ప్రముఖ నిర్మాత దిల్ రాజు, మెగా పవర్ స్టార్ రామ్ చరణ్ తో కొత్త సినిమాను ప్రకటించారు. గేమ్ ఛేంజర్ సినిమా తర్వాత ఈ ప్రకటన చర్చనీయాంశం అయ్యింది. ఈ కొత్త సినిమా గురించి మరిన్ని వివరాలు త్వరలోనే వెల్లడించబడతాయి.
Key Points
దిల్ రాజు రామ్ చరణ్ తో కొత్త సినిమా ప్రకటించారు.
గేమ్ ఛేంజర్ సినిమా ఫ్లాప్ తర్వాత ఈ ప్రకటన.
సినిమా దర్శకుడు మరియు ఇతర వివరాలు త్వరలోనే వెల్లడించబడతాయి.
దిల్ రాజు – రామ్ చరణ్ కొత్త సినిమా
స్టార్ ప్రొడ్యూసర్, తెలంగాణ ఎఫ్డీసీ ఛైర్మెన్ దిల్ రాజు మరో క్రేజీ ప్రాజెక్ట్ ని ప్రకటించారు. మరోసారి ఆయన రామ్ చరణ్తో మూవీ చేయబోతున్నట్టు తెలిపారు. చరణ్తో ఆయన `గేమ్ ఛేంజర్` మూవీని నిర్మించిన విషయం తెలిసిందే.
శంకర్ దర్శకత్వంలో రూపొందిన ఈ మూవీ ఈ సంక్రాంతికి ఆడియెన్స్ ముందుకు వచ్చింది. కానీ ఆడియెన్స్ ని ఆకట్టుకోవడంలో విఫలమయ్యింది. దారుణమైన డిజాస్టర్గా నిలిచింది. నిర్మాతలకు వంద కోట్లకుపైగా నష్టాలను తీసుకొచ్చిందని టాక్.
ఈ నేపథ్యంలో `గేమ్ ఛేంజర్` ఫెయిల్యూర్పై ఇప్పటికే స్పందించారు దిల్ రాజు. ఆ మూవీ విషయంలో తప్పు తనదే అని వెల్లడించారు. మూవీ చేయి దాటి పోతుందని తెలిసీ కూడా ఏం చేయలేకపోయామని తెలిపారు.
పెద్ద డైరెక్టర్ కావడంతో ఇన్వాల్వ్ కాలేకపోయామని, ఓ దశలో ఇక వదిలేసుకున్నామని ఆ మధ్య ఓ ఇంటర్వ్యూలో తెలిపారు. ఇకపై ఇలాంటి మూవీస్ విషయంలో జాగ్రత్తలు తీసుకుంటామని తెలిపారు. ఇప్పుడు మరోసారి రామ్ చరణ్తో మూవీ చేయబోతున్నట్టు ఆయన వెల్లడించారు.
గేమ్ ఛేంజర్ ఫ్లాప్ తర్వాత
దిల్రాజు.. నితిన్ హీరోగా `తమ్ముడు` చిత్రాన్ని నిర్మించారు. తమ్ముడు శిరీష్తో కలిసి దీన్ని తెరకెక్కించారు. వేణు శ్రీరామ్ దర్శకుడు. ఈ మూవీ జులై 4న విడుదల కానుంది. ఈ మూవీతో ఒకప్పటి హీరోయిన్ లయ రీఎంట్రీ ఇస్తున్నారు.
ఇందులో ఆమె నితిన్కి అక్కగా నటిస్తున్నారు. కన్నడ నటి సప్తమీ గౌడ, వర్ష బొల్లమ్మ ముఖ్య పాత్రలు పోషిస్తున్నారు. తాజాగా ఈ సినిమా ట్రైలర్ రిలీజ్ ఈవెంట్ని సోమవారం నిర్వహించారు.
ఇందులో దిల్ రాజు మాట్లాడుతూ, `తమ్ముడు` సినిమాతో హిట్ కొట్టబోతున్నట్టు తెలిపారు. నితిన్ గత నాలుగైదు సినిమాలు ఆడలేదు, దీంతో కొంత లో లో ఉన్నాడు. ఇప్పుడు ఈ మూవీతో ఆయన బౌన్స్ బ్యాక్ అవుతారని, సినిమా చూసుకున్నామని, కచ్చితంగా హిట్ కొట్టబోతున్నామని తెలిపారు.
ఈ సందర్భంగా దిల్ రాజు.. రామ్ చరణ్తో సినిమాని ప్రకటించారు. ఈ ఏడాది సంక్రాంతికి `గేమ్ ఛేంజర్`, `సంక్రాంతికి వస్తున్నాం` సినిమాలతో ఆడియెన్స్ ముందుకు వచ్చాం. `సంక్రాంతికి వస్తున్నాం`తో పెద్ద హిట్ కొట్టాం.
సినిమా వివరాలు
కానీ `గేమ్ ఛేంజర్`తో రామ్ చరణ్కి హిట్ ఇవ్వలేకపోయాం. రామ్ చరణ్తో సూపర్ హిట్ తీయలేకపోయామనే చిన్న గిల్ట్ ఉంది. రామ్ చరణ్తో ఒక సూపర్ హిట్ మూవీ తీయడానికి ప్లాన్ జరుగుతుంది. తొందర్లోనే దీన్ని ప్రకటిస్తాం` అని తెలిపారు దిల్ రాజు.
దీంతో రామ్ చరణ్తో దిల్ రాజు తీయబోయే సినిమా ఏంటి? దర్శకుడు ఎవరనేది ఆసక్తికరంగా మారింది. వేణు శ్రీరామ్ వద్ద `ఐకాన్` అనే కథ ఉంది. దాన్ని చరణ్తో తీయబోతున్నారా? అనేది ఆసక్తికరంగా మారింది.
ఈ మూవీని బన్నీతో తీయాలనుకున్నారు. కానీ అది కుదరలేదు. ఇప్పుడు చరణ్ వద్దకు అదే స్క్రిప్ట్ తో వెళ్తున్నారా? అనేది తెలియాల్సి ఉంది. దీంతోపాటు ప్రశాంత్ నీల్తో మూవీ అని మరో టాక్ వినిపిస్తుంది.
మరి దిల్ రాజు .. రామ్ చరణ్తో ఏ డైరెక్టర్తో సినిమా చేయబోతున్నారనేది ఇప్పుడు చర్చనీయాంశంగా మారింది. దీనిపై మున్ముందు క్లారిటీ రావాల్సి ఉంది.
దిల్ రాజు గేమ్ ఛేంజర్ ఫ్లాప్ తర్వాత రామ్ చరణ్ తో కొత్త సినిమా ప్రకటించడం సినీ ప్రేక్షకులలో ఆసక్తిని రేకెత్తిస్తోంది. ఈ సినిమా విజయవంతం అవుతుందని ఆశిద్దాం.
