జీ తెలుగు ఛానెల్ బోనాల పండుగను పురస్కరించుకొని ‘బ్లాక్ బస్టర్ బోనాలు’ అనే ప్రత్యేక కార్యక్రమాన్ని రూపొందించింది. శ్రీకాంత్, ఆర్.కె.రోజా, మరియు ఇతర నటీనటులతో ఈ కార్యక్రమం సందడిగా సాగుతుంది.
Key Points
జీ తెలుగులో 'బ్లాక్ బస్టర్ బోనాలు' ప్రత్యేక కార్యక్రమం జూలై 20న.
శ్రీకాంత్, ఆర్.కె.రోజా నేతృత్వంలో జీ తెలుగు నటీనటుల పోటీలు.
జోగిని శ్యామలతో ఎల్లమ్మ కథను ప్రదర్శిస్తారు.
హాస్య సన్నివేశాలు, నృత్యాలు, పాటలతో వినోదభరిత కార్యక్రమం.
జీ తెలుగు బ్లాక్ బస్టర్ బోనాలు ప్రత్యేక ప్రసారం
వినోదభరితమైన కంటెంట్తో తెలుగు ప్రేక్షకులను అలరిస్తున్న ఛానల్ జీ తెలుగు. ఆసక్తికరమైన మలుపులతో సాగుతున్న సీరియల్స్తో పాటు సరికొత్త కాన్సెప్ట్స్తో నాన్ ఫిక్షన్ షోలతోనూ ప్రేక్షకులకు వినోదాన్ని అందిస్తోంది. ప్రత్యేక సందర్భాలను మరింత ప్రత్యేకంగా మలిచేందుకు ఎప్పుడూ ముందుండే జీ తెలుగు మరో ఈవెంట్తో సందడి చేయనుంది.
బోనాల సందర్భంగా మరో ప్రత్యేక కార్యక్రమంతో ప్రేక్షకుల ముందుకు రానుంది జీ తెలుగు. తెలంగాణ బోనాల సందర్భంగా ప్రత్యేక కార్యక్రమం ‘బ్లాక్బస్టర్ బోనాలు’ జూలై 20న ఆదివారం సాయంత్రం 6 గంటలకు జీ తెలుగులో ప్రసారం చేయనున్నారు.
జీ తెలుగు నటీనటుల ఆటపాటలు, అల్లరితో సందడిగా సాగిన ఈ కార్యక్రమానికి యాంకర్ రవి, వర్షిణి వ్యాఖ్యాతలుగా వ్యవహరించనున్నారు. సంప్రదాయం, సంస్కృతి మేళవింపుతో ఘనంగా జరిగే ఈ కార్యక్రమంలో కళాకారుల ప్రదర్శనలు, హాస్య సన్నివేశాలు, వినోదాత్మక స్కిట్లు, మధురమైన పాటలతోపాటు మరెన్నో వినోదం పంచే కార్యక్రమాలతో ఆకట్టుకోనున్నారు.
నటీనటుల ఆటపాటలు, హాస్య సన్నివేశాలు
జీ తెలుగులో ప్రసారమయ్యే మధ్యాహ్నం, ప్రైమ్టైమ్ సీరియల్స్ నటీనటులు అంతా హీరో శ్రీకాంత్ , సీనియర్ హీరోయన్, నటి ఆర్కే రోజా నాయకత్వంలో రెండు టీమ్స్గా ఏర్పడి పోటీపడనున్నారు. ఈ కార్యక్రమంలో జీ తెలుగు నటీనటులతోపాటు జోగిని శ్యామల దేవత ఎల్లమ్మ కథను హృదయాలకు హత్తుకునేలా ఆవిష్కరించనున్నారు.
“హగ్ చేస్కో, సాంగ్ గెస్ చేస్కో” అనే ఆటతో అంత్యాక్షరి ఆటతో ప్రేక్షకులను అలరిస్తారు. శ్రీకాంత్ తన సూపర్ హిట్ సినిమా “ప్రేయసిరావే”లోని గాజులు విసిరే సన్నివేశాన్ని పునఃసృష్టించనున్నారు. డ్రామా జూనియర్స్ పిల్లలు బాలకృష్ణ “అఖండ” పాత్రను హాస్యాస్పదంగా అనుకరించి కడుపుబ్బా నవ్వించనున్నారు.
ఎల్లమ్మ కథ, సంప్రదాయాలు, సంస్కృతి
రోజా చిరంజీవి శంకర్ దాదా పాత్రలో, శ్రీకాంత్ తన ఏటీఎం పాత్రలో అదరగొడుతూ పండుగ వాతావరణాన్ని మరింత ఉత్సాహభరితంగా మారుస్తారు. మధ్యాహ్నం, ప్రైమ్టైమ్ సీరియల్స్ హీరోయిన్ల మధ్య జరిగే నృత్య పోటీ వేదికను ఉర్రూతలూగిస్తుంది.
చిన్నారులు రాయన్ , కుషి తమ పాటలతో అందరి మనసులను గెలుచుకుంటారు. బోనాలు సందర్భంగా మహిళా కళాకారులకు గాజులు పంచడం తెలంగాణ సంప్రదాయాన్ని గుర్తుచేస్తుంది. వైభవంగా జరిగిన ఈ జీ తెలుగు బ్లాక్ బస్టర్ బోనాలు కార్యక్రమాన్ని మిస్ కాకుండా చూసేయండి అంటూ మేకర్స్ ప్రకటించారు.
జీ తెలుగు బ్లాక్ బస్టర్ బోనాలు కార్యక్రమం అద్భుతమైన వినోదాన్ని అందిస్తుంది. ఈ వైభవోపేతమైన కార్యక్రమాన్ని మిస్సవ్వకండి!
