515 కోట్ల రూపాయలకు పైగా కలెక్షన్స్ సాధించిన సూపర్ హిట్ యాక్షన్ థ్రిల్లర్ ‘కూలీ’ సినిమా ఇవాళ ఓటీటీలో విడుదల అవుతోంది. రజనీకాంత్, నాగార్జున, ఉపేంద్ర, అమీర్ ఖాన్ ల నటనతో ఈ సినిమా ప్రేక్షకులను అలరించడానికి సిద్ధమైంది.
Key Points
515 కోట్లకు పైగా గ్రాస్ కలెక్షన్స్ సాధించిన సూపర్ హిట్!
రజనీకాంత్, నాగార్జున, ఉపేంద్ర, అమీర్ ఖాన్ ల నటన!
అమెజాన్ ప్రైమ్ లో ఇవాళ నుండి స్ట్రీమింగ్!
తెలుగు, తమిళం, మలయాళం, కన్నడ భాషల్లో అందుబాటులో!
కూలీ: బాక్సాఫీస్ వద్ద సంచలన విజయం
ఓటీటీలోకి ఇవాళ సూపర్ హిట్ యాక్షన్ థ్రిల్లర్ సినిమా డిజిటల్ స్ట్రీమింగ్కు వచ్చేసింది. ఆ సినిమాలో ఏకంగా నలుగురు హీరోలు నటించారు. అంతేకాకుండా ఈ సినిమా బాక్సాఫీస్ వద్ద ఏకంగా రూ. 515 కోట్ల కలెక్షన్స్ కొల్లగొట్టింది. అలాంటి బ్లాక్ బస్టర్ హిట్ సినిమా ఇవాళ ఓటీటీ స్ట్రీమింగ్ అవుతుంది. మరి ఆ సినిమా, ఓటీటీ ప్లాట్ఫామ్ వివరాలు ఇక్కడ తెలుసుకుందాం.
ఇప్పుడు మనం చెప్పుకుంటున్న సినిమా పేరు కూలీ . సూపర్ స్టార్ రజనీకాంత్, కింగ్ నాగార్జున, ఉపేంద్ర, అమీర్ ఖాన్ వంటీ నలుగురు స్టార్ హీరోలు నటించిన కూలీ సినిమాకు ఖైదీ 2, విక్రమ్, లియో ఫేమ్ లోకేష్ కనగరాజ్ దర్శకత్వం వహించారు. అంతేకాకుండా ఈ మూవీలో సౌబిన్ షాహిర్, సత్యరాజ్ వంటి పాపులర్ యాక్టర్స్ కూడా ఉన్నారు.
నలుగురు స్టార్ హీరోల కలయిక
ఇవే కాకుండా బుట్టబొమ్మ పూజా హెగ్డే స్పెషల్ సాంగ్, శ్రుతి హాసన్, రెబా మోనికా జాన్ కీలక పాత్రలు కూలీపై అంచనాలను పెంచేశాయి. సన్ పిక్చర్స్ బ్యానర్పై నిర్మాత కళానిధి మారన్ కూలీ మూవీని నిర్మించారు. అనిరుధ్ రవిచందర్ సంగీతం అందించిన కూలీ సినిమా ఆగస్ట్ 14న గ్రాండ్గా థియేట్రికల్ రిలీజ్ అయింది.
అయితే, థియేట్రికల్ రిలీజ్ అయిన తర్వాత కూలీ సినిమాకు మొదట మిక్స్డ్ టాక్ వచ్చింది. కానీ, బాక్సాఫీస్ వద్ద కలెక్షన్స్ పరంగా మాత్రం దూసుకుపోయింది. అలా మొత్తంగా వరల్డ్ వైడ్గా రూ. 515 కోట్ల గ్రాస్ కలెక్షన్స్ రాబట్టింది కూలీ చిత్రం. అయితే, కూలీ సినిమాకు రూ. 350 కోట్ల వరకు బడ్జెట్ పెట్టినట్లు సమాచారం.
అమెజాన్ ప్రైమ్ లో ఓటీటీ ప్రసారం
300 బడ్జెట్కు 515 కోట్ల రాబట్టిన కూలీ సినిమా సూపర్ హిట్ చిత్రంగా నిలిచింది. తాజాగా ఈ యాక్షన్ థ్రిల్లర్ కూలీ ఓటీటీ లోకి వచ్చేసింది. ఇవాళ్టీ (సెప్టెంబర్ 11) నుంచి అమెజాన్ ప్రైమ్లో కూలీ ఓటీటీ స్ట్రీమింగ్ అవుతోంది. అది కూడా నాలుగు భాషల్లో. తెలుగు, తమిళం, మలయాళ, కన్నడ వంటి 4 భాషల్లో ప్రైమ్ వీడియోలో కూలీ ఓటీటీ రిలీజ్ అయింది.
ఇదిలా ఉంటే, కూలీ సినిమాకు ఐఎమ్డీబీ నుంచి పదికి 6.4 రేటింగ్ లభించింది. కూలీ సినిమాలో స్టార్ యాక్టర్స్ ఉన్నప్పటికీ స్టోరీ మాత్రం రెగ్యులర్ టెంప్లేట్లో ఉందని, అంత గ్రిప్పింగ్గా నెరేషన్ లేదని మిక్స్డ్ టాక్ వచ్చింది. కానీ, యాక్షన్ సీన్స్, రజనీకాంత్ పర్ఫామెన్స్, విలన్గా నాగార్జున అదరగొట్టారని పాజిటివ్ రివ్యూ స్ వచ్చాయి.
మొత్తంమీద, ‘కూలీ’ సినిమా ఓటీటీలో విడుదలై అభిమానులను అలరించడానికి సిద్ధమైంది. స్టార్ నటీనటులతో పాటు, యాక్షన్ సన్నివేశాలు కూడా ప్రేక్షకులను ఆకట్టుకుంటాయని అంచనా.
