📌 Key Points
- చిన్న సినిమాకు భారీ పబ్లిసిటీ వ్యయం.. బన్నీ వాసు షాకింగ్ కామెంట్స్!
- సినిమా విడుదల గురించి తెలియాలంటే కోటిన్నర ఖర్చు తప్పనిసరి!
- కంటెంట్ బాగుంటేనే ప్రేక్షకుల ఆదరణ.. లేకుంటే డబ్బు వృథా!
- ప్రణాళికతో ప్రమోషన్స్ చేస్తేనే సక్సెస్ అంటున్నారు బన్నీ వాసు.
టాలీవుడ్ నిర్మాత బన్నీ వాసు సంచలన ప్రకటన చేశారు. చిన్న సినిమా విడుదల గురించి ఆయన చేసిన వ్యాఖ్యలు పరిశ్రమలో ప్రకంపనలు సృష్టిస్తున్నాయి. సినిమా పబ్లిసిటీ ఖర్చు గురించి ఆయన ఏం చెప్పారో చూద్దాం.
చిన్న సినిమా పబ్లిసిటీకి ఎంత ఖర్చవుతుందో తెలుసా?
తెలుగు సినిమా పరిశ్రమలో నిర్మాతగా తనకంటూ మంచి గుర్తింపును సంపాదించుకున్న వారిలో బన్నీ వాసు ఒకరు. ఈయన ఇప్పటివరకు ఎన్నో సినిమాలను నిర్మించి వాటిలో అనేక మూవీలతో మంచి విజయాలను సొంతం చేసుకున్నాడు. తాజాగా ఈ నిర్మాత ఓ ఇంటర్వ్యూలో పాల్గొన్నారు. అందులో సినిమాను తీయడం ముఖ్యం కాదు, దానిని సరైన పద్ధతిలో పబ్లిసిటీ చేయడం ముఖ్యం. అలాగే ఒక చిన్న చిత్రానికి సరైన రీతిలో పబ్లిసిటీ చేయాలంటే ఎంత ఖర్చవుతుంది అనే దానిపై ఈయన స్పష్టమైన సమాచారం ఇచ్చాడు.
కంటెంట్ ఉంటేనే సినిమాకు గుర్తింపు: బన్నీ వాసు
తాజాగా బన్నీ వాసు మాట్లాడుతూ… మూవీ పూర్తయిన తర్వాత దాన్ని పక్కా ప్రణాళికతో పబ్లిసిటీ చేయాలి. ఈ రోజుల్లో తక్కువ బడ్జెట్ సినిమా అయినా సరే ఒకటి రాబోతుందని తెలియాలంటే దానికి పబ్లిసిటీ కంపల్సరీ. చిన్న మూవీ అయినా సరే వస్తుందని జనాలకు తెలియాలంటే ఒకటి నుండి ఒకటిన్నర కోటి వరకు ఖర్చు అవుతుంది. అది కూడా భారీ స్థాయిలో పబ్లిసిటీ జరగదు. కేవలం అలా అలా జరుగుతుంది. అందులోని కంటెంట్తో ప్రేక్షకులను మెప్పించగలిగినట్లయితే దాని రీచ్ మరింతగా పెరుగుతుంది.
ప్రమోషన్స్లో ప్లానింగ్ లేకుంటే అంతే సంగతులు!
కేవలం డబ్బు మాత్రమే ఖర్చు చేసినా పబ్లిసిటీ జరుగుతుందనేది చెప్పలేం. అందులోని కంటెంట్ కూడా చాలా వరకు ప్రభావితం చేస్తుంది. ఆ చిత్రంలో ప్రేక్షకులను అలరించే సత్తా ఉంటే దాన్ని మనం సరైన పద్ధతిలో వినియోగించుకొని పబ్లిసిటీ చేసినట్లయితే కాస్త తక్కువ ఖర్చులో జనాలకు ఓ సినిమా వస్తుందని, దాన్ని చూడాలనే ఆసక్తిని రేకెత్తించవచ్చు. అదే కరెక్ట్ పద్ధతిలో వెళ్ళనట్లయితే ఖర్చు పెరిగినా జనాలకు ఆ ప్రోడక్ట్ పై ఆసక్తి కలిగే అవకాశం ఉండదని బన్నీ వాసు చెప్పుకొచ్చాడు.
బన్నీ వాసు మాటలు టాలీవుడ్లో హాట్ టాపిక్గా మారాయి. చిన్న సినిమాల భవితవ్యం గురించి ఆయన చేసిన వ్యాఖ్యలు చర్చనీయాంశంగా మారాయి. మరిన్ని అప్డేట్స్ కోసం చూస్తూ ఉండండి.
