2025లో తొలి 9 నెలలు భారతీయ సినీ పరిశ్రమకు మిశ్రమ ఫలితాలను అందించింది. టాలీవుడ్, బాలీవుడ్ సహా అన్ని ప్రధాన ఇండస్ట్రీల బాక్సాఫీస్ ప్రదర్శన, ఏ సినిమాలు భారీ వసూళ్లు రాబట్టి ఇండస్ట్రీని షేక్ చేశాయో ఈ ప్రత్యేక నివేదికలో చూడండి.
Key Points
2025లో 9 నెలల్లో 1214 సినిమాలు రిలీజ్ అయ్యి 8981.36 కోట్లు వసూలు చేశాయి.
బాలీవుడ్ 3235.54 కోట్లతో అగ్రస్థానంలో నిలిచింది; 'ఛావా' రూ. 807.6 కోట్లు రాబట్టింది.
టాలీవుడ్ నుంచి 206 చిత్రాలు 1540.81 కోట్లు వసూలు చేయగా, 'ఓజీ' రూ. 265 కోట్లు సాధించింది.
తమిళం 220 సినిమాలతో అత్యధిక చిత్రాలను విడుదల చేసింది; 'కూలీ' రూ. 510 కోట్లు వసూలు చేసింది.
ఇండియన్ బాక్సాఫీస్: 9 నెలల ట్రెండ్
2025లో 9 నెలలు పూర్తయ్యాయి. ఈ సమయంలో, వివిధ చిత్ర పరిశ్రమల నుంచి వేల సినిమాలు రిలీజ్ అయ్యాయి. కొన్ని బాక్సాఫీస్ వద్ద భారీ రికార్డులు సృష్టించగా, కొన్ని ఫ్లాప్ అయ్యాయి. ఈ క్రమంలో టాలీవుడ్ నుంచి బాలీవుడ్ వరకూ ఇండియన్ ఫిల్మ్ ఇండస్ట్రీ నుంచి నుంచి ఎన్ని సినిమాలు వచ్చి, ఎంత వసూలు చేశాయో చూద్దాం.
ప్రస్తుతం ఇండియన్ ఫిల్మ్ ఇండస్ట్రీలో టాప్ ప్లేస్ లో కొనసాగుతోంది టాలీవుడ్. భారీ బడ్జెట్ పాన్ ఇండియా సినిమాలు ఎక్కువగా తెలుగు నుంచే వస్తున్నాయి. తెలుగు పరిశ్రమ నుంచి ఈ 9 నెలల్లో 206 సినిమాలు రిలీజ్ అయ్యాయి. ప్రస్తుతం, ‘ఓజీ’ సినిమా బాక్సాఫీస్ను షేక్ చేస్తోంది. అన్ని సినిమాలు కలిసి 1540.81 కోట్లు వసూలు చేశాయి. ఇందులో పవన్ కళ్యాణ్ ‘ఓజీ’ సినిమా ఇప్పటి వరకూ 265 కోట్లు రాబట్టింది.
2025లో జనవరి నుంచి సెప్టెంబర్ వరకు, 9 నెలల్లో, హిందీ పరిశ్రమ నుంచి 189 సినిమాలు వచ్చాయి. ఇవి బాక్సాఫీస్పై భారీగా ప్రభావం చూపాయి. అన్ని సినిమాలు కలిసి 3235.54 కోట్లు వసూలు చేశాయి. అత్యధికంగా ‘ఛావా’ సినిమా 807.6 కోట్లు రాబట్టింది.
ఏ ఇండస్ట్రీ ఎంత రాబట్టింది?
గడిచిన 9 నెలల్లో కన్నడ పరిశ్రమ నుంచి 183 సినిమాలు రిలీజ్ అయ్యాయి. బాక్సాఫీస్పై వాటి ప్రభావం గట్టిగానే చూపించింది. ఈ సినిమాలన్నీ కలిపి 406.81 కోట్లు వసూలు చేశాయి. ఇందులో ‘మహావతార్ నరసింహ’ సినిమా .326.48 కోట్లు రాబట్టింది.
మలయాళ పరిశ్రమ నుంచి గడిచిన 9 నెలల్లో 149 సినిమాలు వచ్చాయి. కొన్ని సినిమాలు ఇంకా బాక్సాఫీస్ వద్ద నిలకడగా ఉన్నాయి. అన్ని సినిమాలు కలిసి రూ.716.5 కోట్లు వసూలు చేశాయి. ఇందులో ‘లోகா’ సినిమా రూ.280 కోట్లు రాబట్టింది.
టాప్ వసూళ్లు సాధించిన సినిమాలు, హీరోలు
2025లో గడిచిన 9 నెలల్లో, తమిళ పరిశ్రమ నుంచి అత్యధికంగా 220 సినిమాలు వచ్చాయి. కొన్ని భారీ విజయాలు సాధించాయి. అన్ని సినిమాలు కలిసి రూ.1214.91 కోట్లు వసూలు చేశాయి. ఇందులో రజినీకాంత్ ‘కూలీ’ సినిమా 510 కోట్లు రాబట్టింది.
9 నెలల్లో అన్ని పరిశ్రమలు కలిసి, 2025లో 1214 సినిమాలు రిలీజ్ అయ్యాయి. బాక్సాఫీస్ దగ్గర వసూళ్ల పరంగా 8981.36 కోట్లు వసూలు చేశాయి. ఇక మొత్తంగా ఇంకా మూడు నెలల టైమ్ ఉంది. ఈలోపు ఎన్నిసినిమాలు వస్తాయి. 2025 లో లో కలెక్షన్లు పరంగా కింగ్ ఎవరు అనేది చూడాలి.
గడిచిన 9 నెలల్లో భారతీయ సినీ పరిశ్రమలు భారీగా వసూళ్లను రాబట్టాయి. 2025లో బాక్సాఫీస్ కింగ్ ఎవరు అనే చర్చను ఈ ఫలితాలు మరింత పెంచాయి. మిగిలిన మూడు నెలలు మరింత ఆసక్తికరంగా మారనున్నాయి.
