📌 Key Points
- ఏఐ టెక్నాలజీ భారత మహిళలకు, గిగ్ వర్కర్లకు సరికొత్త ఉపాధిని చూపుతోంది.
- తలపై కెమెరాలతో రోజువారీ పనులను రికార్డ్ చేస్తూ గంటకు రూ.250 సంపాదిస్తున్నారు.
- హోమ్ రోబోటిక్స్ ప్రాజెక్టుల కోసం ‘ఫస్ట్ పర్సన్’ డేటా సేకరిస్తున్నారు.
- ఈ జాబ్ చేసేందుకు చదువు, స్కిల్స్ పెద్దగా అవసరం లేదు.
ప్రపంచవ్యాప్తంగా ఏఐ ఉద్యోగాలను తొలగిస్తున్నప్పటికీ, భారత మహిళలకు మాత్రం సరికొత్త ఉపాధి అవకాశాలను సృష్టిస్తోంది. తలపై కెమెరాలను ధరించి, రోజువారీ పనులను రికార్డ్ చేస్తూ గంటకు రూ.250 సంపాదిస్తున్నారు. ఇది హోమ్ రోబోటిక్స్ అభివృద్ధికి కీలకమైన డేటాను అందిస్తోంది.
ఏఐతో భారత మహిళలకు కొత్త ఉపాధి
ఆర్టిఫిషియల్ ఇంటెలిజెన్స్ (AI)తో ప్రపంచవ్యాప్తంగా సాఫ్ట్వేర్ ఉద్యోగుల ఉద్యోగాలు ఊడుతుంటే.. అదే ఏఐ టెక్నాలజీ భారత మహిళలు, గిగ్ వర్కర్లకు సరికొత్త ఉపాధిని చూపుతోంది. రోబోలు భవిష్యత్తులో మనుషుల్లాగే ఇంటి పనులు (Chores) చేయడానికి వీలుగా వాటికి శిక్షణ ఇచ్చేందుకు భారత్కు చెందిన వందలాది మంది మహిళలు, కార్మికులు కొత్త తరహాలో పనులు చేస్తున్నారు. ఏకంగా తలపై కెమెరాలను ధరించి, తాము చేసే రోజువారీ పనులను రికార్డ్ చేస్తూ వారు గంటకు 3 డాలర్లు అంటే భారత కరెన్సీలో రూ.250 వరకు సంపాదిస్తున్నారు.
రోబోల కోసం ‘ఫస్ట్ పర్సన్’ డేటా సేకరణ
తలపై కెమెరాలతో డేటా సేకరణ
ప్రముఖ ఏఐ స్టార్టప్లు, పరిశోధనా సంస్థలు తమ హోమ్-రోబోటిక్స్ (Home Robotics) ప్రాజెక్టుల కోసం ఈ తరహా డేటాను సేకరిస్తున్నాయి. ఇందులో భాగంగా భారతీయ కార్మికులు తమ తలపై ప్రత్యేకమైన గోప్రో (GoPro) లేదా స్మార్ట్ కెమెరాలను అమర్చుకుంటారు. వారు ఇల్లు ఊడవడం, తుడవడం, పాత్రలు కడగడం, వంట చేయడం, కూరగాయలు కోయడం వంటి పనులను చేస్తుంటారు. కెమెరాలు వారు చేసే ప్రతి కదలికను, వస్తువులను పట్టుకునే విధానాన్ని ‘ఫస్ట్-పర్సన్ పర్స్పెక్టివ్’ (First-Person Perspective) లో ఖచ్చితంగా రికార్డ్ చేస్తాయి. ఈ దృశ్యాలను విశ్లేషించడం ద్వారా రోబోలు మనుషుల లాగే పనులను ఎలా చేయాలో నేర్చుకుంటాయి.
గ్రామాలు, పట్టణాల్లో యమ డిమాండ్..
గ్రామీణ, పట్టణ ప్రాంతాల్లో పెరుగుతున్న డిమాండ్
దేశంలో ఈ రకమైన పార్ట్ టైమ్, గిగ్ (Gig) వర్క్కు డిమాండ్ వేగంగా పెరుగుతోంది. ఈ జాబ్ చేసేందుకు చదువు, స్కిల్స్ పెద్దగా అక్కర్లేదు. కేవలం తమ రోజువారీ పనులను రికార్డ్ చేయడం ద్వారా సులభంగా డబ్బు సంపాదిస్తున్నారు. గంటకు రూ. 250 చొప్పున రోజుకు కొన్ని గంటలు కేటాయించడంతో ఎంతో కోంత డబ్బు వెనకేసుకుంటున్నారు. అయితే, ఏఐ అభివృద్ధి చెందాలంటే కేవలం సాఫ్ట్వేర్ ఇంజనీర్లు మాత్రమే కాదు, క్షేత్రస్థాయిలో డేటాను అందించే ఇటువంటి డేటా లేబరర్స్ (Data Laborers) అవసరం కూడా ఎంతో ఉందని ఈ క్రేజీ జాబ్స్తో మరోసారి నిరూపితమైంది.
ఏఐ కేవలం సాఫ్ట్వేర్ ఇంజనీర్లకే కాకుండా, క్షేత్రస్థాయిలో డేటాను అందించే కార్మికులకు కూడా ఉపాధిని కల్పిస్తుందని ఈ వింత ఉద్యోగాలు నిరూపిస్తున్నాయి. ఇది భవిష్యత్తులో మరిన్ని కొత్త అవకాశాలకు దారి తీయవచ్చు.
