📌 Key Points
- AVM ప్రొడక్షన్స్ అధినేత AVM శరవణన్ 85 ఏళ్ల వయసులో కన్నుమూత.
- గత కొన్ని రోజులుగా వయోభారంతో, ఆరోగ్య సమస్యలతో బాధపడుతూ మరణం.
- తెలుగు, తమిళం, హిందీ సహా పలు భాషల్లో 200కు పైగా చిత్రాల నిర్మాణం.
- ‘లీడర్’, ‘జెమిని’, ‘శివాజీ’ వంటి సూపర్ హిట్ చిత్రాలను నిర్మించారు.
సినీ పరిశ్రమలో విషాదం నెలకొంది. ప్రముఖ నిర్మాణ సంస్థ AVM ప్రొడక్షన్స్ అధినేత, దిగ్గజ నిర్మాత AVM శరవణన్ 85 ఏళ్ల వయసులో కన్నుమూశారు. వయోభారంతో బాధపడుతున్న ఆయన నేడు తెల్లవారుజామున మరణించారు. ఆయన మృతికి సినీ ప్రముఖులు నివాళులు అర్పిస్తున్నారు.
AVM శరవణన్ సినీ ప్రస్థానం
AVM Saravanan : నేడు సినీ పరిశ్రమలో తీవ్ర విషాదం నెలకొంది. ఒకప్పటి అగ్ర నిర్మాణ సంస్థ AVM ప్రొడక్షన్స్ అధినేత, నిర్మాత శరవణన్ మరణించారు. గత కొన్నాళ్లుగా వయోభారంతో, పలు ఆరోగ్య సమస్యలతో బాధపడుతున్న శరవణన్ నేడు తెల్లవారుజామున చెన్నైలోని ఓ ప్రైవేట్ హాస్పిటల్ లో చికిత్స తీసుకుంటూ 85 ఏళ్ళ వయసులో మరణించారు. దీంతో తమిళ, తెలుగు పరిశ్రమ ప్రముఖులు ఆయనకు నివాళులు అర్పిస్తున్నారు.
దక్షిణ సినీ పరిశ్రమలోనే మొదటి, భారీ స్టూడియో, అగ్ర నిర్మాణ సంస్థలలో ఒకటైన AVM స్టూడియోస్, AVM ప్రొడక్షన్స్ అధినేత AV మెయియప్ప చెట్టియార్ తనయుడే శరవణన్. తండ్రి బాటలోనే AVM సంస్థ బాధ్యతలు తీసుకొని నడిపిస్తున్నారు. ఎన్నో ఏళ్లుగా దాదాపు 200 సినిమాలు తెలుగు, తమిళ్, హిందీ, కన్నడ, మలయాళ, బెంగాలీ, సింహళ భాషల్లో నిర్మించారు.
AVM ప్రొడక్షన్స్ దిగ్గజ చిత్రాలు
పరిశ్రమ ప్రముఖుల నివాళులు
తెలుగులో కూడా లీడర్, జెమిని, ఎవరైనా ఎపుడైనా, ఆ ఒక్కటి అడక్కు, బామ్మమాట బంగారు బాట.. లాంటి ఎన్నో సూపర్ హిట్ సినిమాలు ఈయన నిర్మాణంలోనే తెరకెక్కాయి. తమిళ్ లో అయితే శివాజీ, మెరుపుకలలు, అయాన్.. లాంటి ఎన్నో సూపర్ హిట్ సినిమాలను నిర్మించారు. నిర్మాత శరవణన్ మరణంతో తమిళ పరిశ్రమలో తీవ్ర విషాదం నెలకొంది. తమిళ సినీ పరిశ్రమ ఆయనకు నివాళులు అర్పిస్తున్నారు.
AVM శరవణన్ సినీ ప్రస్థానం ఎందరికో ఆదర్శం. తెలుగు, తమిళ భాషల్లో ఆయన నిర్మించిన వందలాది చిత్రాలు భారత సినీ చరిత్రలో నిలిచిపోతాయి. ఆయన మృతి సినీ పరిశ్రమకు తీరని లోటు అని సినీ వర్గాలు పేర్కొంటున్నాయి.
