📌 Key Points
- అల్లు అర్జున్ ‘రాకా’ ఫస్ట్ లుక్పై సోషల్ మీడియాలో ట్రోలింగ్స్
- విక్రమ్ ‘ఐ’, కార్తీ ‘కాశ్మోరా’ సినిమాలతో పోలికలు
- దర్శకుడు అట్లీపై నెటిజన్ల విమర్శలు
- జూనియర్ ఎన్టీఆర్ ‘శక్తి’ సినిమాలోని విలన్ రాకాతో టైటిల్ పోలిక అంటూ కామెంట్స్
ఐకాన్ స్టార్ అల్లు అర్జున్ రాకా ఫస్ట్ లుక్ విడుదలైన వెంటనే సోషల్ మీడియాలో ఒక సంచలనం సృష్టించింది. అయితే, ఈ సినిమా లుక్ విషయంలో నెటిజన్లు తీవ్రంగా ట్రోల్ చేస్తున్నారు. అసలు కారణం ఏంటో చూద్దాం!
రాకా లుక్పై ఎందుకీ ట్రోలింగ్?
Allu Arjun Raaka Look Trolling On Social Media: ఐకాన్ స్టార్ అల్లు అర్జున్ తన 44వ పుట్టినరోజు సందర్భంగా రాకా మూవీ ఫస్ట్ లుక్తో ప్రేక్షకులను పలకరించారు. అట్లీ దర్శకత్వంలో వస్తున్న ఈ భారీ బడ్జెట్ సినిమా రాకా పోస్టర్, బన్నీ లుక్పై సోషల్ మీడియాలో విపరీతమైన ట్రోలింగ్ నడుస్తోంది. ఆ వివరాలపై లుక్కేద్దాం.
ఐకాన్ స్టార్ అల్లు అర్జున్, కోలీవుడ్ డైరెక్టర్ అట్లీ కాంబినేషన్లో సినిమా అంటే అంచనాలు ఆకాశంలో ఉంటాయి. అందుకు తగ్గట్టుగానే ఏప్రిల్ 8న బన్నీ బర్త్డే కానుకగా ఈ చిత్రానికి ‘రాకా’ (Raaka) అనే టైటిల్ను ఖరారు చేస్తూ ఫస్ట్ లుక్ విడుదల చేశారు.
ఈ సందర్భంగా దర్శకుడు అట్లీ ఒక ఎమోషనల్ పోస్ట్ షేర్ చేశారు. “ఇది కేవలం సినిమా కాదు, నాలో ఒక భాగం. దాదాపు 18 ఏళ్లుగా ఈ ఐడియాను నా మనసులోనే దాచుకున్నాను. ఎన్నో సవాళ్లను ఎదుర్కొని ఈ కథ రూపుదిద్దుకుంది. ఇది కేవలం ఆరంభం మాత్రమే,” అంటూ అట్లీ తన ఆనందాన్ని పంచుకున్నారు.
విక్రమ్ ‘ఐ’ సినిమాతో పోలికలు!
కెరీర్ పీక్ స్టేజ్లో ఉండి, వరుస కమర్షియల్ హిట్లు కొడుతున్న సమయంలో ఇలాంటి డీ-గ్లామర్, ప్రయోగాత్మక పాత్రను ఎంచుకోవడం అల్లు అర్జున్ ధైర్యానికి నిదర్శనమని ట్రేడ్ వర్గాలు విశ్లేషిస్తున్నాయి. ఇది ఒకవైపు అయితే, మరోవైపు రాకా టైటిల్, అల్లు అర్జున్ లుక్పై సోషల్ మీడియాలో ట్రోలింగ్ మొదలైంది.
విక్రమ్ ‘ఐ’ మూవీ: సెన్సేషనల్ డైరెక్టర్ శంకర్ దర్శకత్వంలో వచ్చిన ‘ఐ’ సినిమాలో విక్రమ్ లుక్ను ఇది పోలి ఉందని ఎక్స్ (ట్విట్టర్)లో పోస్టులు పెడుతున్నారు.
సోషల్ మీడియాలో సెటైర్ల వర్షం!
కార్తీ ‘కాశ్మోరా’: కార్తీ నటించిన ‘కాశ్మోరా’ (Kaashmora) సినిమాలోని విలన్ లుక్ను అల్లు అర్జున్ కాపీ కొట్టారని కొందరు ఎద్దేవా చేస్తున్నారు.
శక్తి సినిమా విలన్: ఆశ్చర్యకరంగా జూనియర్ ఎన్టీఆర్ నటించిన ‘శక్తి’ సినిమాలో విలన్ పేరు కూడా ‘రాకా’ (Daniel Kaleb పాత్ర). దీంతో టైటిల్తో పాటు లుక్ కూడా అక్కడి నుంచే తీసుకున్నారా? అని నెటిజన్లు సెటైర్లు వేస్తున్నారు. మెర్సల్, కాశ్మోరా సినిమాల మిశ్రమమే ఈ ‘రాక’ అని రెడ్డిట్ లాంటి ప్లాట్ఫామ్స్లో చర్చ నడుస్తోంది.
రాకా సినిమా ఫస్ట్ లుక్పై వస్తున్న ట్రోల్స్తో సినిమాపై అంచనాలు మరింత పెరిగాయి. ఈ సినిమాకు సంబంధించిన మరిన్ని అప్డేట్స్ కోసం చూస్తూ ఉండండి.
