‘మ్యాడ్’ సినిమా నటి అనంతిక ప్రధాన పాత్రలో నటిస్తున్న ‘8 వసంతాలు’ చిత్రం నుంచి కొత్త పోస్టర్ విడుదలైంది. ఈ పోస్టర్లో అనంతిక అందం వెనుక దాగి ఉన్న కోపాన్ని చూపిస్తుంది. జూన్ 20న విడుదల కానున్న ఈ సినిమాకు ప్రమోషన్స్ జోరందుకున్నాయి.
Key Points
‘8 వసంతాలు’ సినిమాకు ట్రైలర్ అప్డేట్!
అనంతిక పవర్ఫుల్ పోస్టర్ విడుదల!
అందం వెనుక దాగిన కోపం.. భావోద్వేగ తుఫానుకు సిద్ధం కాండి!
పవర్ఫుల్ పోస్టర్ విడుదల
మ్యాడ్(Mad) సినిమాతో మంచి పేరు తెచ్చుకున్న హీరోయిన్ అనంతిక సనీల్ కుమార్(Ananthika Sanilkumar) ప్రధాన పాత్రలో నటిస్తున్న చిత్రం ‘8 వసంతాలు’(8 Vasanthalu). ఫణీంద్ర నర్సెట్టి(Phanindra Narsetti) దర్శకత్వం వహిస్తున్న ఈ సినిమాను మైత్రీ మూవీ మేకర్స్(Mythri Movie Makers) నిర్మించారు. ఈ చిత్రంలో రవితేజ దుగ్గిరాల, హను రెడ్డి, కన్న పసునూరి కీలక పాత్రల్లో నటిస్తున్నారు. ఇప్పటికే ఈ చిత్రం నుంచి రిలీజైన పోస్టర్స్, టీజర్ ప్రేక్షకులను విశేషంగా ఆకట్టుకున్నాయి. కాగా జూన్ 20 న ఈ సినిమా ప్రేక్షకుల ముందుకు రానుంది.
అనంతిక సీరియస్ లుక్
అయితే రిలీజ్ డేట్ దగ్గరపడుతుండటంతో ప్రమోషన్స్ మొదలుపెట్టిన మేకర్స్ వరుసగా అప్డేట్స్ ఇస్తున్నారు. ఈ క్రమంలో తాజాగా ట్రైలర్ అప్డేట్ ఇస్తూ హీరోయిన్ పవర్ఫుల్ పోస్టర్ రిలీజ్ చేశారు. ఇందులో భాగంగా .. ఆమె అందం వెనుక, అసాధారణమైన కోపం & కోరిక దాగి ఉంది.. భావోద్వేగ తుఫానుకు సిద్ధంగా ఉండండి. జూన్ 15న 8 వసంతాలు ట్రైలర్ విడుదల కాబోతుంది’ అని రాసుకొచ్చారు.
ట్రైలర్ రిలీజ్ డేట్
ఇక పోస్టర్లో అనంతిక గ్రే కలర్ ప్యాంట్ అండ్ షర్ట్ వేసుకుని పోనిటెల్ వేసుకుంది. అలాగే ఓ చేతిలో బ్యాగ్ పట్టుకుని ముఖం మీద గాయాలతో, చేతిపై రక్తపు మరకలతో చూడటానికి చాలా సీరియస్ లుక్లో కనిపించింది. ఇక ఆమెకు రైట్ సైడ్లో కాళిక అమ్మవారు చాలా కోపంగా నాలుక బయటపెట్టి చూస్తుంది. ప్రస్తుతం ఈ పోస్టర్ సినిమాపై మరింత క్యూరియాసిటీని పెంచేసింది.
అనంతిక నటనతో పాటు, సినిమాలోని భావోద్వేగం ప్రేక్షకులను ఆకట్టుకుంటుందని ఈ పోస్టర్ సూచిస్తోంది. జూన్ 15న విడుదలయ్యే ట్రైలర్తో మరిన్ని వివరాలు తెలుస్తాయి.
