📌 Key Points
- కెనడాలో కారు-బైక్ ఢీకొనడంతో బైక్ గాల్లోకి ఎగిరి ట్రాఫిక్ సిగ్నల్కు వేలాడింది.
- ఈ ప్రమాదంలో బైకర్ తీవ్రంగా గాయపడగా, కారు డ్రైవర్కు ఎలాంటి గాయాలు కాలేదు.
- ప్రమాద దృశ్యాలు సామాజిక మాధ్యమాల్లో వైరల్గా మారాయి.
- ప్రత్యక్ష సాక్షులు దీనిని “నమ్మశక్యం కాని సినిమా సీన్”గా అభివర్ణించారు.
కెనడాలో జరిగిన ఓ విచిత్ర రోడ్డు ప్రమాదం చూపరులను ఆశ్చర్యానికి గురిచేసింది. కారు, బైక్ బలంగా ఢీకొనడంతో బైక్ గాల్లోకి ఎగిరి ట్రాఫిక్ సిగ్నల్ పోల్కు వేలాడింది. ఈ ఘటనకు సంబంధించిన దృశ్యాలు ప్రస్తుతం సోషల్ మీడియాలో వైరల్గా మారాయి.
సినిమాను తలపించేలా ప్రమాదం
కెనడాలోని సర్రే-డెల్టా సరిహద్దులో సినిమాను తలపించేలా జరిగిన ఓ రోడ్డు ప్రమాదం చూపరులను తీవ్ర విస్మయానికి గురిచేసింది. ఓ కారు, బైక్ బలంగా ఢీ కొనడంతో.. బైక్ గాల్లోకి ఎగిరి ఏకంగా ట్రాఫిక్ సిగ్నల్ పోల్కు వేలాడిన ఘటన చోటుచేసుకుంది. ఈ ప్రమాదంలో బైక్ నడుపుతున్న వ్యక్తి తీవ్రంగా గాయపడ్డాడు. పోలీసులు తెలిపిన వివరాల ప్రకారం.. శనివారం మధ్యాహ్నం 3 గంటల (PT) ప్రాంతంలో స్కాట్ రోడ్ (7100-బ్లాక్), 72వ అవెన్యూ, 120వ స్ట్రీట్ కూడలిలో ఈ ప్రమాదం జరిగింది. సమాచారం అందుకున్న డెల్టా పోలీసులు వెంటనే ఘటనాస్థలానికి చేరుకున్నారు. బైకర్కు తీవ్ర గాయాలు కాగా, వెంటనే ఆసుపత్రికి తరలించారు. అయితే అతనికి ప్రాణాపాయం లేదని వైద్యులు స్పష్టం చేశారు. ఇక కారు నడుపుతున్న డ్రైవర్కు ఎలాంటి గాయాలు కాలేదని పోలీసులు తెలిపారు.
ప్రమాద తీవ్రతకు బైక్ గాల్లోకి ఎగిరి ట్రాఫిక్ సిగ్నల్ స్తంభానికి చిక్కుకుని వేలాడటం అందరినీ ఆశ్చర్యపరిచింది. నడిరోడ్డుపై జరిగిన ఈ వింత ఘటనను చూసేందుకు జనం భారీగా గుమిగూడారు. తమ మొబైల్ ఫోన్లలో ఈ దృశ్యాలను బంధించడంతో, ప్రస్తుతం ఈ ఫోటోలు, వీడియోలు సామాజిక మాధ్యమాల్లో వైరల్గా మారాయి.
ప్రమాద వివరాలు, గాయాలు
A post shared by Speed Suspects News (@speedsuspectsnews)
ప్రత్యక్ష సాక్షులు ఏమంటున్నారంటే..
ప్రత్యక్ష సాక్షుల అనుభవాలు
సమీపంలోని క్రిస్పీ క్రీమ్ డోనట్ షాప్కు వెళుతూ ఈ దృశ్యాన్ని చూసిన సర్రే నివాసి విలియమ్ చాన్ తన ఆశ్చర్యాన్ని వ్యక్తం చేశాడు. ‘నా జీవితంలో ఇలాంటిది ఎప్పుడూ చూడలేదు, ఇదొక సినిమా సీన్లా అనిపించింది. ముందుగా జంక్షన్ మధ్యలో ధ్వంసమైన కారును చూసి, అందులో ఇరుక్కున్న రెండో వాహనం కోసం చుట్టుపక్కల వెతికాను. కానీ పైకి చూస్తే బైక్ ట్రాఫిక్ సిగ్నల్కు వేలాడుతూ కనిపించింది. ఇది నిజంగా నమ్మశక్యం కానిది’ అని చాన్ తెలిపాడు. అత్యవసర సిబ్బంది ఆ బైక్ను ఎలా కిందికి దించుతారో చూడటానికి తాను అక్కడే ఆగిపోయినట్లు వెల్లడించాడు.
ప్రమాదంలో ధ్వంసమైన కారును, సిగ్నల్కు వేలాడుతున్న బైక్ను అక్కడి నుంచి సురక్షితంగా తొలగించి, రోడ్డుపై పడిన శిధిలాలను శుభ్రం చేసేందుకు అధికారులు చర్యలు చేపట్టారు. ఈ క్రమంలో 70వ అవెన్యూ నుంచి 72వ అవెన్యూ వరకు స్కాట్ రోడ్ను పోలీసులు తాత్కాలికంగా మూసివేశారు.
ఈ అసాధారణ ప్రమాదం రోడ్డు భద్రతపై మరోసారి చర్చకు దారితీసింది. ఇలాంటి సంఘటనలు భవిష్యత్తులో పునరావృతం కాకుండా తగిన చర్యలు తీసుకోవాల్సిన అవసరం ఉంది.
