారీ బడ్జెట్ సినిమాల టికెట్ ధరలు పెంచుతుంటే, పవన్ కళ్యాణ్ వంటి టాప్ హీరో సినిమాకు రెగ్యులర్ ధరలనే ఉంచడం చిత్ర పరిశ్రమలో చర్చనీయాంశంగా మారింది. ఇది ఇతర పెద్ద సినిమాలకు కూడా ఒక మార్గదర్శకంగా నిలుస్తుందని విశ్లేషకులు భావిస్తున్నారు. మొత్తానికి, ‘ఉస్తాద్’ రచ్చ థియేటర్లలో సామాన్యుడి జేబుకు చిల్లు పడకుండా జరగబోతోందన్నమాట!
ఉస్తాద్ భగత్ సింగ్ సినిమా టికెట్ ధరల విషయంలో తీసుకున్న ఈ నిర్ణయం సామాన్య ప్రేక్షకులకు ఎంతో ఉపశమనం కలిగిస్తుంది. సినిమా విడుదల కోసం అభిమానులు ఎంతగానో ఎదురు చూస్తున్నారు.
