తెలుగు సినిమా నటుడు శ్రీకాంత్ డ్రగ్స్ కేసులో అరెస్టయ్యాడు. చెన్నై పోలీసులు అతన్ని విచారించి, కొకైన్ వాడకం నిర్ధారించారు. అతనికి కోర్టు రిమాండ్ విధించింది.
Key Points
నటుడు శ్రీకాంత్ డ్రగ్స్ కేసులో అరెస్ట్.
కొకైన్ వాడటం రక్త పరీక్షలలో నిర్ధారణ.
జూలై 7 వరకు రిమాండ్ విధించారు కోర్టు.
శ్రీకాంత్ అరెస్టు
తమిళ, తెలుగు సినిమాల్లో శ్రీరామ్గా పేరుగొన్న నటుడు శ్రీకాంత్ (Actor Srikanth) డ్రగ్స్ కేసు అరెస్టు (Arrest in drug case) అయిన విషయం తెలిసిందే. ఆయనను జూన్ 23న చెన్నైలోని నుంగంబాక్కం పోలీసులు అరెస్టు చేశారు. ఈ కేసు మాజీ AIADMK ఐటీ విభాగం సభ్యుడు T. ప్రసాద్తో ముడిపడి ఉంది. ఆయన శ్రీకాంత్కు కొకైన్ సరఫరా చేసినట్లు ఆరోపణలు ఉన్నాయి. దీంతో మంగళవారం నటుడు శ్రీరామ్ ను పోలీసు విచారించగా.. కీలక విషయాలు వెలుగులోకి వచ్చాయి. 9 గంటలకు పైగా విచారించారు. రాజీవ్ గాంధీ ప్రభుత్వ ఆసుపత్రిలో ఆయనకు రక్త పరీక్షలు చేయగా.. కొకైన్ వాడినట్లు నిర్ధారణ అయింది.
ప్రసాద్తో పాటు ఇతర డ్రగ్ పెడ్లర్ల నుంచి శ్రీకాంత్ 40 సార్లు గ్రాముకు ₹12,000 చొప్పున కొకైన్ కొనుగోలు చేసి, మొత్తం ₹4.72 లక్షలు Google Pay ద్వారా చెల్లించినట్లు డిజిటల్ ఆధారాలు బయటపడ్డాయి. అలాగే.. అన్నాడీఎంకే మాజీ నేత ప్రసాద్ నాకు మత్తు పదార్ధాలను అలవాటు చేశారు. ఆయన నాకు రూ. 10 లక్షలు ఇవ్వాల్సి ఉంది. ఈ క్రమంలో నగదు అడిగినప్పుడల్లా ఆయన కొకైన్ ఇచ్చేవారు. మూడోసారి నేనే అడిగే పరిస్థితి ఏర్పడింది అంటూ పోలీసులకు వెల్లడించారు. అనంతరం పోలీసులు ఆయనను కోర్టులో హాజరు పరచగా.. డ్రగ్స్ ఉపయోగించి పెద్ద తప్పు చేశానని ఒప్పుకున్నాడు. దీంతో కోర్టు ఆయనకు జూలై 7 వరకు రిమాండ్ విధించడంతో పోలీసులు నటుడు శ్రీరామ్ ను స్థానిక జైలుకు తరలించారు.
రక్త పరీక్షల నిర్ధారణ
కోర్టు తీర్పు
నటుడు శ్రీకాంత్ తన తప్పును ఒప్పుకుని, కోర్టు రిమాండ్ విధించింది. ఈ ఘటన తెలుగు సినీ పరిశ్రమలో సంచలనం సృష్టించింది.
