📌 Key Points
- దుర్గాష్టమి రోజున లక్ష్మీదేవిని లేదా గౌరీదేవిని పూజించవచ్చు.
- నిమ్మకాయ దీపాలు వెలిగించి, పులిహోర లేదా దద్దోజనం నైవేద్యంగా పెట్టండి.
- “ఓం దుం దుర్గాయ నమః” మంత్రాన్ని 21 లేదా 108 సార్లు జపించండి.
- రాహుకాలంలో దీపాలు వెలిగించి, అరటిపండ్లు నైవేద్యంగా సమర్పించండి.
దుర్గాష్టమి హిందువులకు ఎంతో పవిత్రమైన రోజు. ఈ రోజున దుర్గాదేవిని శక్తి స్వరూపిణిగా కొలుస్తారు. అమ్మవారిని పూజించడం వలన సకల పాపాలు తొలగిపోయి, శుభాలు కలుగుతాయని భక్తుల నమ్మకం.
దుర్గాష్టమి యొక్క ప్రాముఖ్యత
ఫిబ్రవరి 24, అనగా రేపు వచ్చే దుర్గాష్టమి చాలా శక్తివంతమైనది. పైగా మంగళవారం రావడం మరింత విశేషం. దుర్గాష్టమి నాడు ఈ పరిహారాలను పాటించడం వలన అమ్మవారి అనుగ్రహం మీ ఇంటిపై పడుతుంది. రాహుకాల దీపాలు వెలిగిస్తే ఆనందంగా ఉండొచ్చు, కష్టాలన్నీ తీరిపోతాయి. మరి అమ్మవారి అనుగ్రహం కలగాలంటే దుర్గాష్టమి వేళ ఏం చేయాలి?
ప్రతినెలా శుక్లపక్ష అష్టమి నాడు దుర్గాష్టమిని జరుపుకుంటాము. అయితే ఈ నెలలో వచ్చే దుర్గాష్టమి మంగళవారం నాడు రావడం విశేషం. ఈ దుర్గాష్టమి వేళ అమ్మవారిని ఇలా ఆరాధించడం వలన కష్టాలు అన్నీ కూడా తొలగిపోతాయి, ఆనందంగా ఉండొచ్చు. మరి అమ్మవారి అనుగ్రహం కలగాలంటే రేపు దుర్గాష్టమి వేళ ఏం చేయాలి? ఎలా అమ్మవారిని పూజిస్తే శుభాలు కలుగుతాయి అనే విషయాన్ని ఇప్పుడు తెలుసుకుందాం.
చాలా శక్తివంతమైన దుర్గాష్టమి
రాహుకాల దీపారాధన విధానం
లక్ష్మీదేవి ని లేదా గౌరీదేవిని అయినా ఆరాధించొచ్చు. నిమ్మకాయలకు బొట్లు పెట్టి పూజ గదిలో అమ్మవారి ఫోటో ముందు పెట్టి దీపారాధన చేయండి.
యథావిధిగా పూజ చేసుకుని అమ్మవారికి ఇష్టమైన పులిహోర లేదా దద్దోజనాన్ని నైవేద్యంగా పెట్టండి.
అమ్మవారికి ఇష్టమైన ఎర్రటి మట్టి గాజులను పూజ గదిలో పెట్టి, పూజ పూర్తయ్యాక వాటిని ధరించడం మంచిది.
అమ్మవారి అనుగ్రహం పొందే మార్గాలు
“ఓం దుం దుర్గాయ నమః” మంత్రాన్ని 21 లేదా 108 సార్లు జపించడం వలన దుర్గాదేవి ప్రత్యేక అనుగ్రహాన్ని పొందవచ్చు.
అయితే రాహుకాలం సమయంలో అమ్మవారు భూమిపై సంచరిస్తారని నమ్మకం. కాబట్టి ఆ సమయంలో రాహుకాల దీపాలను వెలిగించడం మంచిది.
నిమ్మకాయను కట్ చేసి గుజ్జు తీసేసి వాటిలో నువ్వుల నూనె లేదా ఆవు నెయ్యి వేసి తొమ్మిది దీపాలను వెలిగించాలి. ఆ తర్వాత అరటిపండ్లను నైవేద్యంగా పెట్టండి. కుదిరితే పసుపు, కుంకుమలు, మట్టి గాజులు, జాకెట్ ముక్కను తాంబూలంగా ముత్తైదువుకు ఇవ్వండి. ఇలా దుర్గాష్టమి నాడు రాహుకాల దీపాలను వెలిగిస్తే శుభ ఫలితాలు కలుగుతాయి. ఐశ్వర్యం కూడా కలుగుతుంది. అనారోగ్య సమస్యలు, ఆర్థిక సమస్యలు కూడా తొలగిపోతాయి.
ఈ దుర్గాష్టమి రోజున అమ్మవారిని భక్తితో పూజించి, మీ కష్టాలను తొలగించుకోండి. సకల శుభాలు మీకు కలుగుతాయి. అమ్మవారి ఆశీస్సులు ఎల్లప్పుడూ మీపై ఉంటాయి.
