ఆదిపురుష్ సినిమా భారీగా విఫలమైన తర్వాత దర్శకుడు ఓం రౌత్ తన అనుభవాలను పంచుకున్నారు. ట్రోలింగ్, మానసిక ఒత్తిడి, కాన్ఫిడెన్స్ కోల్పోవడం వంటి అంశాల గురించి ఆయన వివరించారు. ఈ కష్టకాలంలో ఆయనకు ఎలాంటి మద్దతు లభించిందో కూడా తెలుసుకుందాం.
Key Points
ఆదిపురుష్ సినిమా ఫెయిల్యూర్ తర్వాత ఓం రౌత్ ఎదుర్కొన్న ఇబ్బందులు
ట్రోలింగ్ వల్ల కలిగిన మానసిక బాధలు, కాన్ఫిడెన్స్ కోల్పోవడం
కుటుంబం, స్నేహితుల సపోర్ట్ ద్వారా అధిగమించిన సవాళ్లు
వైఫల్యం నుండి నేర్చుకోవడం, భవిష్యత్తులో మెరుగైన పనితనంపై దృష్టి
ఆదిపురుష్ వైఫల్యం తర్వాత ఓం రౌత్ ఇబ్బందులు
ఆదిపురుష్ మూవీ ఫెయిల్యూర్ తర్వాత తాను ఎదుర్కొన్న ఇబ్బందులు, ఆ సినిమా వైఫల్యంపై చాలా రోజుల తర్వాత డైరెక్టర్ ఓం రౌత్ స్పందించాడు. ఈ సినిమా తీసిన తీరుపై పెద్ద ఎత్తున విమర్శలు వచ్చాయి. ఎంతో మంది అతన్ని దారుణంగా ట్రోల్ చేశారు. వాటి వల్ల తాను ఎలాంటి బాధలు అనుభవించానో తాజాగా ఓ ఇంటర్వ్యూలో అతడు చెప్పాడు.
ప్రభాస్ రాముడిగా నటించిన ఆదిపురుష్ మూవీ డైరెక్టర్ ఓం రౌత్ ఓ బాలీవుడ్ న్యూస్ పోర్టల్ తో మాట్లాడాడు. ఆ సినిమా గురించి అతడు ఏమన్నాడో చూడండి. “నిజాయతీగా చెప్పాలంటే నాకు ఎలాంటి సలహా ఇవ్వలేనని అనుకుంటున్నాను. చాలా కష్టంగా అనిపించింది.
ట్రోలింగ్ ప్రభావం మరియు మానసిక ఒత్తిడి
కావాలని ఎవరూ తప్పులు చేయరు. తప్పులు జరిగిపోతాయి. విజయం ఎంతో నేర్పిస్తుంది కానీ వైఫల్యం మరింత ఎక్కువ నేర్పుతుంది. ఆ తప్పుల నుంచి నేర్చుకోవడం, అవి మళ్లీ జరగకుండా చూడటం ద్వారా వాటి నుంచి బయటపడవచ్చు. అదొక్కటే మనకు మిగిలి ఉండే ఆశ” అని అతడు అన్నాడు.
ఆదిపురుష్ ట్రోలింగ్ తనను ఎంతలా ఇబ్బంది పెట్టిందో కూడా వివరించాడు. “అది ఎమోషనల్ గా మనల్ని బ్రేక్ చేస్తుంది. మన కంటే ఎక్కువగా మన కుటుంబాన్ని, టీమ్ సభ్యులను, మన చుట్టూ ఉన్న వాళ్లను బ్రేక్ చేస్తుంది. కాన్ఫిడెన్స్ కోల్పోయాను. దానిని తిరిగి పొందడానికి పని చేయాలి. మంచి పని చేయడం ద్వారా ఇలాంటి వాటిని అధిగమించవచ్చు.
కుటుంబం, స్నేహితుల మద్దతు మరియు భవిష్యత్తు ప్రణాళికలు
అసలు ఎలా తట్టుకున్నానో నాకు తెలియదు. నా కుటుంబం, స్నేహితులు, నా సన్నిహిత టీమ్ సభ్యులు ఇచ్చిన సపోర్ట్ వల్లే అధిగమించాను” అని ఓం రౌత్ అన్నాడు. ఓం రౌత్ ఈ మధ్యే నెట్ఫ్లిక్స్ లో వచ్చిన ఇన్స్పెక్టర్ జెండె మూవీని ప్రొడ్యూస్ చేశాడు. ఈ సినిమాకు మాత్రం ఓటీటీలో మంచి రెస్పాన్స్ వస్తోంది.
ఇక ఆదిపురుష్ విషయానికి వస్తే మేకర్స్ కు ఆ సినిమా భారీ నష్టాలనే మిగిల్చింది. రామాయణాన్ని ఓం రౌత్ తెరపై చూపించిన విధానంపై తీవ్ర విమర్శలు వచ్చాయి. మొదటి రోజే భారీ ఓపెనింగ్స్ వచ్చినా.. ఆ తర్వాత ఒక్కసారిగా కుప్పకూలిపోయింది.
ఆదిపురుష్ పరాజయం ఓం రౌత్ను లోతుగా కలచివేసిందని, కానీ ఆయన కుటుంబం, స్నేహితుల మద్దతుతో అధిగమించే ప్రయత్నం చేస్తున్నారని తెలుస్తుంది. వైఫల్యం నుండి నేర్చుకుని, మెరుగైన పనితనంపై దృష్టి పెట్టాలని ఆయన భావిస్తున్నారు.
