📌 Key Points
- కావ్యను ఒప్పించడానికి రాజ్ ప్రయత్నం, కుటుంబం అంతా కలిసి నటించాలని కావ్య షరతు విధించింది.
- నకిలీ డైరెక్టర్ మణి వర్మ ఎంట్రీ ఇచ్చి, పని మనిషిని మోడల్గా పొరబడి ఆశ్చర్యపరిచాడు.
- ఇందిరాదేవి, అపర్ణల వినూత్నమైన జ్యూవెలరీ యాడ్ కాన్సెప్ట్లు రాజ్ను తికమక పెట్టాయి.
- ప్రకాశం పరోటా మాస్టర్ను నకిలీ డైరెక్టర్గా గుర్తించి బండారం బయటపెట్టాడు.
బ్రహ్మముడి సీరియల్ తాజా ఎపిసోడ్లో అనూహ్య మలుపులు చోటుచేసుకున్నాయి. రాజ్, కావ్యల మధ్య ప్రేమ సన్నివేశాలు, కుటుంబ సభ్యుల యాడ్ కాన్సెప్ట్లు ప్రేక్షకులను ఆకట్టుకున్నాయి. ఒక పని మనిషి మోడల్గా మారడం, నకిలీ డైరెక్టర్ పరోటా మాస్టర్గా బయటపడటం ప్రధాన హైలైట్లు.
కుటుంబంతో కలిసి నటించమని రాజ్ను ఒప్పించిన కావ్య
బ్రహ్మముడి సీరియల్ డిసెంబర్ 20 ఎపిసోడ్లో కావ్యను రాజ్ ఒప్పుకోమని బతిమిలాడుతుంటే ఇందిరాదేవి, అపర్ణ తమ కాన్సెప్ట్లతో చుక్కలు చూపిస్తారు. ఇంతలో ఫేక్ డైరెక్టర్ ఎంట్రీ ఇస్తాడు. కావ్యే కాన్సెప్ట్ చెబుతుంది. పని మనిషిని డైరెక్టర్ మణి వర్మ మోడల్ అనుకుంటాడు. షూట్ స్టార్ట్ చేస్తాడు.
బ్రహ్మముడి సీరియల్ ఈరోజు ఎపిసోడ్లో పరోటా కాల్చే వ్యక్తి దగ్గరికి వెళ్లిన రాహుల్ యాక్టింగ్ ఛాన్స్ ఇస్తానంటాడు. ఒక ఫ్యామిలీ దగ్గర ఆర్ట్ డైరెక్టర్ మణి వర్మగా నటించాలని రాహుల్ చెబుతాడు. నేషనల్ అవార్డ్ లెవెల్లో ఇరగదీస్తానంటాడు పరాట కాల్చే వ్యక్తి. మణి వర్మకు పది వేలు అడ్వాన్స్ ఇచ్చి పని పూర్తి అయ్యాక 50 వేలు ఇస్తానంటాడు.
సీతారామయ్యతో కలిసి బంగారు గాజుల జ్యూవెలరీ యాడ్ చేస్తుంది ఇందిరాదేవి. ఇది చూసిన రాజ్ ఇలా షాక్ ఇచ్చావేంటే అంటాడు. మీది ఓల్డ్ ప్యాషన్ అత్తయ్య మా యాడ్ షూట్ చూడండి అని అపర్ణ, సుభాష్ కలిసి యాడ్ చేస్తారు. మమ్మీ ఇలా బెదరగొడుతున్నారేంటే అని భయపడుతాడు. ప్రకాశం కూడా వచ్చి కాన్సెప్ట్ చెబుతానని మర్చిపోతాడు.
మోడల్గా మారిన పని మనిషి: రాజ్కు షాక్!
ఒక్కొక్కరు కాన్సెప్ట్తో నా మీద దండోరా చేస్తున్నారు అని కావ్యతో అంటాడు రాజ్. సరే నేను ఒప్పుకుంటాను కానీ మన ఫ్యామిలీ అంతా కలిసి చేస్తేనే నటిస్తానని కావ్య అంటుంది. అందరు ఒప్పుకున్నట్లేగా అని రాజ్ అడిగితే.. ఒప్పుకోమని రివర్స్ అవుతారు. దాంతో గతిలేక అందరి నటనను మెచ్చుకుంటాడు రాజ్. తర్వాత అంతా ఓకే అంటారు.
ఆ కాన్సెప్ట్ కూడా నువ్వే ఆలోచించి చెప్పు అని అంతా అంటారు. ఒక కుటుంబంలో అమ్మమ్మలు, తాతయ్యల నుంచి అన్ని తరాల వారికి జ్యూవెలరీని బహుమతిగా ఇస్తూ సంతోషాన్ని ఎలా రెట్టింపు చేసుకుంటున్నారో చూపించాలి. వేడుక ఏదైనా, బంధాలు ఏదైనా మీ ఆనందాలనే కాదు మీ బంధాలని రెట్టింపు చేస్తుంది మీ స్వరాజ్ జ్యూవెలర్స్ అని కావ్య చెబుతుంది.
పరోటా మాస్టరే డైరెక్టర్గా ప్రకాశం బట్టబయలు
అంతా చప్పట్లు కొడతారు. యావరేజ్గా ఉందని మణి వర్మ చెబుతాడు. అంతా మరి మోడల్ ఎక్కడ అని మణి వర్మ అడిగితే.. ఇక్కడ అని రాజ్ చూపిస్తాడు. అప్పుడే కావ్య కిందకు వంగుతుంది. పక్కన ఉన్న పనిమనిషిని మోడల్ అనుకుంటాడు డైరెక్టర్. ఇలాంటి మోడల్ను నేను ఎప్పుడు చూడలేదు అంటూ పని మనిషి దగ్గరికి వెళ్లి గొప్పగా చెబుతాడు.
అది చూసి పరాట మాస్టర్ అని ప్రకాశం అంటాడు. దాంతో మణి వర్మ డైరెక్టర్ కాదని తేలిపోతుంది. అక్కడితో నేటి బ్రహ్మముడి సీరియల్ ఎపిసోడ్ ముగుస్తుంది.
బ్రహ్మముడి సీరియల్ ఈ ఎపిసోడ్లో హాస్యం, డ్రామా కలగలిపి ప్రేక్షకులను అలరించింది. నకిలీ డైరెక్టర్ బండారం బయటపడటం, పని మనిషికి మోడల్ అవకాశం వంటివి కథనంలో కొత్త ఆసక్తిని రేకెత్తించాయి. రాబోయే ఎపిసోడ్లు మరింత ఉత్సాహంగా ఉండబోతున్నాయి.
