బిగ్ బాస్ షోలో పాల్గొనే సెలబ్రిటీలు, వారి పారితోషికం ఎల్లప్పుడూ ఆసక్తిని రేపుతాయి. ఈ కథనం బిగ్ బాస్ షో చరిత్రలో అత్యధిక మొత్తం సంపాదించిన ఒక నటి గురించి వివరిస్తుంది.
Key Points
పమేలా అండర్సన్ బిగ్ బాస్ 4లో మూడు రోజులు మాత్రమే ఉన్నారు.
ఆమె రూ.2.5 కోట్లు సంపాదించి, రోజుకు దాదాపు రూ.83 లక్షలు సంపాదించారు.
ఇది బిగ్ బాస్ చరిత్రలో అత్యధిక మొత్తం.
పమేలా అండర్సన్ బేవాచ్ సిరీస్ తో ప్రసిద్ధి చెందిన ఇంటర్నేషనల్ స్టార్.
పమేలా అండర్సన్ యొక్క బిగ్ బాస్ ప్రయాణం
బిగ్ బాస్ షో మొదలవుతుందంటే చాలు.. ఎవరెవరు హౌస్ లోకి వస్తారు? వాళ్లు ఎంత తీసుకుంటున్నారు అనే చర్చ మొదలవుతుంది. ఆదివారం (ఆగస్టు 24) నుంచి బిగ్ బాస్ 19 మొదలైన వేళ ఇప్పటి వరకూ ఈ షో చరిత్రలో అత్యధిక మొత్తం అందుకున్న కంటెస్టెంట్ ఎవరో మీకు తెలుసా? ఆమె కెనడియన్, అమెరికన్ యాక్టర్, మోడల్ అయిన పమేలా అండర్సన్.
పమేలా బిగ్ బాస్ సీజన్ 4 లోకి రావడం అనేది ప్యూర్ స్ట్రాటెజీ. బాలీవుడ్ రియాలిటీ స్పేస్ లోకి హాలీవుడ్ గ్లామర్ ని తీసుకురావడం ఇది. బిగ్ బాస్ హౌస్ లోకి ఎంటరైన మొట్టమొదటి ఇంటర్నేషనల్ సెలబ్రిటీ ఆమె. ఆమె ఎంట్రీ నిజంగా ఒక సెన్సేషన్ అయ్యింది. ముంబైకి చేరుకున్నప్పుడు ఎయిర్ పోర్టులోనే ఆమెని జనం చుట్టుముట్టారు. ఆమె ఒక తెల్ల చీర కట్టుకొని బిగ్ బాస్ హౌస్ లోకి ఎంటర్ అయ్యారు. సల్మాన్ ఖాన్ తో స్టేజ్ మీద డాన్స్ కూడా చేశారు. మరి దీనికోసం పమేలా ఎంత సంపాదించారు?
బిగ్ బాస్ హౌస్ లోకి ఎంటరైన మొట్టమొదటి ఇంటర్నేషనల్ సెలబ్రిటీగా ఫైనాన్షియల్ ఎక్స్ప్రెస్ రిపోర్ట్ ప్రకారం.. పమేలా ఏకంగా రూ.2.5 కోట్లు సంపాదించారు. ఒక ఇంటర్నేషనల్ స్టార్ కి ఇది తక్కువ అని మీరు అనుకుంటున్నారా? ఆమె హౌస్ లో కేవలం మూడు రోజులు మాత్రమే ఉన్నారు. అంటే రోజుకి దాదాపు రూ.83 లక్షలు. ఇది బిగ్ బాస్ చరిత్రలోనే అత్యంత ఖరీదైన స్టంట్ కావడం విశేషం.
అత్యధిక పారితోషికం: రూ.2.5 కోట్లు
మనీ కంట్రోల్ రిపోర్ట్ ప్రకారం సిద్ధార్థ్ శుక్లా బిగ్ బాస్ 13 కి వారానికి రూ.9 లక్షలు సంపాదించాడు. హీనా ఖాన్ బిగ్ బాస్ 11లో వారానికి రూ.8 లక్షలు తీసుకున్నారని వార్తలు వచ్చాయి.
పమేలా తన ఐకానిక్ రోల్ సి.జె. పార్కర్ గా హిట్ టీవీ సిరీస్ బేవాచ్ తో బాగా ఫేమస్ అయ్యారు. ఆమె 1990లలో గ్లోబల్ ఫేమ్ సాధించారు. అప్పట్లో ఉన్న పాప్ కల్చర్ ఫిగర్లలో ఒకరు అయ్యారు. బార్బ్ వైర్, స్కేరీ మూవీ 3, బోరాట్, బేవాచ్, సిటీ హంటర్ లాంటి సినిమాల్లో నటించింది.
2020లలో పమేలా తన కెరీర్ లో మళ్లీ పుంజుకున్నారు. ఆమె బ్రాడ్ వేలో మ్యూజికల్ చికాగోలో రోక్సీ హార్ట్ గా.. 2023లో నెట్ఫ్లిక్స్ డాక్యుమెంటరీ పమేలా.. ఎ లవ్ స్టోరీతో అరంగేట్రం చేశారు. ఆమెకి ఇప్పుడు రెండు సినిమాలు లైన్ లో ఉన్నాయి. ఒకటి కరీం ఐనౌజ్ డ్రామా థ్రిల్లర్ రోజ్ బుష్ ప్రూనింగ్. రెండోది ప్లేస్ టు బి. ఈ సినిమాల రిలీజ్ డేట్స్ ఇంకా అనౌన్స్ చేయలేదు.
పమేలా అండర్సన్ యొక్క సినీ జీవితం
ఆమె ఈ సంవత్సరం ది లాస్ట్ షోగర్ల్ కోసం గోల్డెన్ గ్లోబ్ నామినేషన్ కూడా పొందారు. ఆమె రీసెంట్ గా తన బాయ్ ఫ్రెండ్ లియామ్ నీసన్ తో కలిసి నైకెడ్ గన్ రీమేక్ లో కనిపించారు.
హిందీ బిగ్ బాస్ కొత్త సీజన్ ఆగస్ట్ 24న సల్మాన్ ఖాన్ హోస్ట్ గా స్టార్ట్ అయ్యింది. గ్రాండ్ ప్రీమియర్ లో సల్మాన్ కంటెస్టెంట్స్ తో మాట్లాడి.. వాళ్లను ఆడియెన్స్ కి ఇంట్రడ్యూస్ చేశాడు. ఆ తర్వాత బిగ్ బాస్ హౌస్ లో లాక్ చేశారు. గౌరవ్ ఖన్నా, బసీర్ అలీ, అష్నూర్ కౌర్, జీషన్ ఖాద్రి, తాన్య మిట్టల్, నగ్మా మిరాజ్కర్, అవేజ్ దర్బార్, నెహల్ చుడాసమ, అభిషేక్ బజాజ్, నతాలియా జానోస్జెక్, ప్రానిత్ మోర్, ఫర్హానా భట్, నీలం గిరి, ఆమల్ మాలిక్, కునికా సదానంద్, మృదుల్ తివారీ బిగ్ బాస్ 19 ట్రోఫీ కోసం ఫైట్ చేయనున్నారు. వ్యూయర్స్ ఈ షో ని జియోహాట్ స్టార్ లో రాత్రి 9 గంటలకు, కలర్స్ టీవీలో రాత్రి 10:30 గంటలకు చూడవచ్చు.
చివరగా, పమేలా అండర్సన్ బిగ్ బాస్ షోలో సృష్టించిన సంచలనం మరియు ఆమె సంపాదించిన భారీ మొత్తం బిగ్ బాస్ చరిత్రలో నిలిచిపోయే అంశం.
