📌 Key Points
- విజయ్ దేవరకొండ, రష్మిక మందన్న వివాహం ఫిబ్రవరి 26న ఉదయ్ పూర్ లో అంగరంగ వైభవంగా జరుగుతున్న వేడుక!
- గీత గోవిందం సినిమాతో మొదలైన వీరి ప్రేమ బంధం పెళ్లితో ఒక్కటవుతున్న శుభ సందర్భం
- సందీప్ రెడ్డి వంగ, తరుణ్ భాస్కర్, ఈషా రెబ్బా పెళ్లికి హాజరైన సెలబ్రిటీలు, సందడి వాతావరణం
- మార్చి 4న హైదరాబాద్ తాజ్ కృష్ణలో టాలీవుడ్, బాలీవుడ్ ప్రముఖుల కోసం గ్రాండ్ రిసెప్షన్ ఏర్పాటు
టాలీవుడ్ మోస్ట్ లవ్డ్ కపుల్ విజయ్ దేవరకొండ మరియు రష్మిక మందన్న ఒక్కటవుతున్నారు! వీరి పెళ్లి వార్త సోషల్ మీడియాలో వైరల్ అవుతోంది. అభిమానుల ఆనందానికి అవధుల్లేవ్! ఉదయ్ పూర్ వేదికగా ఈ వేడుక జరుగుతోంది.
ఉదయ్ పూర్ లో విజయ్ రష్మిక పెళ్లి సందడి!
Virosh : విజయ్ దేవరకొండ – రష్మిక మందన్న పెళ్లి నేడు ఘనంగా జరగనుంది. గీత గోవిందం సినిమాతో పరిచయం ఏర్పడి ఫ్రెండ్స్ గా మారి డియర్ కామ్రేడ్ సమయం నుంచి ప్రేమలో ఉన్న ఈ జంట ఇప్పుడు పెళ్లితో ఒక్కటి కాబోతున్నారు. నేడు ఫిబ్రవరి 26న రాజస్థాన్ ఉదయ్ పూర్ లోని ITC ప్యాలెస్ లో విజయ్ – రష్మిక పెళ్లి జరగనుంది.
పెళ్లి కేవలం కుటుంబసభ్యులు, సన్నిహితుల మధ్య జరగనున్నట్టు సమాచారం. మూడు రోజుల ముందే విజయ్ – రష్మిక, కుటుంబసభ్యులు, పలువురు సెలబ్రిటీలు ఉదయ్ పూర్ కి వెళ్లారు. ఆల్రెడీ నిన్న ఉదయం హల్దీ వేడుకలు, నిన్న రాత్రి సంగీత్ వేడుకలు జరిగాయి. నేడు ఉదయం తెలుగు సాంప్రదాయంలో పెళ్లి జరగనుంది. సాయంత్రం కొడవ సాంప్రదాయంలో మరోసారి పెళ్లి జరగనుంది.
హల్దీ, సంగీత్ వేడుకల్లో తారాజువ్వలు!
ఇప్పటివరకు ఒక్క ఫోటో కూడా రాకపోయినా లీకుల ద్వారా హోటల్ లో డెకరేషన్స్, అరేజ్మెంట్స్ ఫోటోలు మాత్రం బయటకు వచ్చాయి. అలాగే వీరి పెళ్లి ఫోటోలు బయటకు రాకుండా పెళ్లి వేడుకవద్దకు ఫోన్స్ ని అనుమతించట్లేదని సమాచారం. ఫ్యాన్స్ ఈ జంట పెళ్లి ఫోటోల కోసం ఎదురుచూస్తున్నారు. సందీప్ రెడ్డి వంగ, తరుణ్ భాస్కర్, ఈశారెబ్బ, శ్రావ్య వర్మ.. ఇలా పలువురు సెలబ్రిటీలు ఈ పెళ్ళికి హాజరయ్యారు.
మార్చి 4న హైదరాబాద్ లో గ్రాండ్ రిసెప్షన్!
ఎన్నో ఏళ్లుగా సైలెంట్ గా ప్రేమించుకున్న ఈ జంట ఇప్పుడు ఘనంగా పెళ్లి చేసుకోబోతుండటంతో ఫ్యాన్స్, నెటిజన్లు, పలువురు సెలబ్రిటీలు ఈ జంటకు శుభాకాంక్షలు చెప్తున్నారు. ఇక పెళ్లి తర్వాత రిసెప్షన్ మార్చి 4న హైదరాబాద్ బంజార్హిల్స్లోని తాజ్కృష్ణలో గ్రాండ్ గా జరగనుంది. ఈ వేడుకకు టాలీవుడ్, బాలీవుడ్ సినీ ప్రముఖులతో పాటు రాజకీయ నాయకులు కూడా హాజరు కానున్నారు.
విజయ్ రష్మికల పెళ్లి టాలీవుడ్ లో ఒక సంచలనం. వీరిద్దరూ ఎల్లప్పుడూ సంతోషంగా ఉండాలని మనస్పూర్తిగా కోరుకుందాం. మరిన్ని అప్డేట్స్ కోసం చూస్తూ ఉండండి.
