📌 Key Points
- దర్శకుడు అనిల్ రావిపూడి ఇప్పటివరకు 8 సినిమాలు తీస్తే అన్నీ సూపర్ హిట్టే.
- అనిల్ రావిపూడి తన 10వ సినిమాను 2027 సంక్రాంతికి విడుదల చేయాలని భావిస్తున్నారు.
- నాగార్జునతో పనిచేయాలని ఉందని అనిల్ రావిపూడి తన మనసులోని మాటను బయటపెట్టారు.
- దిల్ రాజు నిర్మాణంలో పవన్ కళ్యాణ్ హీరోగా అనిల్ రావిపూడి సినిమా ఉండొచ్చనే వార్తలు వినిపిస్తున్నాయి.
ప్రస్తుతం టాలీవుడ్లో వరుస విజయాలతో దూసుకెళ్తున్న దర్శకుడు అనిల్ రావిపూడి. ఆయన తన 10వ సినిమాను 2027 సంక్రాంతికి విడుదల చేయాలని ప్లాన్ చేస్తున్నారు. ఈ సినిమాలో హీరో ఎవరనేది ఇంకా తెలియాల్సి ఉంది.
అనిల్ రావిపూడి 10వ సినిమా ఎప్పుడు?
Anil Ravipudi: తెలుగు సినిమా ఇండస్ట్రీలో ప్రస్తుతం వరుస విజయాలతో దూసుకెళ్తున్న దర్శకుల్లో.. అనిల్ రావిపూడి పేరు ప్రత్యేకంగా చెప్పుకోవాలి. ఇప్పటికే ఎనిమిది సినిమాలు ఈ దర్శకుడు తీస్తే….వాటిలో ఒక్కటైనా ఫ్లాప్ లేకుండా.. అన్ని సినిమాలు కూడా సూపర్ హిట్లుగా నిలిచాయి. ఎస్.ఎస్. రాజమౌళి తర్వాత అలాంటి రికార్డు ఉన్న దర్శకుడు.. అనిల్ రావిపూడి అనే చెప్పాలి.
ఇక ఈ సంక్రాంతి సందర్భంగా విడుదలైన మాన శంకర వర ప్రసాద్ గారు సినిమాతో మరోసారి తన స్టామినాను నిరూపించాడు. ఈ సినిమా కూడా మంచి టాక్ తెచ్చుకోవడంతో..సంక్రాంతి సీజన్లో ఆయన హ్యాట్రిక్ మాత్రమే కాదు.. ఆయన కెరీర్లో ట్రిపుల్ హ్యాట్రిక్ సాధించే అవకాశాలు కనిపిస్తున్నాయి. కుటుంబ ప్రేక్షకులను ఆకట్టుకునే హాస్యం, వినోదం ఆయన సినిమాలకు ప్రధాన బలం.
ఇప్పుడు అందరి దృష్టి అనిల్ రావిపూడి 10వ సినిమాపై పడింది. ఈ సినిమా 2027 సంక్రాంతికి ప్లాన్ చేస్తున్నారని ఇండస్ట్రీలో చర్చ జరుగుతోంది. ఇటీవల మీడియాతో మాట్లాడిన అనిల్ రావిపూడి, అక్కినేని నాగార్జునతో పని చేయాలని తన ఆసక్తిని వ్యక్తం చేశారు. ఈ కాంబినేషన్ జరిగితే, నాలుగు సీనియర్ హీరోలతో పని చేసిన న్యూ ఏజ్ దర్శకుడిగా అనిల్ అరుదైన రికార్డు సొంతం చేసుకుంటాడు. కానీ నాగార్జున ప్రస్తుతం తన 100వ సినిమా షూటింగ్లో బిజీగా ఉండటంతో.. వెంటనే ఈ ప్రాజెక్ట్ సాధ్యమవుతుందా అనేది అనిశ్చితమే.
నాగార్జునతో సినిమా ఉంటుందా?
ఇక వెంకటేష్ తో ‘సంక్రాంతికి వస్తున్నాం’ సినిమాకు సీక్వెల్ చేయాలనే ఆలోచన కూడా ఉందని సంకేతాలు ఇచ్చారు. అయితే వెంకటేష్ ప్రస్తుతం త్రివిక్రమ్ దర్శకత్వంలో సినిమా చేస్తున్నాడు. అదేవిధంగా ‘దృశ్యం 3’ కూడా ప్లాన్లో ఉంది. అందుకే వెంటనే వెంకీ–రవిపూడి కాంబినేషన్ వచ్చే అవకాశాలు తక్కువగా ఉన్నాయి.
మరోవైపు..దిల్ రాజు నిర్మాణ సంస్థలో మరో సినిమా చేసే అవకాశముందని ప్రచారం జరుగుతోంది. ఈ ప్రాజెక్ట్కు పవన్ కళ్యాణ్ హీరోగా ఉండొచ్చనే వార్తలు వినిపిస్తున్నాయి. అయితే ఇవన్నీ ఇంకా ఊహాగానాలే.
పవన్ కళ్యాణ్ హీరోగా సినిమా వస్తుందా?
మొత్తం పైన చూస్తే ..అనిల్ రావిపూడి 10వ సినిమాకు హీరో ఎవరు అనే విషయం అధికారికంగా ప్రకటించలేదు. అయినా, ఈ ప్రాజెక్ట్పై ప్రేక్షకుల్లో ఇప్పటికే భారీ హైప్ ఏర్పడింది. వచ్చే సంక్రాంతికి మరోసారి ఆయన విజయం సాధిస్తాడనే నమ్మకం అభిమానుల్లో బలంగా ఉంది.
మొత్తానికి అనిల్ రావిపూడి తన తదుపరి సినిమాతో కూడా విజయం సాధిస్తారని అభిమానులు నమ్ముతున్నారు. ఆయన ఎవరితో సినిమా చేస్తారో వేచి చూడాలి. త్వరలోనే అధికారిక ప్రకటన వచ్చే అవకాశం ఉంది.
