📌 Key Points
- పూణేలో కాబోయే భర్తను హత్య చేసిన కేసులో ప్రియురాలు సియా, ఆమె ప్రియుడు చేతన్ అరెస్ట్.
- నిశ్చితార్థం రద్దుకు నిరాకరించడంతో కేతన్ను హత్య చేసినట్లు చేతన్ ఒప్పుకోలు.
- జూన్ 14న ఒకసారి హత్యకు విఫల యత్నం, జూన్ 18న పక్కా పథకంతో హత్య.
- సీసీటీవీ దృశ్యాలు, సియా ప్రవర్తనతో కుటుంబ సభ్యులకు అనుమానం, పోలీసులకు ఫిర్యాదు.
పూణేలో సంచలనం సృష్టించిన హత్య కేసులో దిగ్భ్రాంతికర విషయాలు వెలుగులోకి వచ్చాయి. నిశ్చితార్థం రద్దుకు నిరాకరించిన కాబోయే భర్త కేతన్ను, ప్రియుడితో కలిసి యువతి సియా అగర్వాల్ హత్య చేసినట్లు పోలీసులు గుర్తించారు. ఈ ఘటన దేశవ్యాప్తంగా చర్చనీయాంశంగా మారింది.
హత్యకు దారితీసిన కారణాలు: నిశ్చితార్థం రద్దు
పూణేలోని లోహగడ్ కోట వద్ద కాబోయే భర్తను యువతి హత్య చేసిన కేసులో కీలక విషయాలు వెలుగులోకి వచ్చాయి. కాబోయే భార్య సియా అగర్వాల్, ఆమె ప్రియుడు చేతన్ చౌదరిని పోలీసులు అరెస్ట్ చేసి విచారిస్తున్నారు. విచారణలో పెళ్లి ఇష్టం లేకపోతే పారిపోవచ్చు కదా ఎందుకు చంపేశారు అని పోలీసులు చేతన్ని ప్రశ్నించారు. దానికి అతడు.. సియా నిశ్చితార్థాన్ని రద్దు చేసుకుని తనతో పారిపోయేందుకు సిద్ధంగా లేదని చెప్పాడు. అలా చేస్తే తమ కుటుంబానికి అవమానం అని భావించిందని అన్నాడు.
పక్కా ప్లాన్తో హత్య: పోలీసుల విచారణలో నిజాలు
అందువల్లే కేతన్ ను చంపాలని నిర్ణయించినట్టు తెలిపాడు. విచారణలో మరిన్ని నిజాలు బయటపడ్డాయి. జూన్ 14న సైతం సియా కేతన్ ను లోయలోకి తోసేందుకు ప్రయత్నించింది. కానీ అతడు చెట్ల కొమ్మలను పట్టుకుని కిందపడకుండా ఆగిపోయాడు. నన్ను ఎందుకు తోశావ్ అని ప్రశ్నించగా.. పాము వచ్చింది అంటూ అతడిని కాపాడినట్టు నమ్మించింది. ఇక జూన్ 18న మరోసారి సియా తన ప్రియుడు ఓ కేఫ్ లో కలుసుకున్నారు. ఆ సమయంలో హత్య ఎలా చేయాలని పక్కా పథకం రచించారు.
సీసీటీవీ దృశ్యాలు, కుటుంబ సభ్యుల అనుమానాలు
ముందుగానే తోసేయడానికి అనువుగా ఉండే ప్రదేశాలు ఏవి అక్కడకు ఎలా తీసుకువెళ్లాలి అని నిర్ణయించారు. అదే రోజు ప్రియుడు చేతన్ చౌదరి కూడా జంటను అనుసరిస్తూ వారి వెంటనే వెళ్లాడు. తన ప్రియురాలికి సైగలు చేస్తున్న దృశ్యాలు సీసీ టీవీలో రికార్డ్ అయ్యాయి. మరోవైపు కేతన్ మరణించిన తరవాత సియాలో బాధ కనిపించకపోవడం, ఆమె పదే పదే లోహగడ్ కోట వద్దకు రావాలని అతడిని పిలిపించడంతో కుటుంబ సభ్యులకు అనుమానం కలిగింది. ఈ నేపథ్యంలోనే వాళ్లు పోలీసులకు ఫిర్యాదు చేయగా కేసులు నమోదు చేసి తమ స్టైల్ లో విచారించగా అసలు నిజాలు బయటపడ్డాయి.
ఈ కేసులో పక్కా పథకంతో జరిగిన హత్య, నిందితుల నిర్లక్ష్యపు ప్రవర్తన సమాజంలో ఆందోళన కలిగిస్తున్నాయి. ప్రేమ, సంబంధాల పేరిట జరుగుతున్న నేరాలపై తీవ్ర చర్చకు దారితీసింది. పోలీసులు లోతైన విచారణ జరుపుతున్నారు.
