📌 Key Points
- లోమేష్ పూడిపెద్ది, జయశ్రీ ప్రధాన పాత్రల్లో నటిస్తున్న కొత్త చిత్రం
- ఆనంద్.కె దర్శకత్వంలో వర్షిష్ స్టూడియోస్ పతాకంపై నిర్మాణం
- హైదరాబాద్లో పూజా కార్యక్రమాలతో చిత్రం ప్రారంభం
- మారుతి క్లాప్ ఇవ్వగా, బన్నీవాస్ కెమెరా స్విచ్ఛాన్
టాలీవుడ్లో మరో సంచలన కోర్ట్ రూమ్ డ్రామా రెడీ! లోమేష్ పూడిపెద్ది, జయశ్రీ జంటగా నటిస్తున్న ‘డ్యూ డేట్’ సినిమా షూటింగ్ ప్రారంభమైంది. ఆసక్తికరమైన కథాంశంతో ప్రేక్షకులను మెప్పించేందుకు సిద్ధమవుతోంది.
పూజా వేడుకలు ఘనంగా ప్రారంభం
Due Date : లోమేష్ పూడిపెద్ది, జయశ్రీ ప్రధాన పాత్రల్లో నటిస్తున్న చిత్రం డ్యూ డేట్. ఆనంద్.కె దర్శకత్వంలో ఈ చిత్రం తెరకెక్కుతోంది. వర్షిష్ స్టూడియోస్ పతాకంపై ఏలూరు శ్రీను, పవన్ తరిగోపు సంయుక్తంగా ఈ చిత్రాన్ని నిర్మిస్తున్నారు. బుధవారం హైదరాబాద్లో ఈ చిత్రం పూజా కార్యక్రమాలతో ప్రారంభమైంది.
మారుతి క్లాప్ ఇచ్చిన ముహుర్తపు సన్నివేశం
ఈ మూవీలో కీలక పాత్రలో నటిస్తున్న ప్రణీత పట్నాయక్, విజాక్షనిలపై చిత్రీకరించిన ముహుర్తపు సన్నివేశానికి ప్రముఖ దర్శకుడు మారుతి క్లాప్ నివ్వగా, నిర్మాత బన్నీవాస్ కెమెరా స్విచ్ఛాన్ చేశారు. ఎస్కేఎన్, ధీరజ్ మొగిలినేని, వంశీ నందిపాటిలు చిత్ర దర్శకుడికి స్క్రీప్ట్ను అందజేశారు. ఈ ప్రారంభోత్సవ వేడుకకు.. దర్శకుడు విజయ్ కనకమేడల, విఐ ఆనంద్లతో పాటు పలువురు దర్శకులు, నిర్మాతలు పాల్గొన్నారు.
ప్రేక్షకులకు కొత్తదనంతో సంతృప్తి
ఈ చిత్రం ఎంతో ఆసక్తికరంగా, ఉత్కంఠభరితంగా ఉంటుందని, టైటిల్ దగ్గర నుంచి సినిమాలోని ప్రతి అంశం ప్రేక్షకులకు కొత్తదనంతో పాటు పూర్తి సంతృప్తిని కలిగించే కథ, కథనాలు ఉంటాయని నిర్మాతలు తెలిపారు. త్వరలో రెగ్యులర్ షూటింగ్ ప్రారంభిస్తామని చెప్పారు.
కొత్త కథ, కమర్షియల్ ఎలిమెంట్స్తో ‘డ్యూ డేట్’ ప్రేక్షకులను ఆకట్టుకోనుంది. త్వరలో రెగ్యులర్ షూటింగ్ ప్రారంభమవుతుంది. మరిన్ని అప్డేట్స్ కోసం వేచి చూడండి!
