📌 Key Points
- వెంకటేష్, అనిల్ రావిపూడి కాంబోలో రాబోయే సినిమాపై భారీ అంచనాలు.
- నందమూరి కళ్యాణ్ రామ్, కీర్తి సురేష్, కృతి శెట్టి కీలక పాత్రల్లో నటిస్తున్నారు.
- సినిమా పేరుతో నకిలీ కాస్టింగ్ కాల్స్ నిర్వహించి డబ్బు వసూలు చేస్తున్న మోసగాళ్లు.
- చిత్ర యూనిట్ అధికారికంగా స్పందిస్తూ, మోసపోవద్దని యువతకు హెచ్చరిక.
విక్టరీ వెంకటేష్, అనిల్ రావిపూడి కాంబినేషన్లో రాబోతున్న సినిమాపై భారీ అంచనాలు నెలకొన్నాయి. అయితే, ఈ సినిమా పేరుతో కొందరు కేటుగాళ్లు నకిలీ కాస్టింగ్ కాల్స్ నిర్వహిస్తూ అమాయక యువతను మోసం చేస్తున్నారు. దీనిపై చిత్ర యూనిట్ తీవ్రంగా స్పందిస్తూ, అప్రమత్తంగా ఉండాలని హెచ్చరించింది.
వెంకీ-అనిల్ సినిమాపై భారీ అంచనాలు
Venkatesh–Anil Film: విక్టరీ వెంకటేష్, సక్సెస్ఫుల్ డైరెక్టర్ అనిల్ రావిపూడి కాంబినేషన్ అనగానే టాలీవుడ్ ప్రేక్షకులకు ముందుగా గుర్తొచ్చేవి ఎఫ్2, ఎఫ్3 లాంటి అవుట్ అండ్ అవుట్ హిట్స్. బాక్సాఫీస్ వద్ద నవ్వుల పంట పండించిన ఈ క్రేజీ కాంబో ఇప్పుడు ఐదోసారి జతకట్టబోతుండటంతో అటు సినీ వర్గాల్లో, ఇటు అభిమానుల్లో అంచనాలు ఆకాశాన్ని తాకుతున్నాయి.
ప్రస్తుతం వర్కింగ్ టైటిల్తో సెట్స్ మీదికి వెళ్లేందుకు సిద్దమవుతున్నఈ మల్టీస్టారర్ ప్రాజెక్ట్లో నందమూరి కళ్యాణ్ రామ్ ఒక పవర్ఫుల్ రోల్లో నటిస్తుండగా, మహానటి కీర్తి సురేష్, యంగ్ బ్యూటీ కృతి శెట్టి హీరోయిన్స్ గా నటిస్తున్నారు.ఇలాంటి క్రేజీ ప్రాజెక్ట్ సెట్స్ పైకి వెళ్లకముందే టాలీవుడ్లో సరికొత్త సంచలనంగా మారింది. అయితే ఇదే క్రేజ్ను కొందరు కేటుగాళ్లు తమకు అనుకూలంగా మార్చుకునేందుకు స్కెచ్ వేశారు.
సినిమా రంగంలో ఎలాగైనా అవకాశాలు దక్కించుకోవాలని, వెండితెరపై మెరవాలని తపించే అమాయక యువతను టార్గెట్ చేస్తూ సోషల్ మీడియా వేదికగా ఒక పెద్ద నెట్వర్క్ రంగంలోకి దిగింది. ఈ సినిమా పేరుతో నకిలీ కాస్టింగ్ కాల్స్ సృష్టించి, ఆడిషన్స్ నిర్వహిస్తున్నామంటూ సోషల్ మీడియాలో పోస్టులను వైరల్ చేశారు. తాము సినిమా ప్రొడక్షన్ టీమ్కి చెందిన వాళ్లమంటూ నమ్మిస్తూ, ఆసక్తి గల అభ్యర్థుల నుంచి వ్యక్తిగత వివరాలు, ఫొటోలు, ముఖ్యమైన డాక్యుమెంట్లను సేకరించడం మొదలుపెట్టారు. అంతటితో ఆగకుండా, స్క్రీన్ టెస్ట్ మరియు కన్ఫర్మేషన్ పేరిట అభ్యర్థుల నుంచి పెద్ద మొత్తంలో డబ్బులు కూడా డిమాండ్ చేస్తున్నట్లు చిత్ర యూనిట్ దృష్టికి వచ్చింది.
నకిలీ కాస్టింగ్ కాల్స్: మోసగాళ్ల పన్నాగం
ఈ ఇష్యూ సీరియస్ అవడంతో మేకర్స్ రియాక్ట్ అవుతూ ఒక అఫీషియల్ అనౌన్స్ మెంట్ వదిలారు. సోషల్ మీడియాలో చక్కర్లు కొడుతున్న కాస్టింగ్ కాల్స్ ప్రకటనలకు, తమ సినిమాకు ఎలాంటి సంబంధం లేదని నిర్మాతలు తేల్చి చెప్పారు. ఇది ముమ్మాటికీ కొందరు మోసగాళ్లు చేస్తున్న తప్పుడు ప్రచారమని, ఈ తరహా నకిలీ ప్రకటనలను నమ్మి ఎవరూ మోసపోవద్దని హెచ్చరించారు. సినిమా రంగంలోకి రావాలనుకునే యువత తమ విలువైన వ్యక్తిగత డేటాను లేదా ఫొటోలను గుర్తుతెలియని వ్యక్తులకు షేర్ చేయవద్దని, సైబర్ నేరగాళ్ల ఉచ్చులో పడొద్దని కోరారు.
ముఖ్యంగా సినిమా అవకాశాల కోసం రూపాయి కూడా చెల్లించాల్సిన అవసరం లేదని, తమ ప్రొడక్షన్ హౌస్ ఎప్పుడూ ఆడిషన్స్ కోసం డబ్బులు వసూలు చేయదని స్పష్టం చేశారు. ఎవరైనా డబ్బులు అడిగితే వారు కచ్చితంగా మోసగాళ్లని గ్రహించాలని సూచించారు. ఒకవేళ ఈ చిత్రానికి సంబంధించి భవిష్యత్తులో నిజంగానే నటీనటులు అవసరమైతే, ఆ వివరాలను అధికారిక సోషల్ మీడియా అకౌంట్ల ద్వారా మరియు ప్రముఖ మీడియా ఛానెళ్ల ద్వారా మాత్రమే అధికారికంగా వెల్లడిస్తామని స్పష్టం చేశారు.
మేకర్స్ కీలక హెచ్చరిక: అప్రమత్తంగా ఉండండి
అంతవరకు ఎలాంటి అనధికారిక సమాచారాన్ని నమ్మవద్దని ప్రేక్షకులను, సినీ ఆస్పాైరెంట్లను కోరారు. గతంలో వెంకటేష్ నటించిన ఎఫ్2 చిత్రం సంక్రాంతి కానుకగా విడుదలై బ్లాక్బస్టర్ హిట్గా నిలిచింది, ఆ తర్వాత వచ్చిన ఎఫ్3 కూడా ప్రేక్షకులను ఎంతగానో అలరించింది. ఇప్పుడు అదే జోష్తో రాబోతున్న ఈ సరికొత్త ప్రాజెక్ట్ గురించి ఎలాంటి అప్డేట్ కావాలన్నా కేవలం అఫీషియల్ సోర్సెస్ ద్వారానే తెలుసుకోవాలని చిత్ర బృందం స్పష్టం చేసింది.
సినిమా అవకాశాల కోసం డబ్బు చెల్లించాల్సిన అవసరం లేదని, అపరిచితులకు వ్యక్తిగత వివరాలు ఇవ్వొద్దని మేకర్స్ స్పష్టం చేశారు. యువత సైబర్ నేరగాళ్ల ఉచ్చులో పడకుండా జాగ్రత్తగా ఉండాలని విజ్ఞప్తి చేశారు.
