కిరణ్ అబ్బవరం హీరోగా నటించిన ‘కె ర్యాంప్’ ట్రైలర్ విడుదలైంది. యూత్ ఆడియన్స్ ను ఆకట్టుకునేలా ఉన్న ఈ ట్రైలర్ మాస్, రొమాన్స్, కామెడీ అంశాలతో నిండి ఉంది. దీపావళికి రానున్న ఈ సినిమాపై అంచనాలు పెంచుతోంది.
Key Points
కిరణ్ అబ్బవరం నటించిన 'కె ర్యాంప్' ట్రైలర్ యూత్ను ఆకట్టుకుంటోంది.
కుమార్ పాత్రలో కిరణ్ అబ్బవరం 'రిచెస్ట్ చిల్లర్ గాయ్'గా కనిపించనున్నాడు.
ట్రైలర్లో యాక్షన్, రొమాన్స్, కామెడీ, మాస్ అంశాలు ప్రధానంగా ఉన్నాయి.
'కె ర్యాంప్' దీపావళి కానుకగా అక్టోబర్ 18న విడుదల కానుంది.
కె ర్యాంప్ ట్రైలర్ హైలైట్స్
గతేడాది ‘క’ సినిమాతో సంచలన విజయాన్ని అందుకున్నాడు కిరణ్ అబ్బవరం. ఆ తర్వాత దిల్ రూబా అంటూ లవ్ స్టోరీ చేశాడు. ఇప్పుడు ‘కె ర్యాంప్’తో ఆడియన్స్ కు ఫుల్ ఎంటర్ టైన్మెంట్ అందించేందుకు వచ్చేస్తున్నాడు. ఇవాళ (అక్టోబర్ 12) రిలీజైన ట్రైలర్ ఆడియన్స్ కు బాగా కనెక్ట్ అవుతోంది. ముఖ్యంగా యూత్ ఆడియన్స్ ను తెగ అట్రాక్ట్ చేసేలా ఉంది.
కిరణ్ అబ్బవరం అప్ కమింగ్ యూత్ రొమాంటిక్ కామెడీ మూవీ ‘కె ర్యాంప్’ ట్రైలర్ శనివారం రిలీజైంది. ఇది యాక్షన్, రొమాన్స్, కామెడీ ఇలా అన్ని అంశాలు కలగలిసిని పూర్తి కమర్షియల్ సినిమాగా అనిపిస్తోంది. ‘‘కాళ్లు ఊపకూడదు దరిద్రం’’ అని బామ్మ అంటే.. ‘‘నేను ఊపట్లేదు బామ్మ నా గర్ల్ ఫ్రెండ్ ను తలుచుకుంటే వాటికవే ఊగుతున్నాయి’’అని హీరో అనడంతో ట్రైలర్ ప్రారంభమవుతుంది. ఎంసెట్ ఎగ్జామ్ రాయలేదంట కదా అంటే తాగి పడిపోవాల్సి వచ్చిందంటాడు.
కిరణ్ అబ్బవరం కుమార్ పాత్ర
కె ర్యాంప్ సినిమాలో ‘రిచెస్ట్ చిల్లర్ గాయ్’గా కుమార్ పాత్రలో కనిపించనున్నాడు కిరణ్ అబ్బవరం . తాగడం, అల్లరి చేయడం, గొడవలు చేయడం కనిపించింది ట్రైలర్ లో. అబ్బవరం ఇస్తా వరం అంటూ వెంటపడుతున్నాడని హీరోయిన్ చెప్పడం వైరల్ గా మారింది. లవ్ చేస్తే లైఫ్ ఇస్తాననే వరమిచ్చా సర్ అని అంటాడు కుమార్.
ట్రైలర్ మధ్యలో రొమాన్స్ కూడా అదిరిపోయింది. మధ్యలో లిప్ కిస్ కూడా ఉంది. ఆ తర్వాత హీరోయిన్ అబ్ నార్మల్ గా బిహేవ్ చేయడం.. బెదిరించి మరీ ఐలవ్యూ టూ చెప్పించుకుంటుంది. యాక్షన్ సీక్వెన్స్ కూడా అలరించేలా ఉన్నాయి. చివరకు కళ్లు మింగాయా అవి కన్నీళ్లే అని కుమార్ క్యారెక్టర్ చెప్పడంతో ట్రైలర్ ముగుస్తుంది. కె ర్యాంప్ ట్రైలర్ చూస్తే కిరణ్ అబ్బవరం మరోసాని తనదైన స్టైల్ కామెడీ, యాక్షన్ తో అదరగొట్టాడని తెలుస్తోంది.
సినిమా విడుదల తేదీ, ఇతర వివరాలు
రిచెస్ట్ పర్సన్ కొడుకైన కుమార్ కేరళలో కాలేజీలో జాయిన్ అవుతాడు. అక్కడ మెస్సీతో ప్రేమలో పడతాడు. ఆ తర్వాత హీరోయిన్ అబ్ నార్మల్ గా బిహేవ్ చేస్తుంది. మరి చివరకు ఏమైంది? హీరోయిన్ అలా ఎందుకు ప్రవర్తిస్తుంది? లవ్ స్టోరీలో వచ్చే ట్విస్ట్ లు ఏంటో తెలుసుకోవాలంటే కె ర్యాంప్ మూవీ చూడాలి. దీపావళి పండగ సందర్భంగా అక్టోబర్ 18న ఈ సినిమా రిలీజ్ కానుంది.
ఈ సినిమాతో జైన్స్ నాని డైరెక్టర్ గా డెబ్యూ చేస్తున్నాడు. చెన్నై అందం యుక్తి తరేజా హీరోయిన్. కె ర్యాంప్ మూవీలో నరేష్, సాయి కుమార్, వెన్నెల కిశోర్, మురళీధర్ గౌడ్, అలీ తదితరులు నటించారు.
మొత్తంగా, ‘కె ర్యాంప్’ ట్రైలర్ చూస్తుంటే కిరణ్ అబ్బవరం మరోసారి ప్రేక్షకులను అలరించడానికి సిద్ధంగా ఉన్నాడని తెలుస్తోంది. యాక్షన్, రొమాన్స్, కామెడీ కలగలిసిన ఈ చిత్రం దీపావళికి తప్పకుండా చూడదగినది.
