📌 Key Points
- రవితేజ ‘భర్త మహాశయులకు విజ్ఞప్తి’ మూవీ జనవరి 13న గ్రాండ్ రిలీజ్!
- సెన్సార్ పూర్తి: రవితేజ మూవీకి యు/ఏ సర్టిఫికెట్!
- కేవలం 2 గంటల 10 నిమిషాల రన్ టైంతో రవితేజ ట్రెండ్ సెట్టింగ్!
- ఫస్ట్ హాఫ్ ఎంటర్టైనింగ్, ఇంటర్వెల్ ట్విస్ట్ తో నెక్స్ట్ లెవెల్!
మాస్ మహారాజ్ రవితేజ తన కొత్త సినిమాతో ప్రేక్షకులను అలరించడానికి వస్తున్నాడు. ‘భర్త మహాశయులకు విజ్ఞప్తి’ మూవీ జనవరి 13న విడుదల కానుంది. ఈ సినిమాపై భారీ అంచనాలు ఉన్నాయి. రవితేజ ఈసారి ఎలాంటి హిట్ కొడతాడో చూడాలి.
రవితేజ మూవీకి సెన్సార్ క్లియరెన్స్!
మాస్ మహారాజ్ రవితేజ నటించిన లేటెస్ట్ మూవీ భర్త మహాశయులకు విజ్ఞప్తి చిత్రం జనవరి 13న గ్రాండ్ గా రిలీజ్ అవుతోంది. కిషోర్ తిరుమల దర్శకత్వంలో తెరకెక్కుతున్న ఈ చిత్రంలో డింపుల్ హయతి, ఆషిక రంగనాథ్ హీరోయిన్లుగా నటిస్తున్నారు. తాజాగా ఈ చిత్రం సెన్సార్ కార్యక్రమాలు పూర్తి చేసుకుని రిలీజ్ కి రేయ్ అయింది.
ఈ చిత్రానికి సెన్సార్ సభ్యులు యు/ఏ సర్టిఫికెట్ ఇచ్చారు. ఒక వైపు భార్య, మరోవైపు ప్రేయసి మధ్య నలిగిపోయే వ్యక్తిగా రవితేజ నటిస్తున్నారు. అయితే ఒక విషయంలో మాత్రం ఈ చిత్రం ట్రెండ్ ఫాలో కావడం లేదు. ప్రస్తుతం వస్తున్న చిత్రాలన్నీ భారీ రన్ టైంతో వస్తున్నాయి.
షార్ట్ అండ్ స్వీట్ రన్ టైంతో రవితేజ!
కానీ రవితేజ ట్రెండుని పక్కన పెట్టి క్రిస్ప్ రన్ టైంతో వస్తున్నాడు. ఈ చిత్రం ఫైనల్ రన్ టైం కేవలం 2 గంటల 10 నిమిషాలు మాత్రమే అని తెలుస్తోంది. ప్రేక్షకులని ఎక్కువగా విసిగించకుండా తక్కువ టైంలో కంప్లీట్ గా ఎంటర్టైన్ చేయడమే లక్ష్యంగా ఈ చిత్ర యూనిట్ ఉంది.
సెన్సార్ సభ్యుల నుంచి ఈ చిత్రానికి పాజిటివ్ రెస్పాన్స్ వచ్చినట్లు టాక్. రవితేజకి ఇద్దరు హీరోయిన్లకు మధ్య కెమిస్ట్రీ బాగా వర్కౌట్ అయిందట. కిషోర్ తిరుమల దర్శకుడిగా మాత్రమే కాకుండా రచయితగా కూడా తన సత్తా చాటారు అని అంటున్నారు.
ఫస్ట్ హాఫ్ ఎంటర్టైన్మెంట్.. సెకండ్ హాఫ్ ఎమోషన్స్!
ఈ చిత్రంలో ఫ్యామిలీ ఆడియన్స్ కి నచ్చే డ్రామా, యువతకి నచ్చే గ్లామర్ ఎలిమెంట్స్ బాగా ఉన్నాయట. ఫస్ట్ హాఫ్ మొత్తం ఎంటర్టైనింగ్ గా ఉంటూ.. ఇంటర్వెల్ సీన్ ఆసక్తిని పెంచే ట్విస్ట్ తో ఎండ్ అవుతుందట. సెకండ్ హాఫ్ లో కాస్త ఎమోషనల్ టచ్ ఇచ్చారు. క్లైమాక్స్ ని బాగా వర్కౌట్ చేసినట్లు తెలుస్తోంది. ఓవరాల్ గా రవితేజ ఎట్టకేలకు ఈ చిత్రంతో తన ఫ్లాపులకు అడ్డుకట్ట వేయబోతున్నాడు అని అంటున్నారు.
రవితేజ ‘భర్త మహాశయులకు విజ్ఞప్తి’ మూవీ రిలీజ్ కు సిద్ధంగా ఉంది. ఈ సినిమా రవితేజ కెరీర్ లో ఒక మైలురాయి అవుతుందా చూడాలి. మరిన్ని అప్డేట్స్ కోసం చూస్తూ ఉండండి.
