📌 Key Points
- రోషన్ కనకాల ‘మోగ్లీ’ సినిమా డిసెంబర్ 13న ప్రేక్షకుల ముందుకు రానుంది.
- బండి సరోజ్ కుమార్ ప్రీ రిలీజ్ ఈవెంట్లో సెన్సార్ బోర్డుపై వివాదాస్పద వ్యాఖ్యలు చేశారు.
- పీపుల్ మీడియా ఫ్యాక్టరీ సెన్సార్ బోర్డుకు క్షమాపణలు చెప్పి, వివాదానికి ముగింపు పలికింది.
- సినిమా విడుదలకు ఆటంకం కలగకుండా క్షమాపణ చెప్పానని బండి సరోజ్ కుమార్ ట్విట్టర్ ద్వారా తెలిపారు.
రోషన్ కనకాల నటించిన ‘మోగ్లీ’ సినిమా విడుదలకు సిద్ధమైంది. అయితే ఈ సినిమా ప్రీ రిలీజ్ ఈవెంట్లో బండి సరోజ్ కుమార్ చేసిన వ్యాఖ్యలు వివాదాస్పదమయ్యాయి. దీంతో పీపుల్ మీడియా ఫ్యాక్టరీ క్షమాపణలు చెప్పింది. తాజాగా, బండి సరోజ్ కుమార్ ఈ వివాదంపై ట్విట్టర్ ద్వారా క్లారిటీ ఇచ్చారు.
మోగ్లీ ప్రీ రిలీజ్ ఈవెంట్లో వివాదాస్పద వ్యాఖ్యలు
రోషన్ కనకాల(Roshan Kanakala) నటించిన మూవీ ‘మోగ్లీ’ (Mowgli)విడుదలకు సిద్ధమైంది. పీపుల్ మీడియా ఫ్యాక్టరీ బ్యానర్పై రాబోతున్న ఈ చిత్రానికి సందీప్ రాజ్ (Sandeep Raj)దర్శకత్వం వహిస్తున్నారు. బండి సరోజ్ కుమార్ కీలక పాత్రలో కనిపించబోతున్నారు. షూటింగ్ పూర్తి చేసుకున్న ఈ మూవీ డిసెంబర్ 13న ప్రేక్షకుల ముందుకు రానుంది. ఇక ఇటీవల ఈ సినిమా ప్రీ రిలీజ్ ఈవెంట్ నిర్వహించగా.. ఇందులో పాల్గొన్న బండి సరోజ్ కుమార్ పలు వ్యాఖ్యలు చేశాడు. అవి కాస్త వివాదాస్పదమయ్యాయి. అసలు ఆయన ఏమన్నారంటే.. సెన్సార్ బోర్డు అధికారి నా నటన కారణంగా భయపడిపోయి మా సినిమాకు ‘A’సర్టిఫికెట్ ఇచ్చాడు.
సెన్సార్ బోర్డుకు పీపుల్ మీడియా ఫ్యాక్టరీ క్షమాపణ
నేను ఒక ‘రూత్లెస్కాప్’ పాత్రలో నటించినట్లు అనిపించలేదు. నటన నన్ను భయపెట్టింది కాబట్టి మా చిత్రానికి A సర్టిఫికెట్ వచ్చిందని సందీప్ రాజ్ అన్నారని వివరించాడు. ఇక ఈ కామెంట్లు కాస్త వివాదానికి దారితీశాయి. దీంతో పీపుల్ మీడియా ఫ్యాక్టరీ సెన్సార్ బోర్డుకు క్షమాపణలు చెప్పారు. బండి సరోజ్ కుమార్ అనుకోకుండా అలా అన్నారని వివరణ ఇచ్చింది. తాజాగా, ఈ విషయంపై బండి సరోజ్ కుమార్ ట్విట్టర్ ద్వారా క్లారిటీ ఇచ్చారు. ‘‘ ఈ సినిమాని నా బాధ్యతగా తీసుకున్నాను. నిర్మాత నా కళ్ళ ముందే డబ్బును భారీగా ఖర్చుపెట్టడం నా కళ్లారా చూశాను.
వివాదంపై బండి సరోజ్ కుమార్ ట్విట్టర్ క్లారిటీ
దానికి నా వంతు కృషిగా నా సొంత సినిమా కంటే గట్టిగా, నా ఇంట్రోవర్ట్ బిహేవియర్ నుండి బయటకు వచ్చి ఆల్ ఔట్ ప్రమోషన్ చేశాను. సెన్సార్ బోర్డు వాళ్లు క్షమాపణ కావాలి అన్న డిమాండ్ ను సినిమాకు ఆటంకం కలగకుండా ఉండడం కోసం నెరవేర్చాను. రేపే ప్రీమియర్లు. ఒరిజినల్ రివ్యూలు ప్రేక్షకులు ఇస్తారు. అక్కడి నుండీ ఆ సినిమా కంటెంట్ ఏ ముందుకు తీసుకెళ్లాలి. ఇంతటితో నా పని పూర్తి. మోగ్లీ చూశాక నచ్చితే గట్టిగా ముందుకు తీసుకెళ్లండి’’ అని రాసుకొచ్చాడు. దీంతో వివాదానికి కాస్త చెక్ పడినట్లు అయింది.
బండి సరోజ్ కుమార్ ‘మోగ్లీ’ సినిమా బాధ్యతను తన భుజాలపై వేసుకుని, వివాదాన్ని పరిష్కరించేందుకు క్షమాపణలు చెప్పారు. సినిమా విజయం ప్రేక్షకులే నిర్ణయిస్తారని, కంటెంట్ నచ్చితే ప్రోత్సహించాలని ఆయన కోరారు. దీంతో ఈ వివాదానికి తెరపడినట్లయింది.
