‘గేమ్ ఛేంజర్’ సినిమా భారీగా డిజాస్టర్ అయిన నేపథ్యంలో, నిర్మాత దిల్ రాజు తన అనుభవాలను పంచుకున్నారు. పెద్ద దర్శకులతో పనిచేయడం, సినిమా నిర్మాణంలో తన పాత్ర, తప్పులను సరిదిద్దుకోవడం గురించి ఆయన వివరించారు.
Key Points
‘గేమ్ ఛేంజర్’ సినిమా ఫ్లాప్పై దిల్ రాజు స్పందన.
పెద్ద దర్శకులతో పనిచేయడంలోని సవాళ్లను వివరించారు.
తప్పు జరిగినప్పుడు ప్రొడ్యూసర్ ఆపాలి అని దిల్ రాజు అభిప్రాయం.
తన తప్పును అంగీకరించి, అనుభవాలను పంచుకున్నారు.
‘గేమ్ ఛేంజర్’ ఫ్లాప్ పై దిల్ రాజు వివరణ
ఈ ఏడాది సంక్రాంతికి రిలీజైన ‘గేమ్ ఛేంజర్’.. దారుణమైన ఫ్లాప్గా నిలిచింది. తొలిరోజు తొలి ఆటకే ఈ విషయం అందరికీ అర్థమైపోయింది. అయితే హీరో-నిర్మాత దీని గురించి పెద్దగా స్పందించలేదు కానీ దర్శకుడు, ఎడిటర్ మాత్రం కొన్నిరోజుల తర్వాత మాట్లాడారు. తమది తప్పు కాదన్నట్లు చెప్పుకొచ్చారు. ఏదేమైనా జరగాల్సిన నష్టం అయితే జరిగిపోయింది. సరే ఇదంతా పక్కనబెడితే ‘తమ్ముడు’ సినిమా ప్రమోషన్లలో భాగంగా నిర్మాత దిల్ రాజు మీడియా ముందుకొచ్చారు. ఈ క్రమంలోనే ఆయనకు ‘గేమ్ ఛేంజర్’ ఫెయిల్యూర్ గురించి ప్రశ్న ఎదురైంది. దానికి ఆయన ముక్కుసూటిగా సమాధానం చెప్పేశారు.
దిల్ రాజు అంటే ఇండస్ట్రీలో జడ్జిమెంట్, ఫిల్మ్ మేకింగ్లో అనుభవం అనే బ్రాండ్ ఉంది. మీరు తీసే సినిమాలో మీకు తెలియకుండా ఏమీ జరగదంటారు. కానీ గేమ్ ఛేంజర్ విషయంలో అలా ఎందుకు జరిగింది అని యాంకర్ ప్రశ్నించగా.. దిల్ రాజు ఆసక్తికర వ్యాఖ్యలు చేశారు. ‘పెద్ద సినిమాలు, పెద్ద దర్శకులతో చేసినప్పుడు 100 శాతం ఆ సమస్య ఉంటుంది. దిల్ రాజుకే కాదు. అందరికీ ఆ ప్రాబ్లమ్ తప్పదు. సినిమాని నాలుగున్నర గంటలు తీశారని ఎడిటర్ చెప్పింది నిజమే. పెద్ద డైరెక్టర్తో చేస్తున్నప్పుడు ఎక్కువగా జోక్యం చేసుకోలేం’
పెద్ద దర్శకులతో పనిచేయడం గురించి
‘అయితే రోజూ కిచిడీ ఉంటుంది. రోజూ కావాలా.. మొత్తం అయిపోయాక ఒక్కసారి చూసుకోవాలా అనేది నిర్ణయించుకోవాలి. తప్పు జరిగినప్పుడు ప్రొడ్యూసర్ ఆపాలి. దానిని ఆపలేకపోయానంటే అది నా వైఫల్యమే. అలాంటి ప్రాజెక్ట్ని నేను చేసి ఉండకూడదు. నా కెరీర్లో 60 వరకు సినిమాలు తీశాను. కానీ ఎప్పుడూ పెద్ద దర్శకులతో సినిమాలు చేయలేదు. అందువల్ల నా మొదటి తప్పుడు నిర్ణంయం అదే. పెద్ద దర్శకుడితో తీస్తున్నప్పుడు ముందే కాంట్రాక్ట్లో క్లియర్గా పాయింట్లు పెట్టి సినిమాకు వెళ్లాలి. అలా చేయలేకపోయాను. అది నా తప్పు’
ప్రొడ్యూసర్ బాధ్యతలు మరియు వైఫల్యాలు
‘ఆ తప్పుని అంగీకరించి దానిని అక్కడితో వదిలేశాను. అది మన స్కూల్ కాదు. అలా కానప్పుడు దాని గురించి ఎక్కువ ఆలోచించడం వేస్ట్’ అని దిల్ రాజు క్లారిటీ ఇచ్చే ప్రయత్నం చేశారు. అలానే చివరి నిమిషం వరకు మీరు సినిమా చూడలేదట కదా అన్న ప్రశ్నకు బదులిస్తూ.. అది మాత్రం తప్పు, తాను ముందే సినిమా చూశానని చెప్పారు. ఏదేమైనా దిల్ రాజు లాంటి ప్రొడ్యూసర్ తప్పుని హుందాగా ఒప్పుకోవడం కూడా ఇక్కడ మెచ్చుకోవాల్సిన విషయం.
చివరగా, దిల్ రాజు తన అనుభవాలను పంచుకుంటూ, తన తప్పులను అంగీకరించి, భవిష్యత్తులో ఇలాంటి పొరపాట్లు చేయకుండా ఉండే ప్రయత్నం చేస్తానని తెలిపారు.
