గుండె నిండా గుడి గంటలు టుడే ఎపిసోడ్: గుడిలో రోహిణి పొర్లు దండాలు- తండ్రికోసం నిష్ట- మనోజ్‌ను చూసిన కల్పన- ఆరా తీసిన బాలు

గుండె నిండా గుడి గంటలు సీరియల్‌లో ఈరోజు ఎపిసోడ్‌లో మీనాకు భర్త గుణం బహుమతిగా స్కూటీ ఇవ్వడం, రోహిణి గుడిలో తండ్రి కోసం ప్రార్థనలు చేయడం, మరియు మనోజ్ కల్పనను వెతుకుతున్నాడు. బాలు ఆరా తీస్తున్నాడు.

మీనాకు స్కూటీ బహుమతి

గుండె నిండా గుడి గంటలు సీరియల్‌ ఈరోజు ఎపిసోడ్‌లో మీనా స్కూటీ మీద పుట్టింటికి వెళ్తుంది. అది చూసి తల్లి పార్వతి, చెల్లెలు సుమతి సంతోషిస్తారు. పూలు అమ్ముడానికి ఆయన స్కూటీ కొనిపెట్టారని చెబుతుంది మీనా. పూలకొట్టు గురించి అడిగితే జరిగింది చెబుతుంది మీనా. బాలుకు తొందరకోపం వస్తుంది. కానీ కారణం లేకుండా ఎందుకు వస్తుంది. మీ తమ్మున్ని కొట్టారని మేము బాలును అన్నాం అని పక్కంటి ఆవిడ అంటుంది.

ఇంతలో శివ వస్తే బావ కొనిపెట్టారని స్కూటీ చూపిస్తుంది మీనా. ఓసారి నడుపుతావా అని అడుగుతుంది. ఎవరి బండో నేను ముట్టుకోను అని శివ అంటే.. అవును, గుణ బండి మీద అయితే బాగా తిరుగుతావ్ అని సుమతి అంటుంది. దాంతో శివ వెళ్లిపోతాడు. మీనాను ఇంట్లోకి తీసుకెళ్లిన పార్వతి ఎవరి కళ్లు పడ్డాయో అని దిష్టి తీస్తుంది. ఇంతలో శివ వస్తే.. వీడు కాలేజ్‌కు వెళ్తున్నాడా అని సుమతిని అడుగుతుంది మీనా.

అలా చెప్పే వెళ్తాడు. అక్కడ ఏం చేస్తున్నాడో తెలియదని అంటుంది సుమతి. అక్క వచ్చిందిగా చికెన్ తీసుకొస్తా అని శివ అంటే మా ఆయన గురించి మర్యాదగా మాట్లాడినప్పుడే తింటాను అని మీనా అంటుంది. ఒక్క స్కూటీ కొనిచ్చేసరికి మీ ఆయన దేవుడయ్యాడా అని శివ అంటే.. దాంతో జరిగింది చెబుతుంది మీనా. ఎండలో తిరగడం కష్టం కాదా అని శివ అంటాడు.

ఇంట్లో గౌరవంగా ఉండాలని అది కొనిపెట్టారు. అది కూడా కష్టంగా భావిస్తే ఆయన కష్టానికి ఫలితం ఏముంటుంది. నేను వెళ్తానమ్మా. వచ్చినప్పుడల్లా ఆయన గురించి తప్పుగానే అంటాడు. ఆయన్ను అంటే నేను ఊరుకోను అని మీనా అంటుంది. డబ్బు కోసమేగా నీతో పూలు అమ్మిస్తున్నాడు అని శివ అంటాడు. ఆయన డబ్బు మనిషి కాదు. గుణ అందరిని పీడిస్తుంటే కారు అమ్మి డబ్బు కట్టాడు. ఆయన్ను ఇంకోమాట అంటే నీ రెండో చేయి నేను విరిచేస్తాను అని మీనా వార్నింగ్ ఇస్తుంది.

మనోజ్ మరియు రోహిణి యొక్క అన్వేషణ

నువ్ ఆగురా అని సుమతి, పార్వతి అడ్డుకుంటారు. మరోవైపు ట్రావెల్ ఏజెన్సీకి వెళ్తారు మనోజ్, రోహిణి. కెనడాలో ఉన్న ఒకరి గురించి తెలుసుకోవాలని కల్పన ఫొటో చూపించి అడుగుతాడు మనోజ్. ఫొటోలను మొబైల్‌లో పెట్టుకుని తిరుగుతున్నావా అని రోహిణి ఉడుక్కుంటుంది. అన్ని డిలీట్ చేశా. ఇదెక్కడో మెయిల్‌లో దొరికిందని మనోజ్ చెబుతాడు.

ఈవిడను ఎక్కడ చూడలేదని రిసెప్షనిస్ట్ చెబుతుంది. కానీ, అలా కస్టమర్ డీటెల్స్ ఇవ్వడం కుదరదని రిసెప్షనిస్ట్ చెబుతుంది. వాళ్ల అమ్మమ్మ చనిపోయారు. వెంటనే ఇన్ఫార్మ్ చేయాలని రోహిణి అంటుంది. మీరు మెయిన్ బ్రాంచ్‌ను కాంటాక్ట్ అవ్వండని రిసెప్షనిస్ట్ చెబుతుంది. బయటకు వచ్చిన మనోజ్ అసలు తనిప్పుడు ఏం చెస్తుందో ఎక్కడుందో అని అంటాడు.

కట్ చేస్తే బాలు కారులో అదే సిటీలో కల్పన ప్రయాణిస్తుంటుంది. ఎక్కడి నుంచి వస్తున్నారని బాలు అడిగితే కెనడా నుంచి అని కల్పన చెబుతుంది. అక్కడ బిజినెస్ చేస్తున్నాని. అక్కడ ధరలు ఎక్కువ. ఇక్కడ ల్యాండ్ కొన్నాను. రిజిస్ట్రేషన్ కోసం వచ్చాను. మీరు వచ్చి పికప్ చేసుకుంటారా అని కల్పన అడుగుతుంది. నా నెంబర్ ఉందిగా. కాల్ చేయండి అని బాలు అంటాడు.

కెనడాకు నేను వెళ్లినప్పుడు రూ. 10 లక్షలు అయిందని కల్పన చెబుతుంది. ఎలా వెళ్లారు అని బాలు అడిగితే మనోజ్‌కు చేసింది గుర్తు చేసుకుంటుంది కల్పన. తర్వాత చెబుతానంటుంది. మరోవైపు మనోజ్, రోహిణి దగ్గరికి ప్రభావతి వెళ్లి గుడికి వెళ్లామంటుంది. నేను చెప్పానుగా మనమందరం గుడికి వెళ్లి అని మనోజ్ అంటే మన ఇంటిల్లిపాది గుడిమెట్ల మీద అడుక్కుతినే పరిస్థితి రాలేదని ప్రభావతి చెబుతుంది.

రోహిణి యొక్క నిష్ట మరియు బాలు యొక్క ఆరా

రోహిణి కోసం గుడికి వెళ్తాం. మీ నాన్న జైలులో ఉన్నారుగా. నువ్ పూజ చేయాలి. 21 రోజులు ఉపవాసం ఉండాలి. చాపమీద పడుకోవాలి. మాంసహారం ముట్టుకోకూడదు అని ప్రభావతి చెప్పి వెళ్లిపోతుంది. సత్యంతో మనమంతా గుడికి వెళ్దామని, రోహిణి నాన్న కోసం. 21 రోజులు నిష్టగా పూజ చేయాలి అని ప్రభావతి చెబుతుంది. కానీ, నిష్టగా ఉండటం చాలా కష్టం. రోహిణి ఉండగలదా. మధ్యలో పూజ ఆపేస్తే నాకు తెలిసిన ఆవిడకు చేయి విరిగిందని మీనా భయపెడుతుంది.

రోహిణి భయపడుతుంది. కన్నతండ్రి కోసం ఆమాత్రం చేయదా అని ప్రభావతి అంటుంది. దైవభక్తి చాలా పవర్‌ఫుల్ అని సత్యం అంటాడు. బాలుకు చెప్పమని ఇన్‌డైరెక్ట్‌గా చెబుతుంది ప్రభావతి. సరే అని మీనా అంటుంది. మరోవైపు మనోజ్ కెనడాకు వెళ్లడం గురించి కల్పనకు చెబుతాడు బాలు. ఇంతలో మీనా కాల్ చేసి గుడికి రమ్మంటుంది. కస్టమర్ ఉన్నారు. సరేలే ఏదోలా వస్తా అని బాలు అంటాడు.

మేడమ్ మా వాళ్లంతా గుడికి వస్తున్నారు. ఒక్క ఐదు నిమిషాల్లో వస్తాను అని బాలు అంటే సరే అని కల్పన ఒప్పుకుంటుంది. సత్యం ఫ్యామిలీ అంతా గుడికి వస్తుంది. బాలు కూడా వస్తాడు. రోహిణి మొహానికి పసుపు పూసి పొర్లుదండాలు పెట్టమంటుంది ప్రభావతి. రోహిణి కూడా గుడిలో పొర్లు దండాలు పెడుతుంది.

ఫోన్ రావడంతో మనోజ్ గుడి బయటకు వస్తాడు. మనోజ్‌ను చూసి కల్పన కారులో దాక్కుంటుంది. కారు దగ్గరికే వెళ్లిన మనోజ్ కాల్ మాట్లాడుతూ ఉంటాడు. అక్కడితో నేటి గుండె నిండా గుడి గంటలు సీరియల్ ఎపిసోడ్ ముగుస్తుంది.

ఈ ఎపిసోడ్‌లో చూపించిన కథాంశాలు ప్రేక్షకులను ఆకట్టుకుంటాయి. రోహిణి, మనోజ్ మరియు మీనా జీవితాలలో కొత్త మలుపులు ఎదురుచూస్తున్నాయి.