టాలీవుడ్ ఎనర్జిటిక్ స్టార్ రామ్ పోతినేని నటిస్తున్న ‘ఆంధ్రా కింగ్ తాలూకా’ మూవీ రిలీజ్ డేట్ మారింది. నవంబర్ 28 బదులు ఒక రోజు ముందుగా, నవంబర్ 27న విడుదల కానుంది. ఈ వార్తతో రామ్ ఫ్యాన్స్ పండగ చేసుకుంటున్నారు.
Key Points
రామ్ పోతినేని 'ఆంధ్రా కింగ్ తాలూకా' విడుదల తేదీలో మార్పు వచ్చింది.
నవంబర్ 28న విడుదల కావాల్సిన సినిమా ఒక రోజు ముందుగా నవంబర్ 27న వస్తోంది.
రామ్ పోతినేనికి హిట్ అత్యవసరం కావడంతో ఈ సినిమాపై చాలా ఆశలు పెట్టుకున్నారు.
మహేష్ బాబు పి దర్శకత్వంలో మైత్రి మూవీ మేకర్స్ నిర్మిస్తున్న ఈ సినిమాపై అంచనాలు భారీగా ఉన్నాయి.
ఆంధ్రా కింగ్ తాలూకా: విడుదల తేదీలో మార్పు
Andhra King Taluka: టాలీవుడ్ ఎనర్జిటిక్ స్టార్ రామ్ పోతినేని హీరోగా వస్తున్న లేటెస్ట్ మూవీ “ఆంధ్రా కింగ్ తాలూకా”. “మిస్ శెట్టి మిస్టర్ పోలిశెట్టి” ఫేమ్ దర్శకుడు మహేష్ బాబు పి ఈ సినిమాను తెరకెక్కిస్తున్నాడు. “ఏ ఫ్యాన్ బయోపిక్” అనే ట్యాగ్ తో వస్తున్న ఈ సినిమాలో లేటెస్ట్ బ్యూటీ (Andhra King Taluka)సెన్సేషన్ భాగ్యశ్రీ బోర్సే హీరోయిన్ గా నటిస్తోంది. మైత్రి మూవీ మేకర్స్ సంస్థ ఈ సినిమాను నిర్మిస్తున్నారు. ఇప్పటికే ఈ సినిమా నుంచి విడుదలైన సాంగ్స్, టీజర్ ప్రేక్షకుల్లో ఆసక్తిని క్రియేట్ చేయడంలో సక్సెస్ అయ్యాయి. అంతేకాదు. రామ్ పోతినేనికి చాలా కాలంగా సరైన హిట్ లేదు. ఇస్మార్ శంకర్ తరువాత ఆయన చేసిన ఒక్క సినిమా కూడా హిట్ అవలేదు.
రామ్ పోతినేని ఆశలు, కష్టాలు
Rajini-Kamal: హీరోకి కథ నచ్చలేదు.. వారం రోజులకే సద్దేశారు.. కమల్ షాకింగ్ కామెంట్స్
సినిమా విశేషాలు, టీమ్ వివరాలు
అందుకే, ఈ సినిమా కోసం చాలా కష్టపడుతున్నాడు రామ్. ఎంతలా అంటే, ఈ సినిమా విడుదల వరకు మరో సినిమాను కూడా ఒప్పుకోలేదు. అంతలా ఈ సినిమా కోసం డెడికేటెడ్ గా వర్క్ చేస్తున్నాడు రామ్. కంటెంట్ కూడా చాలా కొత్త ఉండటంతో ఖచ్చితంగా రిజల్ట్ పాజిటీవ్ గా వస్తుంది అని భావిస్తున్నాడు. ఇక ఈ సినిమా నవంబర్ 28న విడుదల చేయనున్నట్టు ఇప్పటికే మేకర్స్ ప్రకటించారు. కానీ తాజా సమాచారం మేరకు ఈ సినిమా రిలీజ్ డేట్ మారినట్టు తెలుస్తోంది. మేకర్స్ ప్రకటించిన తేదీ కంటే ఒకరోజు ముందే అంటే నవంబర్ 27న విడుదల చేయనున్నారట. ఈ విషయంపై అధికారిక ప్రకటన కూడా ఇచ్చేశారు. ఇక ఈ న్యూస్ తెలిసి రామ్ పోతినేని ఫ్యాన్స్ ఆనందం వ్యక్తం చేస్తున్నారు. మరి మంచి అంచనాల మధ్య వస్తున్న ఈ సినిమా రామ్ కి ఎలాంటి రిజల్ట్ ను ఇస్తుంది అనేది చూడాలి.
రామ్ పోతినేని చాలా ఆశలు పెట్టుకున్న ‘ఆంధ్రా కింగ్ తాలూకా’ ఒక రోజు ముందుగా ప్రేక్షకుల ముందుకు రావడం విశేషం. ఈ సినిమా రామ్ కి మంచి విజయాన్ని అందిస్తుందో లేదో వేచి చూడాలి.
